رواية حب الادهم الفصل الثالث عشر 13 - بقلم دعاء تهامي

خالد: الزعيم بتاع المافيا مش بيذكروه غير بالاسم ده. حاولت أعرف اسمه الحقيقي بس مفيش فايدة. عرفت إنه هينزل قريب من إنجلترا لعقد أكبر صفقة سلاح تساوي ملايين، هتبقى عن طريق البحر مش البر. بس معرفتش المعاد امتى. ادهم: خلي بالك كويس، أكيد حاطين عينهم عليك.

خالد: متقلقش. وفي كمان واحد بييجي كل يومين بس محدش بيشوف وشه. ده ذراع الزعيم اليمين. أي حاجة لازم تحصل بيكون عارفها وهو يوصلها للزعيم. لحد دلوقتي محدش يعرف من الرجالة مين هو الزعيم بتاعهم. التعليمات بياخدوها من اللي بييجي ويمشي. ادهم: مشوفتش شكله أو اسمه أو أي حاجة تدل هو مين؟ خالد: لا. هو بيبقى حريص جدا وهو بيتعامل معانا. وفيه واحد سأله على اسمه قاله: "أنا الذراع اليمين للزعيم، هو ده اللي تعرفوه وبس".

ادهم: الموضوع كل ما يروح بيدخل في خطورة أكتر. حياتك بقت على حافة الموت. خالد: متقلقش. أنا واخد احتياطي. همشي أنا عشان محدش يشك في حاجة. لبس القناع وطلع من المركز. معتز: طب وبعدين؟ ادهم: لو ربطنا كل اللي بيحصل مع بعضه هنعرف. بس الكلام ده ميطلعش بره المكتب. معتز: من غير ما تقول. مش أول تعامل بينا. ادهم: بس الحكاية دي بالذات مفيش حد يعرف عنها حاجة. دي بخصوص تالين. معتز: تالين؟ وإيه دخلها في شغلنا؟

حكاله كل حاجة وإن تالين مش أختهم الحقيقية وكل حاجة عرفها لحد دلوقتي. ادهم: فيه احتمالين دلوقتي. أول واحد ممكن يكون أبوها. لأنه عايش في إنجلترا وصاحب أكبر مافيا. وبخصوص مازن، هو كمان كان عايش بره مصر في إنجلترا. بره ممكن يكون هو الذراع اليمين للزعيم. وده معناه إن حياة تالين في خطر وإنه أبوها عرف مكانها. معتز: طب هتعمل إيه؟ ادهم: لازم أتأكد. مينفعش حد يعرف حاجة غير لما نتأكد من كل حاجة عشان مياخدش حذره مننا.

معتز: طب شوف نعمل إيه. نركب GPS في عربيته بحيث نعرف كل تحركاته. ومكان نخترق موبايله وأي مكالمة هتبقى عندنا. أنت اهتم بموضوع الـ GPS وأنا ههتم بموضوع الفون. بس اديني رقمه وأنا عندي واحد صاحبي ليه في الحاجات دي هخليه يخترقه. ادهم: ماشي. روح ادهم البيت وفعلاً ركب GPS في عربية مازن وخباه كويس بحيث ميتاثر لو غسل العربية أو هو يشوفه. ودخل ينام. كانت الوقت متأخر بعد نص الليل.

في الصباح نزل ادهم. كانوا بيحطوا الفطور. كلهم اتجمعوا حوالين السفرة وبياكلوا في سكوت تام. قطع السكوت ادهم وهو بيسأل مازن: ادهم: هو أنت بتشتغل إيه؟ مازن: كنت بساعد بابا في إدارة الشركة في إنجلترا وبفكر أفتح فرع عنها. هايدي: في إيه يا جماعة؟ هو كل حياتكم شغل كده؟ ميادة: هيعملوا إيه؟ ركزي أنتِ ف مذاكرتك بس. هايدي: متخافيش هنجح يا ماما. ميادة: شكلك بتغشي، أنتِ مش بشوفك ماسكة كتاب. هايدي: 😹😹😹🧘‍♀️ قدرات بقى.

ميادة: أما نشوف. هايدي: أوائل كمان يا ست ماما. تالين: عايزين نعمل حاجة مختلفة النهاردة. هايدي: إيه هي يا أذكى أخواتك؟ تالين: مثلا نروح الشاليه النهاردة. الجو جميل. حاتم: فكرة حلوة وأنا معاكي. مازن: وأنا كمان. هايدي: يا طلعتي بتفكري يا بت. ادهم كان هيرفض عشان شغله. بس عشان مازن رايح معاهم قرر يروح هو كمان. ادهم: طب جهزوا نفسكم وأنا ههتم بالباقي. عن إذنكم هعمل مكالمة.

طلع كلم معتز وقاله إنه مش هيقدر ييجي النهاردة وقفل ورجع ليهم. هايدي: هروح أجهز بقى. طلعت كل واحدة على أوضتها عشان يجهزوا نفسهم ووووووووووو