رواية حب إجباري الفصل الثاني عشر 12 - بقلم منة وليد

رجعنا عند مروان ووالدته. مروان: يعني مش زعلانة؟ منال: لا يا حبيبي، ألف مبروك وربنا يسعدكم. مروان: ويخليكي ليا يا ست الكل. منال: يلا نطلع لمراتك نرحب بيها، بلاش نسيبها لوحدها. مروان: حاضر يا حبيبتي. رجعنا عند لينا. لينا بتوتر: لازم يعني تمشي يا تيا دلوقتي؟ وكل ده سلم. لينا وصلت أوضة فهد وخبطت، ومحدش رد. فتحت الباب ودخلت. لينا بانبهار: واو! أي الجمال ده.

أوضة فهد كانت عبارة عن بيت منفصل عن العيلة. أوضة مكتب وفيها مكتبة كاملة، وأوضة تانية لألعاب رياضية، وأوضة نوم مع حوض سمك كبير على الحائط، وحمام خاص، وغرفة لبس. لينا: لا، منظم ما شاء الله عليه. دا عايش منفصل عن البيت. رجعنا عند مروان وكاميليا. منال بابتسامة: أهلاً بيكي يا حبيبتي. كاميليا: أهلاً بحضرتكم. منال: لا حضرتك إيه، قوليلي يا ماما. كاميليا بفرحة: حاضر يا ماما.

منال: طيب يا حبيبتي، مروان يا سليم يا حبيبي، خد مراتك واطلعوا أوضتكم. مروان بابتسامة: حاضر، عن إذنك يا أمي. منال: اتفضل يا حبيبي. رجعنا عند لينا بملل من البحث عن فهد. لينا: يوووه، دا راح فين دا كمان؟ فهد من وراها: أي ده، لينا هانم في أوضتي؟ لينا بخضة: خضتني يا فهد! أي ده، البس التيشيرت. فهد برفعة حاجب: أنتي اللي في أوضتي؟ لينا بحرج: معلش، لو سمحت البس.

فهد وهو بيلبس التيشيرت: لبست، وبعدين أنتي جايه أوضة المتوحش والهمجي، مش خايفة؟ لينا بتوتر: وهخاف من إيه؟ فهد: لآرنك علقة زي اللي مجرم خدها. لينا: لا طبعاً. فهد: خير، عايزة إيه؟ لينا بتوتر: أنت زعلان مني؟ فهد بسخرية: أنا؟ لا طبعاً، وأنا أزعل منك؟ لينا بحزن: أنا آسفة. فهد: عارفة اللي أنتي كنتي زعلانة عليه ده عمل إيه؟ لينا: إيه؟

فهد بعصبية: الحيوان ده خطف بنت صغيرة من أهلها وقتلها، لأن أهلها معرفوش يدفعوا المبلغ المطلوب، ومش ندمان. وكنت هموته، بس معلش، كله بالقانون. لينا بصدمة ودموع: قتلها؟ طيب ليه؟ فهد بعصبية: لأنه حيوان وطماع وحرق قلب أهلها عليها. أنتي لو مكان أهلها، هيكون ده رد فعلك. ردي. لينا بدموع: لا، أنا بس. فهد بمقاطعة: متسرعة، أنتي متسرعة. مش بتستني تفهمي. قاعد أنادي، والهانم كالعادة هربت، ولا همها حاجة. لينا بدموع: أنا مكنتش أعرف.

فهد بعصبية: بردوا، لحد إمتى؟ لحد إمتى هتفضلي متسرعة ومش بتفكري؟ ومش معايا بس، مع الكل. رجعنا في أوضة مروان عند كاميليا ومروان. مروان: المكان مكانك بقى. كاميليا بإحراج: شكراً. مروان: مش عايزة حاجة؟ كاميليا: شكراً. مروان: أسيبك تاخدي شاور وترتاحي. كاميليا: ماشي. رجعنا عند خناقة فهد ولينا. فهد بعصبية: ما تردي عليا، ولا أنا بكلم نفسي؟ لينا بدموع: أقولك إيه يعني؟ فهد بغضب: متقوليش، عيطي، كفاية عليكي.

لينا: تصدقي، أنا غلطانة إن جيت هنا أصالحك. فهد بعصبية: والله؟ يعني مش معترفة إنك غلطانة؟ لينا بدموع: طلقني. فهد بعصبية: