رواية حب المشاغبين الفصل الرابع والثلاثون 34 - بقلم حنين هاني

مراد: يخليكي ليا ياحبيبي. يلا تعالي نشرب حاجة ونقعد على النيل شوية. بيلا: خلاص، أشطة. أخذهما ومشوا. قعدوا على النيل. مراد: تعرفي إني في أسعد أيام حياتي، وهكون أسعد لما تبقي بتاعتي. منتظرة أوي يوم الجمعة عشان أكون قدام العالم كله كسبتك. أنتي حبك حرب ولازم أنا اللي أكسب. بيلا: لو حبك حرب، فا أنا مش هسيبك تاخدها لوحدك، وهكون معاك. مراد: عارف إنك هتقفي جنبي دايماً، ماهو برضه أنا مش بحبك من فراغ. بيلا: وأنا كمان برضه.

مراد: أنتي كمان إيه؟ بيلا: أنا كمان. مراد: أيوه، أنتي إيه؟ بيلا: أنا كمان بحبك. مراد: ياااه، أخيراً اعترفتي. بيلا: بس برضه... مراد: يختي بطة، أنتي بتتكسفي؟ ضحكت بيلا ودارت وشها. مراد: يختي بطة، كميلة أنتي، مكشوفة. قعدوا يهزروا مع بعض. في الكلية. مريم: أنتا فين؟ أحمد: في حاجة؟ مريم: أصلي تعبانة وعاوزاك تاكلني وتشربني عصير ونتمشى شوية، وبعدين تروحني، وبس، يعني. أحمد: كل ده وبس، يعني؟ ومالك جاية على نفسك كده ليه؟

مريم: معلش، لازم آجي على نفسي عشان مكنش تقيلة عليك. أحمد: لا، وأنتم جاية على نفسك أوي بصراحة. ماشي، هركب العربية وجايلكم. مريم: أشطة. وقفت تستنى لغاية ما جاه. مريم: كل ده تأخير. أحمد: يابنتي، أنا مكلمتش عشر دقايق. مريم: اتأخرت عليا برضه. أحمد: خلاص، حقك عليا. بس إيه الحلاوة دي؟ شكلك قمر وأنتي مدخلة شعرك جوه. مريم: بجد؟ أحمد: أه طبعاً. أتمنى يفضل كده على طول، وتفضلي شاطرة وتسمعي الكلام.

مريم: حاضر، حاضر. المهم هناكل إيه؟ أحمد: أنتي عاوزة تاكلي إيه؟ مريم: يعني حاجة خفيفة كده عشان متقلش عليك. أحمد: ياستي، فداكِ الدنيا. أنتي كله تحت رجلك. مريم: ماهو حاجة خفيفة عشان الدنيا وكده يعني. أحمد: طيب، خفيفة زي إيه؟ مريم: يعني كفتة، وفراخ، ومندي، وطاجن ورق عنب، وملوخية ده أساسي، وطاجن مشكل كده، وصينية رقاق، وجمبو رز بسمتي ومعاه لحمة وكده يعني. أحمد: هو ده اللي خفيف؟ مريم: أه. في إيه؟

أنتا مش عارف إن ده أكل خفيف؟ أحمد: أومال لو تقيل، هتطلبي تاكلي إيه؟ أي؟ هتطلبي دراعي؟ مريم: دراعك؟ هو دراعك ده أصلاً فيه لحم؟ يابني، الأكل ده مزاج، وأنا بحب الأكل، وبحب اللي بيحب معايا الأكل. أحمد: ماشي، مقولتش حاجة. وهاكلك اللي أنتي عاوزاه. أنا بس مستغرب من كلمة أكل خفيف. مريم: أيوه، ده أكل خفيف. أحمد: طيب، لو تقيل، ينفع أعرف إيه؟ مريم: يعني فخدة مع صينية مشاوي مع بفتيك مع فراخ مندي مع محاشي وكده يعني. أحمد: فخدة؟

أنتي بتاكلي فخدة لوحدك؟ مريم: أه، فيها إيه؟ قول ما شاء الله كده، الله أكبر، الله أكبر. أحمد: يابنتي، أنتي كده ناقص تاكليني لو ملقتيش أكل. مريم: لا، متقلقش. أنتا ناشف وهتلاقي لحمك ماسخ. أحمد: يا شيخة. يعني لو مكنش كده، عادي تاكليني؟ مريم: لا، متقلقش. مش هتهون عليك. يلا بقى عشان أنا جعانة. أحمد: ماشي يا آخرة صبري. ومشوا وراحوا المطعم وكلوا. مريم: أه، كنت جعانة أوي. أحمد: ألف هنا يا حبيبتي.

مريم: يلا، اطلبلي حاجة أشربها وحاجة أحلى. أحمد: نهار أسود. هو أنتي لسه في مكان تاني؟ مريم: هو أنتا هتبصلي في الأكل يعني ولا إيه؟ على فكرة، لو شايف إن تقيلة عليك، قول. أحمد: لا ياحبيبتي، مش قصدي. أنا بس قصدي عشان متتعبيش. مريم: لا، متقلقش. أنا تمام. أحمد: طيب، عاوزة إيه؟ مريم: عاوزة واحد كوكتيل، وعاوزة وافل شوكولاتة، والوايت شوكولاتة. أحمد: حاجة تاني؟ مريم: لا، عشان متقلقش عليك أكتر من كده يا حبيبي.

أحمد: ماشي يا حبيبتي. في نفسه: إيه حوار متقلش عليك ده؟ أومال لو تقلت، هعمل إيه؟ ده أنا كده هشحت ومش هعرف أتجوز. مريم: بتقول حاجة يا حبيبي؟ أحمد: سلامتك يا روحي. مستغناش.