رواية حب إجباري الفصل الحادي عشر 11 - بقلم منة وليد

لينا بصدمة: هو سمع؟ عبد الله: أيوه طبعًا، كان معايا على الخط. لأن جنابك مش بتردي عليه. لينا: يا بابي، أنا لما روحت لقيتوا بيضرب واحد وكان هيموتوا. عبد الله: طبعًا التسرع بتاعك كالعادة. سيبتي الراجل ومشيتي. لينا: أنا سبتوا يكمل شغله. وبعدين هو عصبي أوي. دا لو مرة زعلته ممكن يضربني. عبد الله: لا والله، انتي بطلي تشوفي الوضع من ناحيتك انتي. لينا: طيب أعمل إيه؟ مش بيرد عليا. عبد الله: والله عنده حق. بيرن عليكي من الصبح.

لينا: طيب أعمل إيه؟ عبد الله: تروحي تعتذري ليه. لينا: نعم؟ أروح فين؟ عبد الله: هو مكلمني من البيت. لينا: هروح له البيت؟ عبد الله: طيب ما هو لما زعل جالك آخر الليل يصالحك. لينا: حاضر يا بابي، هروح أصالحه. عبد الله: ربنا يهديكي. نرجع عند مروان وكاميليا. العربية وقفت. مروان: وصلتك. كاميليا بتوتر: والله بيتك ده؟ مروان بابتسامة: أيوه، انزلي متخافيش. أنا معاكي. نرجع عند فهد. هاله وفاطمة: حمد الله على السلامة يا حبيبي.

فهد بابتسامة: الله يسلمكم. هاله وفاطمة: إحنا خارجين. تيا: وأنا كمان جالي شغل. هغير وأنزل. فهد: تمام. خدوا بالكم من بعض. أنا طالع أوضتي. نروح عند مروان وكاميليا. مروان بمرح: يا منون، أنا جيت. منال (والدة مروان) : حمد الله على السلامة يا حبيبي. مروان: الله يسلمك يا جميل انت. منال: مين دي يا مروان؟ مروان: أعرفك كاميليا مراتي. منال بصدمة: إيه؟ اتجوزت من ورانا يا مروان؟ مروان: هفهمك، بس ممكن تيجي معايا المكتب؟ منال: طيب.

مروان: كاميليا، البيت بيتك. مش هنتاخر. عند لينا. خلصت ووصلت بيت فهد. تيا بفرحة: أهلاً أهلاً بالقمر. لينا وهي بتضمها: حبيبتي يا تيا، عاملة إيه؟ تيا بحب: الحمد لله يا روحي. انتي عاملة إيه؟ لينا: الحمد لله. أومال فين طنط هاله وفاطمة؟ تيا: خرجوا. لينا: والله مش هنات. تيا: لا، فهد اللي هنا في جناحه. معلش يا ليلو، عندي شغل ولازم أمشي. لينا بتوتر: طيب هو فين فهد؟ تيا: آخر دور كله بتاع فهد. لينا: طيب.

تيا بمرح: سلام يا موزة. هخلص وأجيلك. لينا بضحك: ماشي يا أختي. عند مروان في المكتب. منال: كده يا مروان تتجوز من ورايا؟ مروان: أنا بس كتبت الكتاب. يا ماما، دي في مشاكل مع أهلها. وحكى ليها كل حاجة. منال بحزن: لا حول ولا قوة إلا بالله. هو لسه في ناس كده؟ مروان: مكانش قدامنا حل غير كده. منال: خلاص يا ابني ربنا يهنيكم. طيب تعالى نطلع لمراتك. مروان: يعني مش زعلانة؟ منال: لا يا حبيبي، وهعملكم أحسن فرح. مروان: حاضر يا حبيبتي.