رواية حب إجباري الفصل الثالث 3 - بقلم منة وليد

رجع أوضة لينا ودخل فهد. لينا بصدمة: انت إيه اللي جابك تاني؟ فهد: جاي لمراتي. لينا بصدمة: مرات مين؟ فهد: إنتي. لينا: أنا مين؟ عبد الله: هفهمك يا حبيبتي. فهد طلب إيدك مني وأنا وافقت. لينا برفض: أنا مش موافقة. عبد الله بتفهم: حبيبتي افهمي، كله لمصلحتك. لينا: إزاي يعني؟ عبد الله: بعدين يا حبيبتي. المهم الخطوبة وكتب الكتاب آخر الأسبوع، تكوني بقيتي كويسة والفرح آخر الشهر. لينا بصدمة: بسرعة كده؟

عبد الله: مفيش سرعة ولا حاجة. لينا: يا بابا، دا قتال قتلة، هتجوزه إزاي؟ عبد الله: حبيبتي بطلي خوفك من لا شيء. فهد عمل واجبه، طيب ما أنا كمان ضابط، أبقى قتال قتلة. لينا: لا طبعاً يا حبيبي. فهد بهدوء: لو سمحت حضرتك، ممكن اتكلم معاها؟ عبد الله: طبعاً. أنا طالع أجهز إجراءات الخروج. نرجع عند فهد ولينا. فهد: عاملة إيه دلوقتي؟ لينا: الحمد لله أحسن، وهكون أحسن لو بعدت عني.

فهد باستفزاز: لا، كده أزعل. دا أسلوب تكلمي بيه خطيبك. لينا: يخربيت استفزازك، خطيب مين؟ فهد: إنتي يا ليلو. لينا: إيه ليلو دي؟ هو أنا طفلة؟ فهد: أوي. المهم نتكلم جد، آخر الأسبوع إن شاء الله هتكون الخطوبة وكتب الكتاب. لينا: يا عم، إنت طلعتلي منين؟ فهد: صدفة. لينا: دي كانت صدفة سودة. فهد بجدية: ما أنا فعلاً هخليكي تتأكدي. لينا بصدمة: يعني إيه؟

فهد بهدوء: سيبي كل حاجة لوقتها. بس عايز أقولك إني هكون كابوس حياتك. هتنامي وتصحي تقولي فهد. لينا بخوف: إيه؟ فهد بيوعد: بعدين يا حلوة. يلا جهزي نفسك عشان ترجعي البيت، وأجهزي يا عروسة. لينا: الجوازة دي مش هتتم. فهد: هنشوف. نرجع بيت فهد. فهد: السلام عليكم. الكل بفرحة: وعليكم السلام، حمد الله على السلامة. فهد: الله يسلمكم. هالة: هحضر الأكل. فاطمة: عملتلك الأكل اللي بتحبه. فهد بحب: يخليكم ليا يا حبايبي.

تيا بمرح: أناااا جيت. فهد: أستاذة إزعاج وصلت. تيا بحزن مصطنع: أخص عليك يا فهد، دا أنا دكتورة قد الدنيا. فهد: طبعاً دكتورة مجنونة. تيا: الله يسامحك. فهد: خلاص متزعليش. بعدين عندي ليكم حتة خبر. الكل: خير. فهد: أنا هتجوز. الكل بفرحة: مبروك، بس مين؟ فهد: لينا بنت اللواء عبد الله. هالة: ما شاء الله، حلوة وطيبة. فاطمة: مبروك يا حبيبتي. تيا بمرح: يا عريس يا عريس، ألف مبروك يا أخويا، أخيراً هشوفك عريس.

فهد بحب: الله يبارك فيكم، عقبال ما أشوفك عروسة قمر وأسلمك لعريسك. تيا بمرح: يا ريت وأخلص من التعليم. فهد: أنا قلت فاشلة، محدش صدقني. في بيت لينا، فجأة تليفونها رن. لينا: ألو. فهد: ما شاء الله، بتردي على أرقام غريبة. لينا بصدمة: إنت جبت رقمي منين؟ فهد بضحك: إنتي نسيتي إني ضابط وكمان خطيبك. لينا بغضب: بطل تقول لي خطيبتك. فهد: خلاص مراتي. لينا: مستفز.

فهد: مش موضوعنا. تدخلي تنامي، لإن جاي بكرة إن شاء الله نجيب فستان كتب الكتاب. لينا: مش عايزة. فهد: مش بمزاجك، يلا روحي نامي، كفاية سهر. لينا: إنت مالك. فهد بجدية: هعتبر ما سمعتش الكلام ده. تاني يوم في المول. فهد: عاجبك كده وإنتي ماشية نايمة؟ لينا: ممكن تبطل استفزاز فيا؟ فهد: طيب قدامي لما نخلص. لينا ببرود: مش عاجبني حاجة. فهد: نعم؟ بعد كل اللف ده ومش عاجبك حاجة؟ لينا باستفزاز: أيوه، أنا حرة.