رواية حب الاسر الفصل الرابع 4 - بقلم موكا

سما : على أساس إني اللي عيزا حد يعرف. مريم : ها أي يا ولاد؟ سما : تمام يا ماما. أسر : مش يلا بقى يا أمي ولا إيه؟ آيارا : نستأذن إحنا بقى يا أم... سما : بعد إذنك. مريم : إذنك معاكي، نورتونا. بعد ما أسر رجع بيته وكلهم ناموا. في أحد البيوت القديمة. محمد : فاتح الفيس وبيتفرج على صور مي اللي منزلّاها.

محمد لنفسه : يا ريت يا مي أقدر أجي أعترفلك بحبي ليكي وأتقدملك. بس أنا عايش في حارة وبصرف على أمي وإخواتي وأبويا، وهي عايشة في فيلا وكل اللي بتطلبه مجاب. أكيد مش هتبص لي أنا. هحاول وربنا يكتب لنا الخير. وبتنهي الليل وبيطلع النهار بأحداث جديدة. بيتجمعوا البنات في الكافتيريا كالمعتاد. بيجي محمد. محمد : بعد إذنك يا مس مي، ممكن آخد شرح المحاضرات اللي فاتت اللي حضرتك لخصتيه؟ أصل شفت حضرتك وإنتي بتكتبي.

مي : ها أنا آه صح. وخدت... (نوت بتاعت سما وادتهالو بدل بتاعتها) محمد : تمام، هنقله وأجيبه لحضرتك. وشكراً جداً. مي : عفواً يا سطا. بعد ما محمد ما مشي. سما : إنتي خدتي النوت بتاعتي وادتهالو لي؟ مي : اصل الصراحة اتحرجت وإنتي عارفة إني معجبة بيه وهو أول مرة يطلب مني حاجة. سما : ماشي، بس متعنليش كده تاني. مي : حاضر يا ستي. ويلا علشان المحاضرات. سما : هي أسماء مش هتيجي لأ إيه؟ مي : والله معرف، أنا رنيت عليها ملقتهاش بترد.

أسماء من بعيد : يا بنات! مي : مش لو كنتي افتكرتني ميت جنيه كانت أحسن. أسماء : كنتوا بتقولوا إيه من غيري؟ سما : هههه، ولا حاجة. يلا المحاضرات هتبدأ. واتجهوا كلهم للمحاضرات. مي وأسماء وسما دخلوا متأخر، فمكش في غير تلت أماكن متفرقة وجنب ولاد. سما راحت قعدت جنب أحمد. ومي جنب محمد اللي كان طاير من الفرحة. وأسماء لحقت اللي جنب الليث. أسر لما شاف سما قعدت جنب الولد كان بيغلي بس مكنش يعرف السبب.

أسر : أهلاً بالأساتذة المتأخرين. الجزء اللي فات مش هعيد شرحه تاني. سما : بس يا دكتور بعد إذنك، المحاضرات دي مهمة ودي اللي هنطبق عليها العملي. ياريت تراجعوا بعد إذنك. أسر : أنا قولت مرة لا. تمام، عقاب على تأخيرك يا آنسة. أحمد لسما : متقلقيش، أنا هشرحلك. سما : شكراً ليك. أسر : الأستاذة سما المحترمة، ممكن أعرف بتتوشوشي إنتي والمستر أحمد في إيه؟ سما : أظن دا شي ميخصكش. ثانياً، ياريت متكلمنيش بالطريقة دي تاني.

أسر : ثالثاً بقى، إنتي مطرودة من المحاضرة ومشوفكيش تاني، واعتبري المادة متشالة. وخلي الأستاذ أحمد يبقى ينفعك.