رواية حب إجباري الفصل الثاني 2 - بقلم منة وليد

خرجت لينا بصعوبة من بيت فهد بعد ما اتأكدت إنه نام. فجأة وقفت لينا بخوف وصدمة. لينا بخوف: انت مين؟ شاب وهو رافع السلاح عليها: قدامي وفين الشاب اللي كان معاكي؟ فجأة فهد ضرب السلاح وهجم على الشاب. فهد: اتفضل عايز إيه؟ فجأة اتجمع مجموعة شباب على فهد وفهد ضرب فيهم. فجأة واحد منهم رفع سلاح على لينا. الشاب: سيبني أمشي وإلا هخلص عليه. لينا برعب: أنا معملتش حاجة. فهد بهدوء: متخافيش واهدي. الشاب

باستغراب من هدوء فهد: بقولك عايز أمشي من هنا. فجأة فهد ضرب رصاصة وقع الشاب ميت. لينا بصدمة: انت عملت إيه؟ فهد ببرود: كنت مستنية أي يموتك. لينا بدموع: انت قتلته بجد؟ فهد: كان هيموتك. لينا بانهيار وصريخ: ابعد عني ابعد عني انت فعلاً قاتل قتلة. فهد بهدوء: اهدى مفيش حاجة. لينا بانهيار: متقربش مني ابعد. فجأة فهد قرب منها وضغط على العرق النابض في رقبتها. فقدت وعيها. وصلوا البيت وطلبوا الدعم. سليم بقلق: فهد انت كويس؟

فهد: الحمد لله بخير. مروان: حمد الله على السلامة يا بطل. فهد: الله يسلمك يا مارو. سليم باستغراب: إيه الدم اللي على هدومك؟ فهد بقلق: لينا. سليم ومروان باستغراب: مين لينا؟ فهد وهو بيطمن على لينا: الجرح اللي في إيديها من إيه؟ سليم: مين دي؟ فهد وهو بيحمل لينا: لازم آخدها المستشفى أطمن عليها. مروان: عبد الله باشا برا. سليم: تمام احنا جايين. نزل فهد وهو حامل لينا فاقدة الوعي. عبد الله بصدمة: لينا بنتي.

فهد باستغراب: بنت مين؟ عبد الله: دي لينا بنتي بتعمل إيه هنا؟ فهد بهدوء: هحكيلك كل حاجة بس لازم تروح المستشفى نطمن عليها. وصلوا المستشفى وخرج الدكتور. عبد الله بقلق: بنتي مالها طمني يا دكتور. الدكتور: الحمد لله الجرح سطحي وهى حالياً نايمة هتفوق الصبح. فهد: يعني هي كويسة نزفت كتير بس جرح رجلها. الدكتور بابتسامة: متقلقش حضرتك هي كويسة. فهد: تمام شكراً لحضرتك. مروان: حمد الله على سلامتها يا فندم.

سليم: حمد الله على سلامتها يا فندم. عبد الله: الله يسلمكم ها احكيلي يا فهد حصل إيه؟ فهد: لما روحت أجيب المعلومات جبتها بس فجأة غدروا ملقتش قدامي غير عربية بنت حضرتك ركبت فيها معاها وبعدين عطلت وجرينا ودخل في رجلها إزازة كبيرة وصلنا المكان اللي حضرتك جيت فيه كنت شيلت الإزازة من رجلها وحرارتها علت بس عطيتها أدوية وإبرة عشان الإزازة بس أنا ضربت شاب قدامها بالنار وانهارت وأغمى عليها والباقي حضرتك عارفه.

عبد الله بتفهم: شكراً يا ابني إنك حافظت على بنتي. فهد: ده واجبي يا فندم بس بصراحة بنت حضرتك جبانة أوي. عبد الله بحزن: من بعد موت والدتها وهي كده بتخاف تتعامل مع أشخاص وتخاف من أي حاجة. فهد بهدوء: ربنا معاها ويقويها. عبد الله: يا رب روح سلم المعلومات اللي معاك واستريح عشان تبدأ المهمة الجديدة. فهد: تمام يا فندم. خلص اليوم في أوضة فهد.

فهد بابتسامة بتذكر لينا: اممم دا إنتى حكايتك حكاية يا لينا بس هرجعك أقوى من الأول وميكونش اسمي فهد لو معملتش كده. تاني يوم في المستشفى بدأت لينا تفوق. عبد الله بقلق: لينا حبيبتي انتي كويسة؟ لينا بدموع: بابا. عبد الله وهو بيضمها: قلبي حاسة إيه؟ لينا بخوف: بابا دا قتلوا واكيد هيقتلني لأني شفتوا. عبد الله بهدوء: حبيبتي اهدي هروح أنادي الدكتور وأجي. لينا بخوف: خليك هنا. عبد الله: حبيبتي متخافيش 5 دقايق وجاية.

خرج عبد الله من أوضة لينا وقابل فهد. عبد الله باستغراب: فهد بتعمل إيه هنا؟ فهد: كنت جاي أطمن على بنت حضرتك بقت كويسة. عبد الله بابتسامة: أه الحمد لله هروح أنادي الدكتور خليك معاه على ما أرجع. فهد: تمام يا فندم. فهد بهدوء دخل أوضة لينا كانت مغمضة عينيها فتحت لما حست حد دخل وحط ورد قريب منه. لينا بصدمة: انت؟ فهد: حمد الله على السلامة. لينا بصريخ: الحقوني هيقتلني. فهد بصدمة: هشش اهدى اهدى. عبد الله أجا بخوف على لينا.

عبد الله: لينا حبيبتي في إيه؟ لينا بخوف: هو ده اللي قتل الشاب وهيقتلني أنا كمان. عبد الله بهدوء: حبيبتي ده سوء تفاهم. لينا بصدمة: بابا بتقول إيه بقولك ده مجرم قاتل قتلة وكان خاطفني. عبد الله بضحكة: اهدي بس مين اللي قاتل قتلة؟ لينا: ده اللي قدامك. عبد الله: ده فهد يا لينا يا حبيبتي ضابط في فريقي من أشطر الظباط عندي وبعتبره ابني. لينا بصدمة: ظابط؟ عبد الله: أيوه يا حبيبتي. فهد بهدوء: حمد الله على السلامة يا آنسة لينا.

لينا بصدمة: انت بجد ضابط؟ فهد بضحكة: تحبي تشوفي الكارنيه ولا البطاقة؟ عبد الله بضحك: معلش يا فهد هي بس مصدومة شوية. فهد بتفهم: تمام يا فندم مفيش مشكلة حمد الله على السلامة للمرة التانية عن إذنك يا فندم. لينا: الله يسلمك. عبد الله: الله يسلمك يا فهد تعالى عايزك. فهد: تمام اتفضل يا فندم. برا أوضة لينا. عبد الله: ارتاح يا فهد لأن المهمة الجديدة صعبة بس أنا واثق فيك. فهد: يارب أفضل عند حسن ظنك يا فندم. عبد الله: يارب.

فهد بتوتر: كنت عايز أقول لحضرتك حاجة. عبد الله: اتفضل يا فهد خير. فهد: احممم أنا عايز أتجوز بنت حضرتك. عبد الله بصدمة: إيه؟ فهد: أنا عارف إن حضرتك اتصدمت من طلبي. عبد الله: انت تعرفها قبل كده؟ فهد: لا يا فندم أول مرة أشوفها امبارح. عبد الله: أيوه يا ابني بس اللي أعرفه اللي بيتقدم لحد بيكون بيحبه. فهد: حضرتك قولتلي إن لينا بسبب موت مامتها وهي شخصيتها ضعيفة وبتخاف من كل حاجة وأنا شفت ده مش هكذب على حضرتك وأقول حبيتها.

عبد الله: تمام انت عارف أهو اومال طالب إيدها ليه؟ فهد: حضرتك أنا مش بحبها بس تقدر تقول إعجاب وواثق هيكون حب اعذرني على صراحتي بس حضرتك عارف أنا بعاملك على إنك والدي وأنا بتكلم معاك دلوقتي كابن وباباه أنا عاوز أساعدها. عبد الله بفرحة: وأنا واثق فيك يا ابني بس هتعمل إيه؟ فهد: هنتجوز وهدربها دفاع عن النفس وهقوي شخصيتها وترجع أحسن من الأول. عبد الله بتفهم: أنا بثق فيك يا فهد بس دي بنتي الوحيدة اوعى تأذيها.

فهد: حضرتك عارفني كويس لما هتعيش معايا هتغير نمط حياتها وشخصيتها وأوعدك هخاف عليها وأحافظ عليها. عبد الله بحب: وأنا واثق فيك يا ابني على بركة الله هبلغ لينا. فهد: بس ممكن ترفض. عبد الله: لا أنا هخليها توافق دا لمصلحتها. فهد: تمام حضرتك إيه رأي حضرتك آخر الشهر تكون خفت نعمل حفلة بسيطة للمقربين لينا. عبد الله: مفيش مشكلة هروح أعرف لينا وأسيبكم تتكلموا شوية سوا. فهد: تمام حضرتك. نرجع أوضة لينا ودخل فهد.

لينا بصدمة: انت إيه جابك تاني؟ فهد: جاي لمراتي. لينا بصدمة.