رواية حب عمري الفصل الثالث والعشرون 23 - بقلم لولا

بعد مرور 3 سنين وتحديدًا يوم عيد جواز كريم ونيرة الرابع. في أوضة نيرة. نيرة صحيت من النوم واتفاجئت لما شافت الأوضة مليانة زينة وورد، وبوكيه على السرير وفيه خاتم ألماس. نيرة بدموع وفرح قامت مسكت البوكيه وكملت: "يا حبيبي يا كريم." كريم حضنها من ضهرها: "قلب حبيبك أنتِ. وباس خدها: "كل سنة وأنتي طيبة يا نور عيني، كل سنة وأنتي منورة دنيتي وحياتي. عيد جواز سعيد يا أم أولادي."

نيرة بدموع حضنته: "وأنت طيب يا حياتي، ده كان أحسن يوم في حياتي كلها أصلًا." كريم بحب باسها: "وأنا بجدد حياتي اتغيرت من اليوم ده." وأكمل بحزن: "سامحيني، عندي ضغط شغل في مشروع جديد، بس ليكي احتفال صغير كده لحد ما أفضي وأوديكي أحلى خروجة، ولو عايزة تسافري كمان." عيون نيرة بحب وهي في حضنه: "أنا عايزك تفضل معايا وبس في أي مكان، مش مهم." كريم باس راسها: "ربنا ما يحرمني منك يا نور عيني."

نيرة بحب: "طب هروح أصحّي الأولاد عشان حضانتهم." كريم: "ماشي." في أوضة كيان ومازن. نيرة دخلت وولعت النور. نيرة: "اصحي يا مازن يا حبيبي، يلا بقى هتتأخري. يا كيان يلا يا روحي." كيان: "يا مامي عايزة أنام شوية بقى." مازن: "اه سيبيني أنام يا ماما بطلي رخامة عليا." نيرة: "يا حيوان أرخم عليك، ماشي أنا هربيك، قوم يلا خلص أنت وأختك." كيان بنوم: "طب ماشي." كريم دخل. كريم بحدة: "مالهم دول ما صحيوش ليه؟

وفي ثانية كانت كيان ومازن قاموا من السرير. نيرة بصدمة: "والله قومتوا دلوقتي." مازن: "أنا صحيت من بدري يا بابا." كيان: "آه يا بابا، أنا رايحة الحضانه." كريم بحب: "طيب يلا يا حبايب بابا، انزلوا افطروا مع عمو تحت وروحوا الحضانه." ونزلوا. نيرة بصوت مسموع: "ماشي، ماشي يا عيال كريم." كريم بيقربها منه وبص في عيونها: "مالهم عيال كريم؟ نيرة: "مش بيسمعولي كلمة، عيالك متربوش."

كريم بضحك: "هو أنا عارف أربي أمهم، ده أنتِ لحد النهاردة بتخليني أشد في شعرك." نيرة بغضب طفولي: "كده طيب، أوعى." وزقته بخفة ونزلت. كريم بضحك: "مجنونة والله." في القصر. تحت. "أودي بحدة: "نيرة، قولت يلا في حضانة في حضانة." سليم: "بس يا رودينا، براحة عليه." رودي: "كفاية دلع في البنت." سليم: "الله، مش بنتي. تعالي يا حبيبة بابا." ونيرة جريت عليه. سليم بحب شالها وباس خدها: "الأميرة مش عايزة تروح الحضانه ليه؟

نيرة بدموع: "كريم مش رايح عشان تعبان، وأنا بحب أروح معاه." سليم بتعجب: "الله، طب وأنتي مالك ومال كريم؟ كريم الصغير: "أيوه يا خالي، هي بتحب تروح معايا." كريم الكبير بضحك: "من أولها كده." نيرة بضحك: "خلاص يا قلب خالتك، متروحيش انهارده." نيرة الصغيرة بضحك: "بحبك يا خالو أوي." ونزلت حضنته. رودي: "متروحش إزاي يعني يا نيرة؟

نيرة: "يا حبيبتي، مش بالعافية عمرها ما تيجي كده. لازم البنت تحب الحضانه، وطالما كده كلكم أفضلوا مع كريم الصغير النهارده ونروح بكرة كلنا، مفهوم؟ الأطفال: "مفهوم." وفرحوا وراحوا يلعبوا. الجد بضحك: "والله البيت اتملي أفراح يا حبايبي، فرحتوني جوي جوي، وعيالكم بيدوني بهجة." نيرة بحب: "ربنا يخليك لينا يا حبيبي." مازن: "فهد." فهد: "إيه يا حبيبي؟ كريم بعصبية: "مازن، اسمه عمو، عيب كده." فهد: "بس يا كريم، ده عيل."

كريم بعصبية: "بكرة يكبر لازم يتعلم." ورايح ناحية مازن. نيرة راحت وقفت قدامه. نيرة بخوف على ابنها: "خلاص يا حبيبي، هي مش بالضرب ده، ده عيل صغير." كريم بعصبية: "نيرة، متدخليش بيني وبين ابني." نيرة: "بس ابني بردو، وأنا هفهمه." وراحت لفت لمازن اللي هيموت من الخوف. نيرة بعتاب: "كده يا ميزو، مش عيب؟ مش بابا بيقولك دايماً إن فهد وزين وسليم بيتقالهم عمو، وفرح عمتو، ومريم ورودي خالة؟

مازن بخوف: "آه، بس عمو زين وعمو فهد وعمو سليم، إحنا أصحاب عادي." نيرة بحب: "حتى لو أصحاب، هو كبير، ماشي يا حبيبي." مازن بحب: "حاضر يا ماما." الجد بإعجاب بتربية نيرة لعيالها: "جدعة يا بتي، بالتفاهم صح." مازن بحب: "عمو فهد." فهد بحب: "إيه يا حبيبي؟ مازن بحب: "هي فين أيلين؟ فهد برفع حاجب: "وأنت مالك ببنتي ياض؟ أيلين نزلت من على السلم. أيلين بضحك: "أنا أهو يا مازن." مازن بحب: "وحشتيني يا أيلين." وحضنها.

فهد: "الله الله، شوفي تربيتك يا سي كريم." وراح مسك مازن: "أنت يالا، متحضنش بنتي." زين بضحك: "هيطلع لمين يعني، نفس قلة أدب أبوه. وأنا كملت مسيرته." نيرة بضحك: "صدقت والله." كريم بضحك: "صدقت ها؟ نيرة: "آه، صدق إيه غلطتك؟ كريم الصغير: "لا يا نيرة، غيري الجيبة دي، قصيرة قوي." نيرة الصغيرة بزعل: "مامي، غيريلي." رودي بضحك: "يا بنت الجزمه، من الصبح مزهقاني ومش عايزة تلبسي، وكل ده عشان كريم قالك."

نيرة الصغيرة بطفولة وضحك: "آه." سليم بضحك: "تربيتي باظت، لم ابنك يا زين." زين: "الله، ماتسيبوا العيال." بعد شوية من اللعب والهزار والضحك. كريم: "بسسس، صدعتوني ياض، منك ليه اهدوا." كريم الصغير: "يا خالي، بنلعب كورة." زين: "كورة؟ أجي ألعب معاكم. مين بيلعب؟ كريم الصغير: "أنا ومازن." زين: "حلو، يلا بينا." كريم الكبير: "صبرني يااارب، يابني أكبر." زين: "فكك، فكك يا عم، عيش."

كريم الكبير: "أنت كده كده سبب فساد العيال. كمل كمل." زين بضحك: "من عيوني." عند الأطفال في الجنينة. نيرة الصغيرة: "يلا يا كريم، أيلين، يلا يا مازن، كيان، يخش كلهم يخسروا. أنا هشجع عمو زين." زين بضحك: "حبيبت عمو زين، أنتِ متربية، متقعديش معانا كتير." كيان بطفولة: "حبيبي يا عمو." كريم جاب جول، جري حضن نيرة ولف بيه. زين مسكه من هدومه: "عيب كده يا حبيبي. آه، عارف تربيتي وسخة، بس عيب. أنت عارف لو سليم شافك هيعمل فيك إيه."

كريم بضحك: "إيه يا بوب." وغمز لنيرة: "منا هخطبها لما أكبر." زين بضحك: "يابني بسس، تربيتك باظت. إيه، عايز كريم يشمت فيا؟ كريم من وراه بضحك: "لا، منا كده كده." شتمان. وأكمل: "أنا ابني صح، تربيتك بس متربي، آه، مش بيعمل العمايل دي." وهما بيلعبوا في اللحظة دي. مازن جاب جول وجري حضن أيلين وكمل: "جبت جول يا أيلين." أيلين تسقف وتنطط. زين بضحك: "قولتلي ابنك إيه يا كيمو، ده تربيتي أنا ده."

كريم بعصبية: "مااازن، مش عيب كده، دي بنت عمك." مازن: "منا عارف، ولما أكبر هتجوزها." زين ضحك وحضن كريم ومازن: " حبايبي حبايبي، كملوا فساد في الأرض." كريم الكبير: "عوضي على الله والله." "زينة البنات." "كوكو." كيان بطفولة وفرح: "حبيبي يا بابا." كريم الصغير: "آه، هو خلاص، أنا هخطب نيرة زي خالو كريم خطب مرت خالي نيرة." كريم الكبير بضحك: "واخد بالك انت. يالهوي، ده إحنا مكناش عيال." زين بضحك: "حصل." مازن: "آه، وأنا أيلين."

مريم دخلت: "تعالي يا نيرة، شوفي تربيتك، سيب بنتي ياض." مازن بطفولة: "إيه يا مرت عمي، عايز أخطبها." مريم بضحك: "تخطبي إيه، اتنيل على عينك." كريم بضحك: "ولا ابني ولا أعرفه." فهد مسك مازن الصغير وأكمل: "بقي أنت ياض عايز تتجوز بنتين؟ نيرة الكبيرة بضحك: "وابني ماله إن شاء الله، ده كريم حجز أيلين من وهي في بطن أمها، فاكر." فهد: "هو أنا أقدر أقول حاجة، ده ابن كريم." كريم بضحك: "حبيبي والله." كيان: "بابا."

كريم: "نعم يا قلب بابي." كيان: "كلهم هيخطبوا، اسمع أنا." كلهم فصلوا ضحك. كريم: "يا حزنك يا كريم على عيالك، أنتِ عايزة تتجوزي وتسيب بابي؟ كيان بحب حضنته: "لا، خلاص." كريم بحب: "حبيبت بابي." نيرة بضحك: "بت، انتِ، أوعي من حضن جوزك." كيان بضحك باست كريم من خده وأكملت لنيرة بضحك: "بص يا كريم، بص بنتك." كريم بضحك حضنها أكتر: "حبيبت بابي." مريم: "بت يا أيلين، تعالي هنا." أيلين: "لا، أنا هلعب مع مازن."

نيرة بضحك: "أنا أصلاً فقدت الأمل في العيال، تربيتهم باظت." الجد بضحك: "وتلّت العيال، وفروا علينا تدوير على عرايس." زين بضحك: "صح والله." سمية بضحك: "العيال موتوني ضحك بجد." الجد: "ربنا يحميهم ياااارب." وبعد ما لعبوا في جو لطيف، كريم جاب تورته عليها صورته هو ونيرة وحط شمعة رقم 4. كريم وهو باصص في عينها: "كل سنة وأنتي مالية عليا حياتي يا حياتي." نيرة بحب حضنته: "حبيبي بجد." وكلهم بدأوا يحتفلوا بيهم.

كريم همس بحب: "اكيد هعوضهالك، بس ضغط الشغل، سامحيني." نيرة بحب: "ولا يهمك يا عمري." مازن: "ماما، ماما." نيرة نزلت لمستواه: "إيه يا قلب ماما؟ مازن بزعل طفولي: "أنا ليه محضرتش فرحكم؟ نيرة بضحك: "إيه، لا مش عارفة، اسألي أبوك." كريم بصلها بضحك: "هقوله إيه أنا." زين بضحك: "تعالي يا حبيبي أقولك أنا." كريم: "زين." زين بضحك: "إيه يا عم، إيه؟ هقول للواد." كريم: "تقوله إيه يا حيوان؟

زين بضحك: "بص يا ميزو، أنت ساعة فرح أمك وأبوك كنت صغير أوي ومستخبي، ومكناش نعرف مكانك، بس كده." مازن: "كنتوا تدوروا عليا." زين بضحك: "ماهما دوروا، بس بعد الفرح." كريم حدف عليه إزازة الماية. زين بضحك: "الله، مش ابنك اللي بيسأل؟ كريم بضحك: "هأربيك أنا." وفي نفس اللحظة جاتله رسالة، ملامح وشه اتغيرت. كريم: "نيرة، همشي، ورايا ضغط وشغل." نيرة حضنته: "ربنا معاك يا حبيبي." ومشي كريم. بعد شوية في أوضة نيرة.

خدت دش وغيرت هدومها لدريس جديد وحطت ميكاب هادي، كانت قمر. جاله رسالة على موبايلها. الرسالة: (كريم باشا بيخونك بعد كل العمر ده، ولو مش مصدقاني تعالي العنوان ده **** وتشوفي بعينك.) نيرة بصدمة: "لالا، أكيد لا، أنا هروح بس عشان أثبت عكس شكوكي. كريم مستحيل يعمل كده، واصلاً أحمد محبوس، محدش في صالحه يقول كده." ونزلت جري وطلعت ركبت أوبر ومشيت. عند كريم. بيخبط على الباب. ياسمين بدلع: "ادخل." وسابت الباب مفتوح شوية.

كريم بحدة: "مش فاهم ليه مصره تعملي الاجتماع في بيتكم." ياسمين بدلع: "عشان نكون براحتنا." كريم بحدة: "أعتقد أنا عايز أبدأ شغل وأمشي." ياسمين بدلع: "هو أنا منعتك؟ ماتبدأ الشغل. اتفضل." وبتديه العصير وقع على قميصه. كريم بعصبية: "يووه، هي صفقة سودا. أعمل إيه أنا دلوقتي." ياسمين: "خلعته القميص." ياسمين بتمثيل: "الحق عليا، هغسلهولك وأنشر." كريم: "لا عادي، ألبسه كده."

ياسمين: "لا ميصحش." ودخلت نشرت القميص وغيرت هي هدومها لقميص عريان وطلعت لكريم. كريم لما شافها بصدمة وعصبية: "دور وشك بعيد عنها." وأكمل: "أنتِ اتجننتي؟ أنتِ فاكرة نفسك كده بتغريني؟ غوري جوا." ياسمين راحت ناحيته ومسكت ايده وزحلقت نفسها فوقع كريم فوقها. بالم منظر ده. ياسمين سمعت الباب بيتفتح، كملت بضحك بصوت عااااالي: "بس بقي يا كريم، بطل شقاوة." كريم بعصبية رايح يتكلم، اتصدم من الواقفة أمامه. كريم بصدمة شديدة: "نيررر."