رواية حب المشاغبين الفصل الحادي والعشرون 21 - بقلم حنين هاني

اي ده اسمها مريم. اسمها مريم. طيب انتي مالك مضايقة ليه؟ مريم دي اللي حكتلك عليها، هي دي اللي بتحب مراد. طيب وماله، هو انتي أصلاً فاكرة إنها بتحبه؟ يا بنتي، الموضوع لو كان حب مكانتش سكتت. بصي، أنا خدت رقم أبوها وهكلمه وهخطبهاله. حلو، وقع ولا إيه؟ أحمد. عايزة الحق ولا ابن عمي؟ بيلا. الحقيقة. أحمد. بصراحة عجبتني وأنا مش لسه هتعرف، فهتكلم على طول. بيلا. خلاص كلميه وشوف إيه الدنيا. أحمد. ماشي، هقوم أكلمه. بيلا.

يا بني انت معندكش صبر، استنى لغاية الصبح. أحمد. أنا لسه هستنى؟ أنا هكلمه عشان أقوله أشوفه بكرة. بيلا. ده انت بني آدم غريب يا جدع، إيه مفيش صبر؟ أحمد. أه، أنا عايز أخطب وأتجوز، انتي زعلانة ليه يا بايرة انتي؟ بيلا. طيب وحياة أمي ماسيبك. وجريت وراه في الشقة. بقالي أنا بايرة يا حيوان انت. أحمد. أعلمك إيه، ما انتي مش راضية تجوزيني. بيلا. يا حيوان مش راضية عشان بقولك كلم أبوها الصبح. أحمد.

طيب أنا راجل بيحب السرعة، أعمل إيه؟ بيلا. إن شاء الله تولع كنتك، نيلها. أحمد. برضه بايرة. وجري وسابه. بيلا. طيب مفيش عشا بقى؟ أحمد. لا خلاص، أنا آسف، أنا اللي باير. وضحكوا وقعدوا يضحكوا. ورن فونها. أحمد. قومي ردي يا أختي، قومي. وبعدين لازم تفهمي إن في حدود، يعني لازم تعرفيني كل حاجة. بيلا. بتكلميني أنا ياض؟ أحمد. لا يا قلبي، ده أنا بكح. بيلا. آه. بحسب. وراحت ترد عليه. مراد. إيه يا حبيبي. بيلا. حبك برص، عايز إيه؟

مراد. إيه يا بنتي، انتي فين الرقة والأنوثة؟ بيلا. هو كده عجبك ولا أقفله؟ مراد. لا، انتي قمر في كل حالاتك. بيلا. عارفهم. مراد. ماشي يا أختي، المهم عايز أقابلك بكرة عشان عاوزك في موضوع. بيلا. موضوع إيه؟ مراد. هنتكلم في موضوع الشغل عشان نبدأ فيه. بيلا. ده بجد؟ بس إزاي، انت لسه تعبان؟ مراد. لا، أنا زي الفل، طول ما أنا معاكي. بيلا. خلاص، اوكي، بكرة نتقابل الساعة خمسة. مراد. ماشي يا حبيييييي، يلا باي. وقفل. عند أحمد. أحمد.

مساء الخير، والد مريم معايا. عثمان. أيوه، مين معايا؟ أحمد. أنا اسمي أحمد، كنت عايز حضرتك في موضوع. عثمان. خير إن شاء الله، عايز إيه؟ أحمد. كنت طالب إيد بنت حضرتك وعايز أقعد معاك ونتعرف. عثمان. ماشي يا ابني، مفيش مشكلة، تحب نتقابل امتى؟ أحمد. بكرة لو مناسب. عثمان. ماشي يا حبيبي، بكرة نتقابل الساعة سبعة على النيل. أحمد. ماشي، شكراً لحضرتك. وقفل. تاني يوم. نزلت بيلا الكلية هي وأحمد. أحمد.

هروح أنا بقى، لما أخلص هرن عليكي. بيلا. أوكي. ومشت راحت على المكتب. لقت مازن. بيلا. صباح الخير، إيه الأخبار؟ مازن. صباح الفل، إيه الابتسامة الحلوة دي؟ بيلا. مرسي، تسلم. انهاردة في عملي. مازن. أيوه، بس هقولك على حاجة. دقيقة ومشي راح مكتبه ورجع وداها تذكرة. بيلا. إيه دي؟ مازن. دي تذكرة الرحلة بتاعت السخنة. بيلا. أوه، السخنة كمان. مازن. أيوه، الكلية عملت رحلة أربع تيام، وبصراحة حبيت أهداكي بيها. بيلا.

أوكيه، قبلتها، بس لازم أدفع حقها، يالا مش هعرف أقبلها. مازن. دي حاجة بسيطة خالص، مش... محتاجة. بيلا. نووو، لازم أدفع تمنها. مازن. خلاص يا ستي، تمنها 500، خليهم بقى، وانتي اعزميني بيهم النهارده. بيلا. أوكيه، تمام. بس هطلب الأكل دليفري، لاني ورايا مشوار. مازن. خلاص، أوكيه. وراحوا على المعمل عشان تبدأ شغل. وبعد ما خلصوا اتغدوا ومشيت بيلا راحت تقابل مراد. بعد نص ساعة. بيلا. هو انت شايل الفون ده زينة ولا لابس الساعة؟

ده منظره. هو انت مش واخد بالك إن الساعة بقت ستة وحضرتك لسه جايم؟ مراد. بصراحة، كنت نايم وصحيت خمسة ونص. بيلا. آه، يعني كمان لما كلمتك كنت بتضحك عليا، وانت لسه صاحي، وقال إيه معلش أصل الطريق زحمة، معلش أصل في حادثة. مراد. خلاص بقى يابت، المهم تشربي إيه؟ بيلا. شربت خلاص. مراد. نادله. المهم تعالي نتكلم على الشغل عشان نبدأ فيه من يوم السبت. بيلا. لا، السبت مش هكون موجودة أصلاً. مراد. ليه يختي، ورانا إيه؟ بيلا.

رحلة طالعة رحلة. مراد. رحلة إيه؟ هو انتي فاكرة نفسك لسه طفلة؟ بيلا. إيه يابني، الكلية عاملة رحلة للسخنة وأنا طالعة. مراد. إيه ده بجد؟ طيب مقولتيش ليه؟ بيلا. والله الموضوع عرفته النهارده، وأصلاً التذكرة كانت جاية لي هدية. مراد. من مين إن شاء الله يختي؟ بيلا. من دكتور مازن زميلي، كان جايبها لي وأنا مرضتش. مراد. سبحان الله، مش بينزلي من زور يعني، راحة؟ بيلا. أيوه. مراد. وهو رايح كمان؟ بيلا. ده أكيد. مراد.

ماشي، وأنا كمان رايح.