رواية حب إجباري الفصل التاسع 9 - بقلم منة وليد

خرج مروان وهو شايل كاميليا فاقدة الوعي. سليم بقلق: مالها دي؟ مروان: مش عارفة، كنا بنتكلم ووقعت مغمى عليها. سليم: طيب تعالى نمشي بسرعة. فجأة سمعوا صوت ضرب نار. سليم: خد البنت دي العربية. مروان بقلق: وانت هتعمل ايه؟ سليم: متقلقش عليا. مروان فتح العربية. تيا بقلق: مالها كاميليا؟ مروان بخوف: معرفش، أنا كنت بتكلم معاها فجأة وقعت مغمى عليها. جبتها شوفيها، وأنا رايح لسليم. تيا: تمام. رجع مروان عند سليم.

سليم: أنا لقيت دول وروقتهم. مروان: حلو، هنبلغ. سليم: لا عشان هنفهم. مروان: اه صحيح. رجعوا العربية تاني. مروان بقلق: مالها؟ تيا: من المخدر، أخده مخدر قوي. مروان: كويسة يعني؟ تيا: أيوه. سليم: العنوان عشان أوصلكم. تيا: مش هقدر أروح دلوقتي، البيت هنروح بيت كاميليا. العنوان... سليم: تمام. وصلوا عنوان بيت كاميليا. تيا بتوتر: ممكن متعرفوش فهد؟ سليم ببرود: متقلقيش، بس ياريت بعد كده تاخدي بالك، الله أعلم كان هيحصلك إيه.

تيا بعصبية: وانت مالك يا عم. سليم: تصدقي أنا غلطان فعلاً، وهتصل على فهد وأعرفوا كل حاجة. تيا: ده انت رخيم. مروان: خلاص يا جماعة اهدوا، بس وصلوا على النبي. سليم: عليه أفضل الصلاة والسلام. تيا: عليه أفضل الصلاة والسلام. مروان: تيا روحي شوفي حد يطلع معانا عشان نطلع صاحبتك، مش هينفع نطلع لوحدنا معاكي. تيا: أيوه، هنادي البواب وأم أحمد مرات البواب تطلع معانا. مروان وهو شايل كاميليا: تمام. وصلوا تيا وكاميليا البيت.

سليم: ياريت تاخدي بالك بعد كده. تيا بزعل: حاضر. مروان: هنروح إحنا، لو عايزة حاجة قوليلي. تيا: شكراً، معلش تعبتكم. مروان وسليم: ولا تعب ولا حاجة. نرجع عند لينا وفهد، بعد الأكل وراحوا يتكلموا. لينا: ها هنعمل إيه؟ فهد باستغراب: إيه؟ لينا: خلصت كل حاجة. فهد: اه، انتي مالك قلقانة ليه من حوار البعد عن بيت العيلة؟ لينا: مش حكاية قلق، مش بحب الوحدة. فهد: ده أنا عاملك حتة جنينة. لينا بفرحة: بجد؟

فهد: أيوه والله، عملتلك كل الورد اللي بتحبيه هناك. لينا بفرحة: خلاص كده البيت فل أوي. نرجع عند مروان وسليم. مروان: سليم، انت زودتها مع تيا. سليم: ياسلام. مروان: أه والله، هي معندناش حسن تصرف، وكانت خايفة من فهد. سليم: إيه كان أسبابها، افرض كان حصلها حاجة، كان فهد هيعمل فيها إيه يعني. مروان: ممكن خافت يتعصب عليها. سليم: بس بردوا تستاهل. مروان: بس حرام عليك، اعتذرلها. سليم: والله، ليه إن شاء الله.

مروان: عشان زعلتها وهزأتها. سليم: هفتكر وأشوف. مروان: مفيش هفكر. سليم: ماشي يا عم، ارتحت. نرجع عند فهد ولينا. فهد: عايزة حاجة؟ لينا: انت رايح؟ فهد: اه، بخلص شغل عشان الإجازة. لينا: اه، بالتوفيق. فهد: يارب، هروح بقى، عايزة حاجة؟ لينا: لا، خد بالك من نفسك. فهد بابتسامة: ماشي يا عروسة. لينا بضحك: ماشي يا عريس. رجعت لينا البيت. عبد الله: فهد روح؟ لينا: أيوه، بخلص شغل. عبد الله: اممم، شايفك مبسوطة. لينا بفرحة: أوي.

عبد الله: السبب فهد؟ لينا بتوتر: لا، مش القصة، هو عملي حديقة حلوة أوي في البيت، وجابلي حاجات كتير وهو جاي. عبد الله بسعادة: ربنا يخليكم لبعض يا حبيبتي. لينا: شكراً يا حبيبي. تاني يوم في كلية الطب. تيا بمرح: بس يا ستي، دا اللي حصل. كاميليا: يا لهوي عليا، كل ده حصل؟ تيا: اه والله. كاميليا: بس غلط إنك تروحي ليهم لوحدك. تيا: أيوه، اعملي زي الرخم التاني. كاميليا: مين؟ تيا بغيظ: سليم باشا. كاميليا: عمل إيه؟

تيا: ولا حاجة، ماسك في خناقي من أول ما شافني. كاميليا: هو بس كان قلقان يحصلك حاجة، وبصراحة معاه حق. تيا: يعني كنت أسيبك؟ كاميليا: لا، كنتي عرفتي فهد، على الأقل هو ضابط وعرف يتعامل. تيا: ده اللي حصل بقى. كاميليا: خلاص، ده انتي على آخرك. تيا: منة. تيا: أيوه، واحد مغرور وشايف نفسه ورخم. سليم بمقاطعة: وأي تاني يا دكتورة؟ تيا بصدمة: هو؟ كاميليا: تقريباً، أنا معرفوش. سليم: حمد الله على السلامة يا آنسة كاميليا.

كاميليا: الله يسلمك، شكراً تعبت حضرتك. سليم: لا تعب ولا حاجة. مروان بمقاطعة: انت روحت فين يا عم، أسلم على صاحبي ألاقيك اختفيت. سليم: لا، أنا كنت ماشي، قابلت ناس بتغلط. مروان باستغراب: بتغلط؟ سليم: أهم. مروان بانتباه: أه، ازيك يا تيا. تيا: أهلا، مروان عامل إيه؟ مروان: الحمد لله بخير. سليم: ابن حلال، لسه هجيب سيرتكم. مروان: خير. سليم: دي آنسة كاميليا اللي قابلتنا امبارح. مروان بإعجاب: أه، أهلاً وسهلاً.

كاميليا: الله بحضرتك، تعبتك معايا. مروان: لا تعب ولا حاجة. سليم: طيب روحوا اشربوا حاجة، أنا عايز تيا في كلمتين. تيا بقلق: مفيش كلام بينا. مروان: احم، طيب اتفضلي يا كاميليا. كاميليا: تمام، عن إذنكم. سليم: مع السلامة. فضلوا تيا وسليم سوا. سليم: ها، كملي بقى، كنتي بتقولي إيه؟ تيا بقلق: أنا مقولتش حاجة. سليم برفعة حاجب: والله، خليكي عندك شوية جراءة يا تيا، بلاش ترجعي في كلامك. تيا: أيوه، غلطت فيك، بس عشان كنت متغاظة منك.

سليم بهدوء: ومتغاظة ليه بقى؟ تيا بغضب: لأنك زعقتلي. سليم: وأنا اتعصبت عليك ليه؟ مش عشان كنتي غلطانة. تيا: بردوا مكنتش تهزقني كده. سليم: اومال كنت أعمل إيه يا فنانة؟ تيا: انت بتتريق؟ سليم: أنا آسف، اتعصبت عليك، بس كان ليا الحق، ولو كان حصلك حاجة وفهد لو كان عارف كان عمل نفس اللي عملته. تيا: تمام، أنا بردوا فعلاً غلطانة، بس كنت خايفة على صحبتي. سليم: وأنا أقدر كده، بس بردوا تكوني عندك حذر شوية، ماشي. تيا: حاضر.

سليم بابتسامة: طيب ما إحنا حلوين أهو وبنسمع الكلام. تيا بخجل: طيب، أنا ماشية بقى، سلام. سليم: لوحدك؟ تيا: لا، بروح مع كاميليا. سليم: كويس، تعالى نروح نجيبهم وأوصلكم. تيا: لا، مفيش داعي نتعبك. سليم: لا، مفيش حاجة. نروح عند مروان وكاميليا. مروان: بقيتي أحسن؟ كاميليا: الحمد لله. مروان: إيه اللي حصل بقى؟ كاميليا: أنا خرجت من الكلية وتيا مش معايا. مروان: انتي عايشة لوحدك؟

كاميليا: بابا وماما ماتوا في حادثة، بس ليهم شركات، بس أنا مش بحب مجال إدارة الأعمال، حبيت الطب أكتر. مروان: الله يرحمهم، يعني اللي عمل كده قاصد؟ طيب تعرفيه؟ كاميليا بتوتر: لا. مروان بشك: متأكدة؟ كاميليا: أيوه، وأنا هخبى عليك ليه؟ مروان: بس أنا مقلتش إنك بتخبي عليا حاجة، يبقى انتي مخبية حاجة. كاميليا بتوتر: لا. سليم وتيا وصلوا عند مروان وكاميليا. سليم: إحنا جينا. مروان بمرح: نورتوا.

تيا بتوتر: ها يا كاميليا، نمشي، اتأخرنا. كاميليا: أيوه يالا بينا. الناس: تمام، هناخدكم في طريقنا. كاميليا برفض: لا، شكراً، هنتعبكم معانا. مروان: لا، مفيش تعب، يالا بينا. وصلوا عند بيت كاميليا ونزلوا البنات. نرجع عند لينا. لينا: صباح الخير يا بابا، انت لسه مروحتش الشغل؟ عبد الله بحب: صباح الفل يا قلبي، لا، انتي صاحية بدري. لينا: والله، طيب تاخدني معاك. عبد الله باستغراب: ليه؟ لينا: نازلة أشتري شوية حاجات أنا وفهد سوا.

عبد الله: طيب، فهد عارف؟ لينا: الصراحة لا، مفاجأة. عبد الله: طيب. وصلوا القسم ودخلوا. عبد الله: معلش يا ليلو، عندي اجتماع، مكتب فهد الدور الثالث، أول مكتب. لينا: حاضر يا حبيبي. لينا وصلت ووقفت قدام المكتب، فجأة.