رواية حب العمر الفصل العاشر 10 - بقلم دودو

فتحت جنه الباب وطلعت جومانا. جاسر أول ما شافها تنح وفضل باصص عليها. جنه: هههههههه اقفل بوقك. جاسر: هو القمر نزل على الأرض ولا إيه؟ جومانا: شكراً. جاسر: يعني أنا بقولك كلام حلو تقولي شكراً. امشي يا جومانا. جومانا: حاضر، أهو. جنه: يا خواتي سكر. نزلوا تحت وقعدوا في المكان المخصص لهم. الناس ابتدوا يجوا يباركو لهم. هبه: مبروك يا قلبي. جومانا: الله يبارك فيكي يا ماما. محمد: مبروك يا قلب بابا. جومانا: الله يبارك فيك.

محمد: طب ليه الدموع دلوقتي؟ ده لسه خطوبة. جومانا: عشان في يوم هسيبك. محمد: مجنونة إنتي. مين قال هتسبيني؟ وبعدين لسه بدري. بتعيطي من دلوقتي. امسحي دموعك يلا عشان الميكب بتاعك. جومانا: حاضر يا بابا. ناهد: مبروك. جاسر: الله يبارك فيكي. جومانا مردتش عليها. حبيبه: مبروك يا قلب أختك. جومانا: الله يبارك فيكي يا قلبي. محمد: مش هنلبس الخواتم ولا إيه؟ هبه: أكيد هنلبسهم دلوقتي. هاتي الخواتم يا حبيبه. حبيبه: حاضر يا طنط.

جابت الخواتم. جاسر مسك إيد جومانا ولبسها الخاتم وكلهم سقفوا. جومانا كمان لبست الخاتم لجاسر وكلهم سقفوا. في اللي بيدعيلهم ربنا يسعدهم وفي اللي بيحسدهم. تسنيم جت عشان تبارك لهم. تسنيم: مبروك يا جاسر. جاسر: الله يبارك فيكي. تسنيم: مبروك يا جومانا. وحضنتها وهمست في ودنها: افرحي دلوقتي عشان فرحتك مش هتدوم كتير. جاسر ليا أنا ومستحيل يبقى لحد غيري. إنتي فاهمه؟ جومانا: لسه هتسيبها؟

أحب أقولك إن جاسر عمره ما هيكون ليكي. إنتي كنتي قدامه ولا كان معبرك. إنما أنا كنت بعيدة عنه وكنت شاغلة تفكيره. تسنيم: سبتها. جومانا: اللي يبارك فيكي يا حبيبتي. عقبالك. تسنيم مشيت وهي متغاظة منها. جاسر: جومانا تعالي أعرفك على صديقي. جومانا: حاضر. جاسر: اسر، أحب أعرفك... جومانا خطيبتي. جومانا: دكتور اسر. جاسر: إنتوا تعرفوا بعض؟ جومانا: ده دكتور في الجامعة. اسر: وهي تلميذتي. جومانا: بس إنتوا تعرفوا بعض إزاي؟

جاسر: هو كان في أمريكا ودرسنا سوا. من أفضل أصدقائي. بس هو نزل بعدين استقر في مصر. جومانا: آه، فهمت. جنه: جومانا يلا، أجي وقت رقصتكم دلوقتي. يلا يا جاسر. ما أخدتش بالها من اسر. جومانا: سلمي على الدكتور اسر. جنه: آسفة، ما أخدتش بالي. أهلاً وسهلاً. اسر: عادي ولا يهمك. عاملة إيه؟

جنه: بخير الحمدلله. يلا بقى وقت رقصتكم دلوقتي. وأخدتهم على الاستيج ونزلت هي وابتدوا يرقصوا على أغنية "من أول دقيقة". وبعدين الناس ابتدأت ترقص معاهم. اسر: واقفة ليه على جنب كده؟ جنه: ها، مفيش حاجة. اسر: مش حابة ترقصي؟ جنه: ها. اسر: تعالي نرقص يلا. وسحبها من إيدها وابتدوا يرقصوا. عند جومانا وجاسر. جاسر: طالعة حلوة خالص. جومانا: اكتفت بابتسامة. جاسر: خليكي كده. شوفي اسر وجنه لايقين أوي على بعض. جومانا: فعلاً، كبلز يجنن.

جاسر: يارب يبقوا زينا كده. جومانا: يارب. خلصت الأغنية والحفلة خلصت وابتدت المعازيم تمشي. جنه: أستأذن أنا بقى عشان الوقت اتأخر. باي. جومانا: باي يا حبيبتي. اسر: وأنا كمان همشي دلوقتي. جاسر: تمام. طلع اسر وراه جنه. لقاها واقفة. اسر: في حاجة يا آنسة جنه؟ جنه: كوتش العربية نام. اسر: خلاص مفيش مشكلة. بوصلك أنا. جنه: لا شكراً، مش حابة أتعبك. اسر: مفيهاش تعب ولا حاجة. أحسن ما توقفي كده والوقت اتأخر. جنه: تمام.

ركبت جنه معاه ومشوا في الطريق. اسر: إنتي ساكتة ليه كده؟ جنه: يعني هعمل إيه؟ اسر: قوليلي إنتي مرتبطة؟ جنه: لا، ليه؟ اسر: مجرد سؤال. وأنا كمان مش مرتبط. جنه: هههههههه. السنجلة جنتلة. اسر: بس هنفضل كده على طول؟ جنه: أكيد مش على طول. بس لما ييجي الشخص اللي أحبه ويحبني. اسر: ربنا يسعدك. جنه: طب وإنت محبتش لدلوقتي ليه؟ اسر: ملقتش الإنسانه اللي أحبها. جنه: عن قريب إن شاء الله. اسر: عندي فكرة. بقولك... جنه: هههههههه. قول.

اسر: إيه رأيك نرتبط أنا وإنتي؟ جنه: هههههههه. لا والله. اسر: صدقيني أنا فرصة مش هتتعوض. جنه: أفكر. اسر: بس متتأخريش عشان العرض لفترة محدودة. جنه: إنت بتتكلم جد؟ اسر: آه طبعاً. إنتي بنت مفيش منك تقريباً. فيكي كل حاجة أنا عايزها. جميلة ومثقفة ودمك خفيف. جنه: طبعاً، أنا شخصية نادرة. اسر: أنا بجاملك بس متتغريش. جنه: هههههههه. بكمل معاك المجاملة. اسر: ولمضة كمان. جنه: طب اقف هنا بس. البيت أهو. اسر: فكرة بجد. باي.

جنه: باي.