رواية حب إجباري الفصل العاشر 10 - بقلم منة وليد

وصلت ووقفت قدام المكتب. فجأة سمعت زعيق. لينا بصدمة: هو بيعمل فيه إيه. العسكري: بلاش يا هانم تدخلي دلوقتي، عند الباشا دا متعصب أوي. لينا بخوف: يا نهار أبيض. فهد بعصبية: يا عسكري! دخلت لينا مع العسكري، بس فهد كان ضهره ليها. لينا بصدمة: يا نهار أسود، دا الراجل اتبهدل خالص. فهد: يا عسكري، لينا، انت بتعملي إيه هنا؟ لينا بخوف وجرت برا المكتب. فهد بعصبية: خد الزفت دا الحجز، وحسابك بعدين. لينا استنى.

لينا بخوف: مستحيل أتجوزه، لو حصل أي دا، كان هيموت الراجل. فهد جرى يلحق لينا، بس ركبت عربيتها ومشيت. فهد بعصبية: حاضر، حسابك معايا. نرجع تاني عند كاميليا وتيا. فجأة سمعوا خبط شديد على الباب. كاميليا بخوف: هو. تيا بغضب: تصدقي عمك وابنه معندهمش دم. كاميليا: أعمل إيه. تيا: دول عايزين ياخدوا ورثك، وكانوا خاطفينك، عايزة إيه تاني. كاميليا: روحي استخبي جوه. تيا: وأنتي. كاميليا: مش هفتح ليهم.

تيا استخبت، وفجأة الباب اتكسر وسمعت صريخ كاميليا. طلبت فهد بخوف. فهد وهو قاعد في المكتب مع سليم ومروان. فهد بعصبية: نعم، عايزة إيه انتي كمان. تيا بخوف وهمس: الحقيني يا فهد. فهد بخوف: تيا، مالك، إيه اللي حصل. تيا بدموع وحزن: الحقيني والحقي كاميليا. فهد وهو سامع صوت زعيق: انتي فين. تيا: أنا في بيت كاميليا. فهد وهو بيقوم: خليكي زي ما انتي، أنا جايلك أهو، واهدي. تيا بدموع: متتأخرش، أنا خايفة.

فهد: متخافيش يا حبيبتي، خليكي بس مكانك، وحاولي تسمعي بيقولوا إيه. تيا: حاضر. نروح عند كاميليا. كاميليا: أنا مستحيل أتجوز عمر. ماجد عمها: المأذون في الطريق. كاميليا بدموع: حرام عليكم، أنا عايزة أعيش بعيد عن المشاكل. نرجع عند فهد. سليم: فيه إيه يا فهد. فهد وهو بياخد مفاتيحه: مش عارف، تيا كلمتني وبتقول عند صاحبتها وصوت زعيق، هروح لهم. مروان: مش هتروح لوحدك. سليم: جاين معاك. فهد: طيب، يلا. نرجع عند تيا وكاميليا.

ماجد: المأذون وصل يا عروسة، لسه المحامي عشان العقود. كاميليا: وأنا مش هعمل حاجة من دي. ماجد: يا بت بلاش أمد إيدي عليكي. عمر: أنا اللي هربيها، بس تكون مراتي. كاميليا: دا انت بتحلم. فجأة الباب اتفتح بقوة ودخل فهد ومروان وسليم. ماجد بصدمة: انتوا مين. فهد: إحنا عملك الأسود في الأرض. عمر: فيه إيه، إحنا عيلة في بعض، انتوا مين. مروان: ما تصبر على رزقك، وابعد عنها. عمر: انت مالك، بنت عمي وهنكتب كتابنا.

مروان وهو بيهجم عليه: أنا هوريك تصبر. سليم: متخافيش يا كاميليا. فهد بقلق: فين تيا. كاميليا: مش عارفة، هي كانت مستخبية، بس مش عارفة فين. فهد: خليكي معاها، واوعوا يخرجوا، وأنا هدور على تيا. فهد وهو بيفتح الأوض. فهد بقلق: تيا، انتي فين. تيا من فوق الدولاب: فهد، انت جيت. فهد بصدمة: انتي إيه اللي طلعك فوق كده. تيا بخوف: خوفت يشوفوني. فهد: طيب، تعالي أنزلك. تيا: طيب، بس خايفة. فهد: متخافيش يا كارثة. تيا: طيب. فهد نزل تيا.

فهد: انتي كويسة، حصلك حاجة. تيا بدموع وهي بتحضن فهد: أنا كويسة، كنت خايفة أوي. فهد: خلاص عدت، وكاميليا كويسة. تيا: الحمد لله. خرجوا لقوا مروان ضرب عمر، وسليم ماسك عم كاميليا. فهد بهدوء: ها، مين فيكم يبدأ الكلام. ماجد: إحنا جايين نكتب كتاب عمر وكاميليا. فهد: اممم، وكاميليا موافقة. كاميليا برفض: لا، مش موافقة، وانتوا هنا تاخدوا ورثي. سليم بصدمة: يخربيتكم. كاميليا: وكمان كانوا خاطفيني امبارح. فهد بصدمة: وصلت لكده.

مروان: أيوه، وبصراحة، وإحنا مروحين بالصدفة لحقناهم. فهد وهو بيبص لتيا: وإنتي مقولتيش ليه. تيا: خوف. فهد بعصبية: كلامنا مش هنا، حسابنا في البيت. سليم: خلاص يا فهد، هي كويسة أهي. مروان: وبعدين يا كاميليا، كملي. كاميليا: بس ما عمي عايز يجوزني ابنه عشان يتحكم فيا. فهد: مفيش جواز، انتي مش موافقة. ماجد بغضب: وبنت أخويا متفضلش في بلد من غير جواز لوحدها. مروان: بسخرية، يعني مشكلتك في إنها تتجوز.

ماجد: أيوه، والمأذون هيكتب كتابها على ابني. مروان: هو هيكتب كتابها فعلاً، بس عليا أنا، هتجوز كاميليا. ماجد بصدمة: إيه. مروان ببرود: اللي سمعتوا، أنا هتجوز كاميليا، وانت كمان هتكون شاهد. فهد: هكلم اللواء عبد الله ييجي. مروان: تمام. فهد: تيا، خدي كاميليا وادخلوا جوه. تيا: حاضر. تيا راحت تساعد كاميليا في لم حاجتها، وأجا اللواء عبد الله، وتم عقد قران كاميليا ومروان. عبد الله: ألف مبروك يا ولاد، ربنا يسعدكم ويخليكم لبعض.

مروان وكاميليا: الله يبارك في حضرتك. فهد بفرحة: ألف مبروك يا أخويا، مبروك يا كاميليا. مروان: الله يبارك فيك يا حبيبي. كاميليا: الله يبارك فيك. سليم: ألف مبروك يا صاحبي، مبروك يا كاميليا. مروان: الله يبارك فيك، عقبالك. كاميليا: الله يبارك فيكم. مروان بجدية: أظن حضرتك اطمنت على بنت أخوك، واهي اتجوزت وراحت بيت جوزها، وجود حضرتك هنا ملوش داعي، انت وابنك. ماجد بغيظ: ماشي، بس مخلصتش لهنا. مروان ببرود: مستني الجديد.

فهد بضحك وسخرية: مالك يا عمر، قاعد تبصلنا كده، أقولك استنى تحت البيت واضربنا. الكل ضحك، وماجد وابنه نزلوا وهما متضايقين. عبد الله: أستأذن أنا، خد بالك من نفسك ومن مراتك يا مروان. مروان: حاضر يا فندم. فهد: خلصتوا انتي وكاميليا. تيا: أيوه. مروان: هاخد الشنط أنزلها العربية. فهد: طيب، يلا يا تيا، وانت كمان يا سليم، انت كنت جاي مع مروان، عربيتك في الشغل. سليم: لا، هاخد تاكسي، أتكل على الله انت. فهد: يا عم، انت في طريقنا.

سليم: تمام. فهد: خد بالك من نفسك ومن مراتك. سليم: سلام. مروان: مع السلامة. في عربية مروان. مروان: هتفضلي ساكتة كده. كاميليا بحزن وتوتر: طيب، أقول إيه. مروان: كلميني عنك. كاميليا بتوتر: إحنا رايحين فين. مروان: رايحين على بيتنا. كاميليا: انت عايش لوحدك. مروان بضحكة: لا، عايش مع والدتي ووالدي، راجل أعمال، بس حالياً هو مسافر وهيرجع آخر الشهر. كاميليا: ييجي بالسلامة. مروان: مقولتيش ليه إن ابن عمك وعمك بيضايقوكي.

كاميليا: أنا قولت هيسبوني في حالي. مروان: الحمد لله، جات لحد هنا، بس ياريت بلاش تخبي بعد كده. كاميليا: حاضر. في عربية فهد وتيا وسليم. فهد بعصبية: الهانم مقالتش ليا عن حوار كاميليا وعمها والخطف، كانت مستنية إيه. تيا بدموع: والله يا فهد، خوفت على كاميليا، هو قال لي مقولش لحد. فهد بعصبية: لا، شاطرة أوي، طيب افرض سليم ومروان مش موجودين الساعة دي، كان الهانم حصلها إيه.

سليم وهو بيهدي فهد: طول بالك يا فهد، جات سليمة والحمد لله، هي كويسة، وبعد كده خدي بالك يا تيا. تيا: حاضر. فهد: ماشي يا تيا. سليم: خلاص بقا يا فهد، عايز حاجة. فهد: لا، بالسلامة. سليم بهمس: براحة عليها وبطل عصبية. فهد: ماشي يا عم سليم، بالسلامة. نزل سليم قدام بيته. فهد: أنا مش سواق الهانم. تيا: أنا آسفة يا فهد. فهد بهدوء: اللي عملتيه صح. تيا: لا. فهد: لما هو لا، عملتي ليه. تيا: آخر مرة، وبعد كده هحكيلك كل حاجة.

فهد: آخر مرة. تيا: آه والله. فهد بهدوء: تيا يا حبيبتي، أنا ممكن بتعصب عليكي، بس والله بخاف عليكي، خوفت يحصلك حاجة. تيا: أنا عارفة والله، آسفة، مش هتتكرر تاني، خلاص مش زعلان مني. فهد بضحكة: لا، خلاص، صافية لبنت. تيا بمرح: حليب يا قشطة. فهد: كارثة، بلاش حد يعرف في البيت، هيقلقوا على الفاضي. تيا: ماشي. في أوضة لينا، فهد بيرن عليها مش بترد عليه. عبد الله: لينا يا حبيبتي، فهد عايز يكلمك. لينا: مش هكلمه، ومفيش فرح.

عبد الله بصدمة: إيه ده، فيه إيه. لينا: كده، دا واحد وحشي وهمجي. فهد بصدمة: أنا همجي ووحشي. عبد الله بإحراج: احم، هكلمك تاني يا فهد. لينا بصدمة: هو سمع. فجأة.