رواية حب الطفولة الفصل العاشر 10 - بقلم ميادة خاطر

أول ما فتحوا الباب انصدموا. شافوه قاعد وضامم رجليه عند رقبته، وجسمه كله مايه ووشه أحمر وعمال يترعش في نفس الوقت. أبوه بص له بمعنى "ليه كده؟ " وجري عليه حضنه. ومالك كان كإنه طفل تايه من أمه ولقاها، كلبش في أبوه وحضنه جامد وهو بيترعش. وأبوه عمال يقول له "اهدى، اهدى". ونبض مش مصدقة اللي حصل. افتكرت زمان لما النور قطع على مالك. *** من ٢٠ سنة. كان مالك عنده ٥ سنين، وكان قاعد في البيت هو ونبض لوحدهم.

الباقيين كانوا في عزاء واحدة جارتهم. نبض بصت من الشباك تشوف الناس. ومالك كان بيلعب في الأوضة اللي جنبها. وفجأة النور قطع. لأن نبض كانت جنب الشباك، ماخفتش لأن القمر كان منور. أما مالك كان لوحده. وهو قاعد ينادي وهي ترد، ومحدش فيهم عارف يتحرك. وفجأة جسمه اتشنج. قعد وحط رجليه عند رقبته، وجسمه بقى مايه وبيترعش. قعد خايف. وفاء جت تطمن عليهم وجابت كشاف. نبض: ماما شوفي مالك. أمها دخلت.

ولما لقوه كده، خافوا عليه وودوه المستشفى. الدكتور بعد ما كشف قال لهم إن عنده فوبيا من الضلمة، ومينفعش يقعد في مكان ضلمة لأن ممكن يجراله حاجة. *** نبض لعنت غبائها، وقعدت تأنب في نفسها وتقول "يا ريتني ما عملت كده". قعدت تعيط على حالته. ومكة بتهديها. ومارتينا اتصلت بالدكتور، والدكتور جه. الدكتور: هو عنده فوبيا من الضلمة. محمد: أيوه عارف. الدكتور: طب ليه خليتوه في الضلمة؟ ما بتعرفوا إن هالشي ممكن يأثر على صحته؟

محمد بص لنبض. وهي مقدرتش نظرة العتاب دي. ودخلت أوضة وقفلت عليها، وقعدت تعيط. الدكتور: هلأ عطيته حقنة مهدئة، إن شاء الله يكون بخير. ويات ما يقعد في الضلمة مرة ثانية مشان حالته ما تتضاعف. والدكتور مشي. وأبو مالك راح يشتري الدوا. ومارتينا روحت بعد ما اطمنت عليه عشان تجهز شنطتها وتيجي. ومكة قالت هتروح تشوف الشنط وتظبطها برضو. ونبض قعدت جنب مالك، وقعدت تعيط كتير وتتأسف. وبعد شوية هو صحي وبصلها: هو حصل إيه؟

نبض عيطت: آسفة والله يا مالك. أنا والله كنت بهزر، آسفة والله، حقك عليا. مالك: انتي مين؟ نبض: إيه؟ مالك: أنا فين وإنتي مين؟ نبض: مالك، انت بتهزر؟ مالك: هزر معاكي ليه؟ إنتي مين أصلاً؟ نبض: والله يا مالك مش ناقصه بجد هزار، كفاية. مالك: والله مش بهزر، إنتي مين؟ نبض رنت على محمد. نبض: ألو. محمد: في إيه يا نبض؟ نبض: عمو مالك فاق وبيقولي انتي مين. محمد: يعني إيه؟ نبض: مش عارفة، هات الدكتور تاني.

محمد: لا إله إلا الله. الله يسامحك. وقفل السكة. وهي قعدت تعيط. مالك: بتعيطي ليه؟ نبض: انت بتهزر؟ مالك: هو إيه كل حاجة بتهزر، بتهزر؟ هزر ليه؟ نبض: لا. مالك: طيب ممكن مايه عشان عطشان. نبض: طيب. وراحت جابت مايه وأدتهاله. مالك: شكراً يا... اسمك إيه؟ نبض: نبض. مالك: يعني إيه الاسم ده؟ غريب أوي. نبض: ناقصة تريقة حضرتك هي. مالك: إنتي خنيقة على فكرة. نبض: وإنت سخيف. مالك: أومي يا بت من هنا.

نبض: إيمه يا خويا. أصلاً الباب بيخبط، هشوف مين. وراحت فتحت لقت مارتينا. مارتينا: ضو، مالك فاق ولا لسه؟ إننا جهزت الشنط. نبض بعياط: مالك شكله فقد الذاكرة. مارتينا: شو كيف يعني؟ نبض: صحي وبيقولي انتي مين وأنا مين وأنا فين. مارتينا: بجد؟ وينه؟ نبض: جوه. مارتينا دخلت. مالك: إنتي مين إنتي كمان؟ مارتينا: أنا مارتينا. مالك: ههههه، إيه الاسم ده كمان؟ مارتينا: والله رايق وعم تتريق علينا يا أستاذ. مالك: اسمك غريب، إنتي منين؟

مارتينا: أنا من هون، لبنان. مالك: لبنان؟ بجد؟ يعني إنتي في لبنان؟ مارتينا: أي. مالك: امممم، طيب إنتو تقربولي إيه بقا بالسلامتكم؟ ومكة دخلت. مالك: الله! هو كل اللي بيجي بنات؟ إنتي مين يا شاطرة؟ مكة: إيه؟ نبض: شكله فقد الذاكرة. مكة: بجد؟ مالك: اسمك إيه؟ مكة: أنا مكة. مالك: اسمك جميل على اسم بيت الله الحرام. مش الاتنين دول؟ طيب تقربولي إيه؟

نبض: أنا بنت عمك وتؤمك، مولودين في نفس الدقيقة. وطول طفولتنا كنا أخوات، والمفروض ننزل مصر عشان نتجوز. مالك: أثاريهم داخلين بالشنط. مارتينا: أنا رفيقتك من شي خمس سنين، اتعرفنا على بعضنا بالجامعة. مالك: جامعة إيه؟ مارتينا: الحقوق. مالك: امممم، وإنتي؟ مكة: أنا صاحبتها. وشاورت على نبض. مالك: امممم، طيب أنا مليش أهل؟ نبض: باباك جايب الدكتور وجاي، ومليكش أخوات زيي. مالك: وإمي؟ نبض: إي إي إي إي، مامتك؟ مالك: إيه؟ فينها؟

نبض: الحقيقة إنها يعني، مشيت. مالك: يعني إيه مشيت؟ نبض: مشيت من وانت عندك خمس سنين. مالك: هو أنا عندي كام سنة؟ نبض: ٢٥. مالك: طب سابتني ليه؟ نبض: دي حكاية طويلة. مالك: احكي. أبوه دخل: اتفضل يا دكتور. الدكتور دخل وكشف عليه. الدكتور: بدنا نعمل أشعة عالـمخ. أبوه: طيب، نعملها إمتى؟ الدكتور: فيه يجي المستشفى هلأ. محمد: دلوقتي؟ فين؟ إحنا الساعة ١ ونص بليل. الدكتور: وشو يعني؟ المستشفى مفتوحة. محمد: طيب، تمم. البس يلا.

مالك: هو إنت أبويا؟ محمد: أه. اوم يلا. مالك: طب حد يطلعلي هدوم على ما آخد شاور. هو فين الحمام؟ محمد: الحمام اهو، وأنا هطلعلك هدوم. مالك: خلي "أم لسانين" ديه اللي تطلعلي. وشاور على نبض. نبض مسحت دموعها وبصت له بغضب: أنا أم لسانين؟ مالك: أيوه. وطلعيلي هدوم حلوة ها. وغمزلها ودخل. وهي اتكسفت. وكله طلع بره والدكتور مشي. وهي فتحت الدولاب وبدأت تطلع هدوم. وطلعت طقم حلو أوي. وطلعت بره. وهو خلص وطلع.

شاف الهدوم وعجبته وقال: والله ذوقك حلو. ولبس وخرج. محمد: يلا يابني. نبض: أما جايه معاكوا. مالك: إنتي لازقة يابت؟ أنا هاخد... قولتي اسمك إيه؟ مارتينا: اسمي مارتينا. مالك: هي دي. نبض: ليه بقا إن شاء الله؟ وأنا لأ ليه؟ مالك: مزاجي كده. نبض: ولا دماغك؟ يلا نمشي. مالك: ولا بيئة أوي. نبض: صبرني يارب. يلا يا أونكل. وكله قعد يضحك عليهم. وراحوا وعملوا الأشعة. الدكتور: متل ما اتوقعت، الفوبيا أثرت على مخه، وهو نسي كل شي.

محمد: طب يرجع إزاي؟ الدكتور: ذكروه إنتو بقا، بس مو كتير مشان عقله ما يتأثر أكتر. شوي بشوي. وعطوه الأدوية في معادها. محمد: تمم. شكراً. ومشوا عالبيت ودخلوا. مارتينا: شو صار؟ محمد حكالهم اللي حصل. مارتينا: يا حرام، لاش هيك يا نبض. شوفتي هزارك وين بعت. نبض: خلاص بقا، متألمونيش. وها، أصلاً يستاهل على رخامته دي. مالك: وهو أصلاً يستاهل على رخامته دي. (بيقلدها) كله ضحك. ونبض جريت وراه. وهو طلع يجري.

نبض: بتتريق عليه يارخم يا تنح، والله ما أنا سيباك. مالك وقف مرة واحدة: وهي خبطت فيه ورجعت. آه يا متخلف، وقفت مرة واحدة كده ليه؟ مالك: أنا حاسس إن الموقف ده حصل قبل كده. نبض: بجد؟ فاكر إيه تاني؟ مالك: مش فاكر. يلا نكمل جري. 😂😂😂 نبض: غتت. 😒😒 وكملت جري وراه. محمد: باااااااس. اعدوا في مروستان. إنتو شحطة عندكم ٢٥ سنة، أومال سبتوا إيه للصغيرين؟ مالك ونبض في وقت واحد: آسفين. وبصوا لبعض وقعدوا يضحكوا. وكله ضحك. ومرة واحدة...