رواية حب المشاغبين الفصل الثالث والثلاثون 33 - بقلم حنين هاني

مراد. اوعى تفكر تتنطق كلمة تاني عليها. بيلا. مراد سيبك منه ده مريض. مازن. شايفينها خايفة على حبيب القلب. وبعدين اوعى تفتكر نفسك حاجة، ده انت عيل ساقط وفاشل. ضربوا مراد في وشه. مراد. أوعى تفكر تاني شيطانك يوزك تتكلم، بس كلمة عليها هنصفيك من على وش الأرض. قام مازن ومسكوه في بعض وضربوه بعد. بيلا. خلاص يامراد ابعد. وبعدين مازن وبيضربوا في بعض لغاية ما جم الأمن بتاع الكلية وخدوهم عند العميد. العميد.

ممكن أفهم إيه اللي حصل بره؟ بيلا. حضرتك دكتور مازن وقف في نص الكلية وحصل...... وده كل اللي حصل. مازن. هي اللي ماشية على حل شعرها معاه. وفي الرحلة نفس الكلام. شوف الدكتورة الشريفة اللي باعت مهنتها وخلته ينجح ويجيب تقدير امتياز وهو كل سنة بيسقط. العميد.

دكتور، إذن، ملكش الحق تعمل حاجة زي كده. دكتورة بيلا الكل بيشهد بأخلاقها. وإذن، طول ما هي معملتش كده في الكلية وفي حدود محدش اتعداها، يبقى كده ميخصكش. يحقلك تتكلم لو لقيت الكلام ده هنا في الكلية. أما إنك تجيب أخبار بره الكلية وتعمل سمعة وحشة للدكتورة، ده اللي لأ. وحضرتك بتقول باعت شرف المهنة وخلتك تنجح. أول حاجة، أنا عارف مراد كويس عز المعرفة. وعارف إنه لو عمل حاجة زي كده، يبقى مجهوده هو. أوعى تفتكر إني مش عارف حاجة.

لا، مراد شخص كويس أوي وأنا عارف إنه نجح بمجهوده. وعشان أثبتلك كده، أنا هنقل دكتورة بيلا لفرقة أولى بس. وساعتها هتشوف مراد وهو ناجح لوحده. تاني حاجة، زي ما أهنت زميلتك قدام الكلية كلها، هتعتذر لها هي ومراد قدام الكلية كلها. وكلامي مش هيتكرر.

مازن. بس إزاي يعني؟ العميد. زي الناس. اتفضل قدامي. وانتوا كمان اتفضلوا. طلعوا كلهم. وقف العميد. العميد. يا جماعة احضروا كلكم هنا. زي ما دكتور مازن أهان الدكتورة بيلا قدامكم، هيعتذر قدامكم كلكم. والصور دي تجمع هنا دلوقتي. جمعوا الصور وخدها العميد وقطعها. العميد. اتفضل اعتذر لزميلتك. مازن. أنا آسف يادكتورة عشان سوءت سمعتك. آسف. بيلا. وأنا مش قابلة اعتذارك. العميد.

حقك طبعاً يادكتورة. اتفضل، انت مخصوم منك شهرين جزاء. اتفضل. وبص لمراد. العميد. وانت يامراد تعالي عاوزك. ومشي مراد. العميد. يعني انت ضاقت بيك الدنيا ورايح تحب الدكتور؟ مراد. أعمل إيه يعني ياخالو؟ والله ماكنت أعرف لغاية ماشوفتها هنا. (العميد يبقى خال مراد واسمه سمير بس محدش عارف) العميد. أمك حكتلي كل حاجة وقالتلي يوم الجمعة تروحوا. بس انت غلطان يامراد. مراد. غلطت في إيه طيب؟ العميد.

غلطت لما كنت في الرحلة طول الوقت كنت معاها. خليته يتكلم عليها بطريقة وحشة. وانت كمان اتفهمت بطريقة وحشة. يعني لما ييجي يقولك واحد فاشل وهي باعت المهنة ونجحتوا، هيتفهّم إزاي؟ مراد. والله ياخالو أنا نجحت بمجهودي لما ذاكرت وعرفت. وهي والله ولا ادتني أي معلومة. العميد. عارف. عمتاً مش عايز أي كلام بينكم طول ما انتوا هنا. مراد. ماهو ده اللي أنا بعمله. أنا مش بكلمها. ولو كلمتها يبقى على أساس إنها دكتورة مش أكتر. العميد.

عارف يامراد. وعاوزك تثبت كده. ويلا مبروك ياعريس. مراد. الله يبارك فيك ياخالو. العميد. يلا روح انت دلوقتي. وبقولك أنا عدتلك موضوع إنك مديت إيدك عليه الأول. بس ياريت متتكررش تاني. مراد. حاضر. أمرك ياباشا. وطلع مشي مراد بره الجامعة وركب العربية ورن عليها. مراد. انتي فين؟ بيلا. بلبس حاجاتي ومروحة. مراد. أنا في العربية. هقف الناحية التانية تعاليلي. بيلا. ماشي. وقفل. بعد ربع ساعة ركبت بيلا. مراد. اتأخرتي ليه؟ بيلا.

معلش عقبال ماجيت. مراد. طيب متزعليش. حقك عليا. أنا حقك اتاخد خلاص. بيلا. خلاص مفيش حاجة. مراد. لأ انتي زعلانة. عارف إن الموضوع صعب. حقك عليا أنا آسف عشان حطيتك في الموقف البايخ ده. بيلا. انت مالكش ذنب. مراد. لأ أنا السبب. حقك عليا. أنا آسف. متزعليش نفسك انتي. بيلا. أنا مش زعلانة. أنا خوفت عليك. انت لسه تعبان. مراد. كان لازم أردلك كرامتك. حتى لو كنت هترفض. مش مهم. المهم كرامتك. بيلا.

شكراً يامراد. مكنتش هعرف أرد عليه. أنا من الصدمة مخي وقف. مراد. أنا عارف. أهم حاجة متزعليش نفسك. بيلا. خلاص مفيش حاجة. بس هو مش غريبة العميد يدافع عنك ويكون عارفك. وبعدين قالك تعالي عاوزك؟ مراد. هقولك بس متعرفيش حد. بيلا. قول. مراد. يبقى خالي. بيلا. خالك إزاي يعني؟ مراد. يعني خالي أخو أمي. بيلا. إزاي ده أنا حتى مشوفتهوش في الفرح. مراد. مين قالك كده؟

كان موجود. بس كان بيستقبل أهلنا اللي جايين من السفر. عشان كده انتي مشوفتهوش. بيلا. آها. يعني هو خالك. مراد. أيوه. بس محدش يعرف هنا. بيلا. اممم. طيب إيه هتفضل واقف كده مش هتعزمني على الأكل؟ مراد. عنيا طبعاً. تعالي هعزمك. وبالمرة أوريكي المكان بتاع المشروع. بيلا. اشطا. يلا بينا. وراحوا اتغدوا وبعدين راحوا المول. مراد. إيه رأيك؟ بيلا. ده تحفة بجد. ده زي اللي كان نفسي فيه بجد. مراد. لأ ولسه لما تحطي شغلك فيه. بيلا.

مش عارفة أشكرك إزاي. مراد. لأ إحنا مفيش بينا شكر. وبعدين انتي ناسيه إننا شركا ولا إيه؟ بيلا. لأ طبعاً مش ناسيه. عاوزين بقى نعمل تراخيص عشان نبتدي نحط الشغل. مراد. ياباشا كله خلصان. التراخيص اتعملت وكل حاجة جاهزة. بيلا. أنا بجد فرحانة أوي. ربنا يخليك ليا وميحرمنيش منك أبداً.