رواية حب المشاغبين الفصل التاسع 9 - بقلم حنين هاني

يوم جديد. صحيت بيلا عشان تنزل الكلية. بيلا: يدوبك الحق أغير وأنزل. وبعد شوية نزلت ووصلت الكلية. مازن: صباح الخير يا دكتورة بيلا. بيلا: صباح الخير، عن إذنك عندي محاضرة. وسابته ومشيت. مازن: هي مالها مش مديني فرصة كده ليه؟ أنت محتاج أتعرف عليها وبعدين معاكي يا بيلا شكلك هتغلّبيني معاكي عشان أوصلك، بس مش مشكلة برضه الوصول للقمر صعب بس هوصل. وواصل طريقه للمدرج.

بيلا: صباح الخير يا شباب، أحب أقولكم إن فيه مفاجأة هعملها دلوقتي. الطلاب: خير يا دكتورة؟ بيلا: امتحان مفاجئ ومن غير دوشة ولا أي صوت، أنا بس حابة أعرف إيه النظام معاكم. وبدأت توزع الورق. بيلا: كده ناقص ورقة، مين مش حاضر؟ مريم ردت بسرعة: مراد مجاش. بيلا: أه تمام. مريم: ممكن أرن عليه يحضر؟ بيلا: لا، اتفضلي بصي في ورقتك. بيلا: ماشي، أما أشوف أنا عندي فكرة عند مراد. فريدة: ولا أنت مش هتروح الشغل؟ مراد: حاسس إني تعبان.

فريدة: مالك يا حبيبي؟ مراد: مصدع ومش قادر، مش نازل النهاردة. فريدة: ماشي يا حبيبي، تعالي افطر وارجع نام تاني. وقام يفطر ورجع ينام تاني. بعد شوية لقي فونو بيرن. مراد: الألو. بيلا: أومال ساكت النهارده يعني مش سامعة ليك حس؟ مراد: في البيت نايم. بيلا: أومال يا عم أنت هتخلص الشقة امتى؟ أنا الفلوس اللي حالتي دفعتها كلها للفندق. مراد: ياستي يومين وهستلم. بيلا: أما نشوف، أومال أنت منزلتش ليه يعني؟ مراد: أصل مصدع ومكسل.

بيلا: يلا ملكش في الطيب نصيب، كنت عازمك على كوفي. مراد: لا ده أنا هقوم فوراً، هلبس وأنزل لك على طول يا قمري. بيلا: خلاص ماشي، هستناك في الكوفي اللي على النيل. وقفل. بيلا: أنا هوريك يا مراد، أنت ينتهي. ومشت عشان تروح له. وهي ماشية وقفها مازن. مازن: إيه ماشية بدري كده ليه؟ بيلا: لا أصل خلصت. مازن: طيب أنا عازمك على الغدا النهارده. بيلا: لا أصل... وقطع كلامها: لا مفيش، أصل أنا قررت خلاص، يلا بينا. ومشي وهي واقفة.

بيلا: وبعدين معاه بقى، أوف! يلا أنا هروح عشان محرجوش. ومشيت. مازن: سيبي العربية بتاعتك، وأنا هبعت يوديها مكان بيتك. بيلا: لا معلش مش هينفع عشان ورايا مشوار. مازن: أوكي براحتك، وركب العربية، هبعت لك اللوكيشن. وتسيبلا: أوكي. ومشيت. بيلا: أما نشوف آخرتها معاك عشان شكلك كده داخل بعشم جامد. ومشيت ورنت على مراد. بيلا: فينك كده؟ مراد: هلبس الكوتش ونازل. بيلا: طيب معلش هتاخر نص ساعة، ورايا مشوار مهم هخلصه وهاجي على طول.

مراد: يلا، هتنازل وأقعد أستناكي يا بيليله، يلا باي. بيلا: أعاااااا! إنسان مستفز! بقا أنا بيلا يقولي يا بيليله؟ أوف بقى. وبعد شوية وصلت المطعم. مازن: يلا بينا. بيلا: اتفضل. ودخلوا. مازن: أنا بحب أوي المطعم ده، ومبجبش حد فيه لو كان غالي على قلبي. بيلا: مرسي. مازن: تعالي نطلب أكل وندردش شوية، تحبي تاكلي إيه ولا أطلب على مزاجي؟ بيلا: أوكي. وطلب أكل. مازن: أنتِ ساكنة فين بقى على كده؟

بيلا: أنا قاعدة في فندق دلوقتي عشان لسه بوضب الشقة. مازن: اهااا، عندك إخوات على كده؟ بيلا: ليا أخ. مازن: وأنتِ منين على كده؟ بصي، أنا عايز أتعرف عليكي أكتر من كده يعني. فونها رن. مراد: إيه يا عم، أنا هستناكي لغاية امتى؟ بيلا: أنا بس في مشوار وهاجي على طول. مراد: يا بيليله، يلا عشان جعان ومستنيكي. بيلا: خلاص جايه حاضر. مراد: أيوه كده، ناس متجيش غير بالعين الحمرا، يلا هطلب أكل عقبال ما تجيء. وقفل. بيلا: أه ياحيوان.

وبصت لمازن اللي مركز معاها. بيلا: معلش أنا هستأذن دلوقتي عشان ورايا مشوار مهم. مازن: طيب أنتِ لسه مكلتيش طيب؟ بيلا: معلش مرة تانية، عن إذنك. وسيبته ومشيت. مازن: هي ليه كرفتالي كده؟ شكلك صعبة قوي، بس علي مين، ده أنا مازن. وواعد يفكر. عند بيلا. بيلا: بقا تقولي أنا ناس متجيش غير بالعين الحمرا؟ مراد: ما أعملك إيه يعني؟ تكوني أنتِ اللي عاوزاني وأنا اللي أستناكي؟ بيلا: عادي، براحتي، أتأخر زي ما أنا عاوز.

مراد: بس يابت، وعدي ساكتة. بيلا: بت؟ بقا بتقولي أنا بت؟ لا ده أنا خدتك عليا قوي. مراد: بس يازميلي، مش أنتِ صديقتي؟ أنا بقى أحب صديقتي تكون فريش زي. بيلا: وأنت مين قالك إني موافقة أصلاً إننا نكون أصدقاء؟ مراد: عشان أنا مارو، ومتعوضش. بيلا: يخربيت ثقتك الزيادة! وبعدين أنا صديقي لازم يكون ناجح، وبعدين أنت فاشل بقالك كتير في الكلية. مراد: لا حاسبي يا ماما، أنا لو عاوز أنجح في الكلية دي هنجح وهطلع الأول كمان.

بيلا باستفزاز: يا جدع، كنت نجحت من زمان. مراد: طب بلاش تتحديني عشان أنا عندي. بيلا: ياعم روح، ده أنت حتى مبتحضرش على طول وتقولي أطلع الأول. مراد: طيب أقولك على حاجة، عندي فيكي يا بيليله، أنتِ هنجح وأطلع المركز كمان ومش هفوت محاضرة كمان، إيه رأيك؟ بيلا: بلاش، عشان مش هتكون قد التحدي. مراد: لا بقا أنا قدو كمان، وأنا بقولك أهو، وعد مني ليكي إني هنجح السنة دي وهجيب المركز الأول عشان مش أنا مراد اللي تتحديني.

بيلا باستفزاز أكتر: أما نشوف. هي نفسها: نجحت الخطة، نجاحك على إيدي يا مراد. مراد: هتشوفي يا وجه البرص، أنتِ. بيلا: بس ياض. مراد: بس ياض؟ بقا أنا مراد، حتة بت تقولي بس ياه! خدتك عليا أنا، بس احظري مني، أديني قولت. بيلا: أنت سامع الدبانة اللي بتتكلم؟ أصلي مش سامعة. مراد: أه يا عود الساحلي، أنتِ. ماشي، مش هتكلم دلوقتي عشان في مكان عام، لما نطلع من هنا، اطفيحي. بيلا: طفحة في قلبي. مراد: أه يا قلبي، واهون عليكي؟

قعدوا يتكلموا ويهزروا.