رواية حب الاسر الفصل الخامس 5 - بقلم موكا

سما زعلت جداً، كرامتها اتهانت وطلعت وهي بتعيط. أسر قلبه وجعه بس كانت الغيرة عمياه. في الكافتيريا: أسو: المحاضرة كده خلصت، اتفضلوا. سما: بقا أنا يتقالي كده؟ والله لأعرفه مين هي سما. مي: اهدي يا سما، مينفعش كده. سما: متقوليليش أهدي. أسماء: خلاص يا سما، خلاص. يا مي ممكن تسكتوا وتركزوا عشان نشوف هنخلي الدكتور أسر يدخل سما تاني إزاي. سما: مين قالك إني هحضرله تاني؟ أسماء: مينفعش، انتي عارفة إن عدم حضوره بيشيل السنة.

سما: ملكيش فيه، وأنا مروحة. أسماء: مش هتحضري باقي المحاضرات؟ سما: لا. سلام. وعدى الليل على أبطالنا وطلع النهار بأحداث جديدة. كان اليوم ده يوم تطبيق عملي في المستشفى. وكالعادة أسر هو اللي مسؤول عن مادة العملي والنظري. تجمعوا البنات والولاد كلهم في المكان المخصص. كانوا التلات بنات قاعدين في مكان واحد. جه عليهم محمد. محمد: اتفضلي، دي النوت بتاعتك وشكراً ليكي جداً. مي: عفواً، انت بتشكرني على إيه؟

بسمة ادت النوت لسما اللي هي بتاعتها أصلاً. أسر: يلا كلكوا عشان هنتوزع على الأقسام. أنا هاخد جزء والباقي هيتوزع مع المعيدين. سما حظها كان في الجروب اللي مع أسر. أسر خدها وطلع فوق في الحضانات، ده المكان اللي كانوا متوزعين فيه. أسر: حد معاه نوت عشان أسجل الغياب؟ محدش رد. أسر: مس سما، هي اللي مش في إيديكي دي نوت برضه؟ سما: أيوا، عايز إيه يعني؟ أسر: اتكلمي عدل وهاتي النوت هكتب فيها. سما بغضب: اتفضل. أسر أول

ما فتح النوت لقى حد كاتب: "أنا بحبك من زمان ونفسي أجي أتقدملك بس خايف لترفضيني". أسر أول ما شاف كده اتعصب جداً بس حاول يداري عصبيته. قطع ورقة من النوت. أسر بسخرية: اتفضلي يا أستاذة سما يا محترمة.