رواية حب المشاغبين الفصل الثامن 8 - بقلم حنين هاني

مراد. بيلا فوقي، حد يجيب ميه بسرعة. قعد يفوق فيها ويرش ميه وبردو مش بتفوق. مراد. يلا بينا نوديها المستشفى بسرعة. شالها مراد ونزلوا كلهم على المستشفى. دخلت غرفة الكشف وبدأ الدكتور يكشف عليها وكلهم بردو. فريدة. يارب قومها بالسلامة. مراد واقف قلقان وهيموت عليها من الخوف. مراد. يارب تقوم بسلامة يارب. وبعد نص ساعة الدكتور لسه مطلعش. مراد بقلق. هما اتأخروا أوي، هو في إيه؟ عبدالله. اهدا ياسيف، أكيد بيكشفوا عليها.

فريدة. خير إن شاء الله. يونس. ريان. ريان. نعم. يونس. تعالي نحاول نهدّي مراد عشان هيموت من القلق. ريان. يلا. راحوا ليه. ريان. اهدى ياحبيبي، هتكون كويسة إن شاء الله. مراد. أنا مش عارف حصلها إيه، دي كانت كويسة. أنا هتجنن وبقالها أكتر من نص ساعة جوه ومحدش طلع خالص. ولسه هيتكلم فونها رن. مراد. ده فونها بيرن، أعمل إيه؟ دي مامتها. يونس. بص، إنت متردش لغاية ما نطمن عليها، وبعدين إنت عارف هي منين. مراد. لا والله مش عارف.

والفون رن تاني. مراد. طب أعمل إيه دلوقتي؟ أنا هرد وهقولها مشغولة. ولسه هيرد لقى الدكتور طلع. مراد. خير يادكتور، هي كويسة؟ الدكتور. إنتوا أهلها؟ مراد. لا يادكتور، فيه إيه؟ الدكتور. أنا محتاج أعرف حالتها دي عشان مدهاش حاجة تكون خطر عليها، لازم تكلموا أهلها بسرعة عشان أقدر أتصرف. مراد. طيب، هو فيه حاجة خطيرة أوي؟ الدكتور. أيوه، سبب الإغماء له سبب معين والقلب حالته مش مستقرة. مراد اتصدم.

مراد. طيب حاضر، أنا هرن على أهلها. ولسه بيحاول يفتح الفون لقى مامتها بترن تاني ورد. هاجر. إيه يابيلا، حرام عليكي قلقتيني عليكي، افتكرت حصلك حاجة ونسيتي تاخدي العلاج. مراد. السلام عليكم. هاجر بستغراب. وعليكم مين ده؟ فون بيلا بنتي، إنت مين؟ هي كويسة؟ حصلها إيه؟

مراد. أنا زميل ليها، بصي حضرتك هي كانت كويسة ومرة واحدة حصلها إغماء ونقلناها على المستشفى، والدكتور محتاج يفهم حالتها لأنه مش عايز أي خطر عليها، بس أرجو منك الثبات دلوقتي عشان نلحقها عشان ميجرالهاش حاجة. هاجر. حاضر حاضر، اديني الفون للدكتور وأنا هفهمه حالتها. ونادى مراد الدكتور وفتح الاسبيكر. الدكتور. ممكن أفهم الحالة لو سمحت.

هاجر. بنتي من خمس سنين كانت كويسة ومرة واحدة حصلها إغماء، فضلنا نحاول نفوقها ومفيش فايدة، نقلناها على المستشفى. هناك قعدوا ساعة يكشفوا عليها، أشاعات كتيرة وتحاليل، وطلع الدكتور سأل هي كانت بتشتكي من حاجة في القلب؟

رديت عليه وقولت ساعات هي بتقول جايلي وجع في قلبي، ولما أقولها تعالي نكشف ونطمن تهرب من الموضوع وتسيبني وتمشي، والموضوع قعد فترة وجت قالتلي ده طلع ضغط واطي عادي يعني مفهوش حاجة. بس راح الدكتور عمل تحاليل وللأسف طلع عندها ثقب في القلب، ولأن الموضوع بقا صعب وكان بقاله فترة كبيرة، للأسف كانت محتاجة عملية زرع قلب ونسبة النجاح كانت 15%. وقعدت في العناية المركزة 10 أيام لغاية ما لقينا القلب وعملت العملية على طول وحصل لها

مضاعفات، وبعد العملية قعدت شهرين في العناية عشان حالتها كانت صعبة، وطلعت بعدها والدكتور قالها هنمشي على العلاج سنة، وقعدت سنة في البيت وبعدها قالها كده بقيتي كويسة بس لازم هتفضلي تاخدي المقويات دي عشان لما بتقف بيحصلها هبوط في مستوى الدم وساعتها القلب بيكون حالته مستقرة.

الدكتور. تمام، أنا كده فهمت، متقلقيش حضرتك، هي ممكن تكون نسيت تاخد العلاج فعشان كده حصلها الإغماء ده. وادي الفون لمراد. مراد. متقلقيش، هي أول ما تفوق هخليها تكلمك على طول. هاجر. أمانة عليك ماتنسى. وقفل. مراد. سبحان الله، ربنا بيحبها أوي عشان يكتب لها إنها تعيش تاني. وبعد شوية طلع الدكتور. الدكتور. الحمد لله يا جماعة، هي فاقت وبقت كويسة دلوقتي. مراد. ممكن أشوفها. الدكتور. أه اتفضل. ودخلها على طول.

مراد. حمد الله على سلامتك، أنا كنت هموت من القلق عليكي. بيلا. الله يسلمك، بس مين اللي جبني هنا؟ مراد. أنا فضلت أفوق فيكي وانتي مفيش خالص فجبتك على طول هنا. وأداها الفون. لسه هيقولها مامتك رنت لقانا بترن وردت على طول. بيلا. إيه ياحبيبتي، معلش كنت مشغولة شوية. هاجر فهمت إنها مش عايزة تعرفها حاجة. هاجر. ماشي ياحبيبتي، إنتي كويسة؟ بيلا. إيه ياماما، متقلقيش عليا، يلا بس أنا هقفل دلوقتي عشان مش فاضية. وقفل.

مراد. إنتي بقيتي كويسة دلوقتي؟ بيلا. أه الحمد لله، هو بس شوية إرهاق عشان كده. مراد. الف سلامة عليكي. ودخلوا عيلة مراد يطمنوا عليها. فريدة. سلامتك ياحبيبتي. بيلا. الله يسلمك يا طنط. وبدأوا يطمنوا عليها. مراد. خلاص روحوا إنتوا وهي هتخلص المحلول ده هروحها وأجي وراكوا. ومشوا. مراد. هجبلك عصير وأجيلك تاني. بيلا. لا خليك، كفاية إني تعبتك معايا. مراد. لا، ده إنتي تعبك راحة. ودخل الدكتور. الدكتور. تقدروا تمشوا دلوقتي.

وبيكلم مراد. خلي بالك من خطيبتك وياريت تهتم بأكلها شوية. مراد. ماشي، شكراً يادكتور. بيلا. هو إنت قلت إنها خطبتنا؟ مراد. يختي، يعني ده كل اللي همك؟ مأخدتيش بالك من حوار الأكل؟ بيلا. إيه، لا عادي يعني. مراد. شكلك كده محتاجة تتظبطي. بيلا. ولا، عيب، أنا الدكتورة بتاعتك، مينفعش تكلمني كده.

مراد. نعم يختي، ولا، ده أنا لو كنت خلفت كان هيبقا معايا قدك. وبعدين بصي بقا يابليلة، حوار دكتورة ده تعمليه عليا في الكلية ده لو هتشوفني أصلاً، ماشي يحلوة، قال الدكتورة بتاعتك قال. بيلا. ما براحة يا عم، إنت ناقص تكلمني. مراد. ياريت والله، هو إنت أطول أكل حلويات زيك كده. بيلا. على فكرة إنت مش محترم عشان كل شوية تفضل تعاكسني. مراد. مش مشكلة بردو، حلويات. قعدوا يتناقشوا في بعض لغاية ما وصلها للفندق.

مراد. ياريت تخلي بالك من نفسك كويس وتأكلي كويس. بيلا. ماشي. وكانت ماشية ووقفت. بيلا. شكراً ليك على وقفتك معايا، ممكن ساعتها لو كنت لوحدي كان زماني جرالي حاجة. مراد. مفيش بينا شكر عشان إنت غالية عندي أوي يابليلة. بيلا ابتسمت له. مراد. يلا تصبح على خير. ومشي هو كمان. مراد. أنا اكتشفت إن فيه حب ممكن يجي فعلاً من أول نظرة، والله شكلك وقعتيني في غرامك يابليلة.