رواية حب إجباري الفصل السادس والعشرون 26 - بقلم منة وليد

لما فاقت تيا ولقت خاتم خطوبة في إيديها. تيا باستغراب: أي ده؟ سليم بابتسامة: خاتم جوازنا. ما هو لو كنتي صبرتي شوية. تيا بصدمة: جواز مين؟ سليم: جوازنا. تيا: طيب وخطوبتك؟ سليم: ماهي هتم. تيا: إزاي؟ سليم: تيا هو انتي مسافرة ولا حاجة؟ تيا: لا. سليم بضحك: طيب عايزك تقومي بالسلامة كده عشان الخطوبة. تيا بغضب: وانت مالك بيا روح لخطيبتك. سليم: طيب ما أنا مع خطيبتي أهي. تيا بصدمة: أنا مش فاهمة حاجة.

سليم بضحك: أنا كنت حابب أعملك مفاجأة لحد ما فهد يجي واطلبك منه بس انتي دخلتي بسرعة مود الاكتئاب. تيا: انت بتضحك يا سليم؟ طيب أي رايك أنا مش موافقة. قاطع كلامهم دخول فهد. فهد بحب: عاملة إيه دلوقتي يا حبيبتي؟ تيا بضحكة: كويس يا حبيبي متقلقش عليا. حمد الله على السلامة. فهد: الله يسلمك. ها أي رأيك في كلام سليم؟ تيا بغيظ: اه مش موافقة يا فهد. سليم: صح مش موافقة على الخطوبة وأنا عايز كتب كتاب يا فهد من بعد إذنك.

تيا بصدمة: أي؟ سليم بضحك: أنا عارف إنك مصدومة يا حبيبتي. فهد بضحك: مجانين. قومي بالسلامة عشان نفرح بيكي وهخلي الباقي ييجي يطمن عليكي. قلقانين بره. تيا: تمام. دخل الباقي اطمن على تيا وخرجوا. نروح عند فهد ولينا رجعوا البيت. لينا: اليوم كان طويل. فهد: فعلاً. نطلب أكل. لينا: ماشي بس عايزة أنام. فهد بضحك: ماشي هطلب الأكل. روحي خدي شاور. لينا بضحك: تمام يا فندم. فهد بضحك: مجنونة. نروح عند مروان وكاميليا.

كاميليا: عامل إيه دلوقتي يا حبيبي؟ مروان بحب: كويس الحمد لله. كاميليا: الحمد لله. ميعاد دواك. مروان: ماشي بس أنا زهقت. عايز أتمشى شوية. كاميليا: هتتعب. مروان: لاه. أسند عليكي. كاميليا بضحك: خلاص توكلنا على الله. مروان: كاميليا. كاميليا: نعم. مروان: انتي مبسوطة معايا؟

كاميليا: هو انا الأول صراحة كنت شايفه إنك اتورطت معايا واتجوزتني. بس لما عشت معاك وشوفت تعاملك وكمان ماما. حسيت إن مع أهلي أنا مش بس مبسوطة أنا هطير من الفرحة. أنا بحبك أوي يا مروان. مروان بفرحة: بجد؟ أنا كمان بموت فيكي يا قلب مروان. كاميليا: اليوم اللي عرفت بالإصابة خوفت أخسرك. أنا مليش غيرك. متسبنيش. مروان وهو بيضمها: عمري ماهسيبك يا قلبي. كاميليا: طيب تعالى ارتاح شوية كفاية كده. مروان: وماله يا دكتورة قلبي.

كاميليا بضحك: ماشي يا حضرة الظابط. مروان: على فكرة انتي متهمة عندي. سرقتي قلبي. كاميليا بحب: ومش هرجعه تاني. مروان بحب: أنا راضي. نرجع عند فهد ولينا على الأكل. لينا: الحمد لله شبعت. فهد بضحك: هو ده أكلك؟ لينا: أيوه الحمد لله. فهد: ماشي. انتي بتنامي؟ لينا: أيوه هروح أنام. هتنام؟ فهد: لا أنا صاحي شوية. لينا: طيب تصبح على خير. فهد: وانتي من أهل الخير. مر شهر وجه يوم خطوبة وكتب كتاب تيا وسليم. لينا: ها يا فهد شكلي حلو.

فهد بحب: قمر يا لينو. أي الحلاوة دي. لينا بخجل: شكرا. انت كمان حلو أوي. فهد: دا أنا بتعاكس. لينا: زي بعضه يالاه هتاخر على تيا. فهد: ماشي يا ستي روحي. نروح أوضة تيا. لينا: أوبا أي القمر ده. تيا بتوتر: بجد شكلي حلو. كاميليا: قمر مفيش كلام. تيا: ربنا يخليكم ليا ونفضل سوا. كاميليا ولينا: يارب يا أحلى عروسة. في الحفل. مروان: أي الجمال ده. كاميليا بخجل: بجد. مروان بحب: انتي بتسألي؟ دا انتي قمر.

كاميليا: وانت كمان طالع آخر شياكة. مروان: دا أنا بتعاكسك. كاميليا: اه طبعاً. أو عى تفهمني صح. مروان بضحك: لا معلش أنا متجوز والله ومراتي بتغير عليا جدا. كاميليا بضحك: وماله يا حضرة الظابط. مروان: بس مفيش مانع أخونها معاكي. كاميليا: اممم. مراتك شغالة إيه. مروان: دكتورة قلبي. كاميليا: طيب خاف بقا على نفسك لتجيب عليك دروس التشريح.

مروان بخوف مصطنع: لا وعلى إيه. مليش غيرها أصلا. ولو قدامي كل بنات العالم هي بس اللي خاطفة قلبي من أول يوم شوفتها وهتجوزها بعد شهر كمان. كاميليا بحب: بحبك يا مروان. مروان: وانا بموت فيكي يا عمري. بعد كتب كتاب سليم وتيا والكل بارك له. سليم بحب: مبروك يا مراتي. تيا بحب: الله يبارك فيك يا حبيبي. سليم بضحك: مش كنتي رافضة. تيا: كنت متغاظة منك أوي. سليم: يا ساتر يارب. تيا: اه والله. صحيح أنا عندي سفر آخر الأسبوع.

سليم: سفر إيه؟ تيا: مؤتمر عن دراستي. سليم: ودا امتى وهتقعدي قد إيه. تيا: آخر الأسبوع تقريبا. أسبوع في أمريكا. سليم: امم. هفكر. تيا: لا سليم بليز دا شغل. سليم بضيق: تمام. تيا: انت زعلت. سليم: لا طبعا. أنا أفرح ليكي بس قلقان عليكي. تيا: لا متخافش عليا يا حبيبي. الحفلة خلصت ولينا وفهد رجعوا البيت في الحديقة والسما مليانة نجوم. لينا وهي بتحاول من مواجهة فهد اللي واقف قدامها.

فهد بنبرة هادية لكن حازمة: انتِ ليه مش بتبصي في عيني؟ لينا: بتحرك رأسها بسرعة وهي متوترة. مش عارفة. مفيش حاجة أقولها. فهد بيقرب منها: مش دايماً بتلاقي الكلام. بس أنا حاسس إن فيه حاجة جواكِ مش قادرة تخبيها أكتر. لينا بتلتفت ناحيته: وأنت ليه مصمم تعرف؟ فهد بهدوء: لأن اللي بينا مش عادي. مش حاجة تسيبها من غير ما تحاولي تفهميها أو تعبري عنه. لينا بتتنهد بعمق وهي

بتحاول تسيطر على نفسها: أنا أنا تعبت من كتر ما بخبي. كنت بحاول أهرب. بحاول أقنع نفسي إنك مجرد شخص عابر. فهد بابتسامة صغيرة: بس واضح إنك مقتنعتيش. لينا بتبتسم بخجل: لاه. مقدرتش. أنا بحبك رغم كل حاجة كنت بخاف منها. رغم كل الجدران اللي كنت بحاول أبنيها حوالين قلبي.

فهد بيمد إيده يمسك إيديها: كنت عارف. كنت شايف ده في كل نظرة وكل كلمة كنتِ بتحاولي تخفيها. وأنا كمان بحبك. من أول لحظة حسيت إنك الشخص اللي كنت مستني أعيشه معاه. لينا: كنت فاكرة إني لو قلتها كل حاجة هتتغير. فهد بابتسامة: اتغيرت للأحسن. دلوقتي مفيش حاجة تخوفك. فهد وهو بيمسك ايديها: عارفة إيه أكتر حاجة كانت صعبة بالنسبة لي؟ لينا: إيه؟

فهد: إنك كنتِ بتبعدي عني كل مرة كنت بحاول أقرب. كنت حاسس إنك شايلة وجع كبير وكنت نفسي أكون الشخص اللي يخففه عنك. لينا: أنا مش متعودة على كده. مش متعودة إن حد يقف جنبي بالطريقة دي. فهد بابتسامة: يمكن ده السبب اللي خلاني مش قادر أسيبك. يمكن عشان أنا عارف إنك محتاجة لحد يشوفك زي ما أنتِ. مش زي ما بتحاولي تباني. لينا بدموع: وإنت شايفني إزاي؟

فهد وهو بيمسح دموعها: شايفك قوية رغم كل اللي عديتِ بيه. شايفك جميلة حتى لو كنتِ بتخبّي نفسك ورا الحواجز دي كلها. وشايفك الشخص اللي أنا وقعت في حبه من غير ما أقدر أمنع نفسي. لينا بارتباك: أنا دايمًا كنت بفكر إن الحب ضعف. إنك لما تحب حد بتبقى عرضة إنه يكسر قلبك. فهد بحنان: الحب مش ضعف. الحب هو إنك تلاقي حد يشاركك خوفك. وحد يوقف جنبك لما كل حاجة تبقى ضبابية. وأنا هنا علشانك وهفضل هنا مهما حصل.

لينا بتردد: وأنا عايزة أصدق ده. عايزة أصدق إن الحب ممكن يكون أمان لأول مرة. فهد بابتسامة: هخليكِ تصدقي ده. وعد. وبدأوا حياتهم سوا ومر سفر تيا ورجعت بس دايما متوترة. فهد بحب: حمد الله على السلامة يا دكتورة. تيا وحشتيني. تيا بتوتر: الله يسلمك وانت كمان. ولينا وحشتوني كتير. فهد باستغراب: مش عارف. من ساعة ما رجعتي من السفر وانتي مش عاجباني. تيا بتوتر: ليه بس. فهد بحنان: حبيبتي حصل حاجة ضايقتك. تيا: لا. فهد بشك: متأكدة.

تيا: أيوه. فهد: يبقى متخانقة مع سليم. تيا: لاه. فهد: يعني مش عايزة تحكي ليا حاجة. دا انا فهد حبيبك. كاتم أسرارك. تيا: لا يا حبيبي. لينا بمرح: خلاص يا عم هو تحقيق ولا إيه. فهد بغمزة: ماشي يا قمرى. لينا بخجل: فهد. فهد: عيونه. لينا: هتتأخر على شغلك. فهد: ماشي أنا نازل. عايزين حاجة. لينا: شكرا. فهد وهو ملاحظ شرود تيا: بت انتي شاكة فيكي. مش عوايدك. لما ارجع. لينا قاعدة: مفيش حاجة يا فهد. لينا: مع السلامة.

فهد: سلام يا قمرى. فهد نزل وتيا ولينا. لينا: تيا حبيبتي مالك. أنا محبتش اتكلم قدام فهد. مالك. تيا بتوتر: أنا أنا عايزة أقولك على حاجة وخوفت أقول لفهد. لينا بضحك: لاه لو مصيبة قولى يا بنت العمى علطول. بس خدي بالك فهد ايده تقيلة. تيا بدموع: أنا مش بهزر. لينا باستغراب: في إيه يا بنتي قلقتيني. تيا بدموع: أنا حامل.