رواية حب الطفولة الفصل التاسع 9 - بقلم ميادة خاطر

مارتينا: شو؟ نبض: في إيه؟ مارتينا: مالك اغمي عليه وهلا موجود بالمشفى. نبض: يلاهوي! كل يلا بينا. وفعلاً طاروا عالمستشفى. نبض مستنتش ونزلت جري وسألت فالاستقبال وطلعت جري. لقت محمد عمها، اترمت فحضنه وعيطت كتير جداً وهو حضنها بشوق ولهفة وعيونه دمعت. نبض: عمو حبيبي وحشتني أوي أوي. محمد: وإنتي كمان ياحبيبتي، ليكي وحشة أوي. نبض: مالك عامل إيه؟ محمد: هو كويس دلوقتي بس نايم. نبض: طب ممكن أدخله؟ محمد: خشي يا بنتي.

ودخلت فعلاً واعدت جنبه ومسكت إيده وبدأت تعيط وتكلم:

مالك، أنا آسفة بجد آسفة أوي. مكنتش فاهمة. إنت عارف قد إيه أنا بحبك. من يوم ما اتولدنا وإحنا لبعض وعمري ما نسيتك لحظة. بجد عمري ما نسيتك وحبي ليك زاد. ومزعلتش منك وكنت دايماً مستنية اتصالك. عارفة إن أنا كمان ما اتصلتش، بس أنا تخيلت إنك نسيتني وكنت بكذب نفسي. وأما شفتك وإنت بترقص مع مارتينا مشفتش قدامي غير الوعد اللي خنته. أنا آسفة بجد. قوم بقى عشان نتجوز. بجد آسفة. أنا بحبك أوي أوي أوي يا مالك. إنت تؤامي من يوم ما اتولدت وإنت روحي. قوم يلا عشان خاطري.

واعدت تعيط جامد وحطت راسها على إيده وهي بتعيط. وبعدين حست بإيد ماشية على شعرها. وبلهفة لقت مالك باصصلها ومبتسم. وهي من فرحتها محستش بنفسها وحضنته فوراً وهو بادلها الحضن وقالها: مالك: بحبك. نبض: وأنا كمان بحبك أوي أوي أوي. قوم بقى. مالك: هننسى اللي فات ونبدأ من جديد. اتفقنا؟ نبض: اتفقنا. قوم يلا. مالك: طيب، المفروض يتكتب لي خروج. نبض ضحكت وسط دموعها: أيوا صح. هشوف الدكتور وأجي. وباسته من خده وجريت على بره وهي مبسوطة.

محمد: مالك مبسوطة كده ليه؟ نبض: صحي يا عمو وهو كويس. محمد: بجد. ابني حبيبي. ودخله. مكه: رايحة فين؟ نبض: هشوف الدكتور عشان أكتب خروج. وراحت لمارتينا: نبض: بشكرك من كل قلبي، لولاكي ما كناش هنوصل لبعض. مارتينا: هاد واجبي تجاه رفيقي. نبض ابتسمت لها وخدت مكه وراحوا عشان يكتبوا خروج لمالك. ومارتينا بقت حزينة من جواها بس مبسوطة إن مالك هيبقى سعيد مع حبيبته. ومشيت من غير ما حد يعرف.

ونبض جابت إذن الخروج وروحوا كلهم على بيت مالك. نبض: إيه رأيكم ننزل بقى مصر ونعمل الفرح هناك؟ مالك: مفيش مشاكل. محمد: بس؟ نبض: متخافش يا عمو، أنا هفهم بابا كل حاجة. متقلقش. محمد: بجد؟ نبض: أيوا. كفاية بعد بقى. مالك: تمام. هحجز التذاكر ونسافر بكرة. لحظة، هو إيه اللي حصل بالظبط وجيتي إزاي؟ نسيت أسألك. نبض: مارتينا جت وحكت لي كل حاجة. مالك بابتسامة: بنت جدعة والله. هي فين صحيح؟ نبض: معرفش. هي كانت معانا في المستشفى.

مكه: يمكن مشيت. مالك: ثواني هرن عليها. ورن. مالك: الو؟ مارتينا إنتي فين؟ مارتينا: أنا بالبيت. مالك: روحتِ ليه؟ مارتينا: إنت هلأ مع حبيبتك، كيف بدك إني ضل؟ وأنا كنت ممكن فرقن أكتر وأكتر. مالك: إيه اللي بتقوليه ده؟ تعالي يلا. مارتينا: مالك بترجاك، هلأ إنت رح تتجوز صح؟ ما بيصير تحكي معي. مالك: إنتي هبلة يا بت إنتي. تعالي بقولك. نبض شدت منه الفون:

نبض: الو مارتينا تعالي يلا. كلنا مستنينك. وتعملي حسابك هتنزلي معانا مصر عشان الفرح. يلا. وبعدين إنتي صديقة مالك المقربة وأنا واثقة فيكي. أكيد مش هخاف منك. تعالي يلا. مارتينا: بس؟ نبض: مبَسش. يلا. مارتينا: أوك. نبض: شفت؟ مالك: خطيرة. نبض اتكسفت: إيه؟ عمو هو المطبخ فين؟ أعمل عصير. محمد: هناك أهو. نبض راحت وسابت مكه. ومكه قاعدة مكسوفة أوي. محمد: إنتي من مصر؟ مكه: أيوا. محمد: منين في مصر؟ مكه: سوهاج.

محمد: امممم. بس إنتي مش بتتكلمي بلهجتهم؟ مكه: أصل أنا يعني كنت بلف كتير في مصر وكده، فمش بكلم سوهاجي كتير. محمد: بنت مين بقى؟ ليه معارف كتير هناك؟ مكه: اسمي مكه مصطفى كامل الجمال. محمد: آه عارفه. مش ده العمدة بتاع المنطقة؟ مكه: أيوا هو. محمد: ده حبيبي. إنتي مكه آخر مرة شفتك كنتي صغيرة. مكه: احم. مش فاكرة الصراحة. محمد: أكيد مش هتفتكري. ده من 22 سنة. مكه: اها. محمد: طب اتعرفتي على نبض إزاي؟

مكه: كنا في نفس الأوتيل وكنا إحنا بس اللي من مصر، فاتعرفنا وبقينا بيست. محمد: ربنا يخليكوا لبعض يا حبيبتي. مكه: يارب. مالك: أنا هشوف مكه وأجي. محمد: مالك؟ مالك: إيه يا حج؟ متقلقش. وراح لها وهي واقفة ومندمجة وبتقطع الفراولة. مالك نط مرة واحدة: مالك: بخ! نبض صوتت وقلبت العصير على هدومها وبصت له بغضب ونظرة هو عارفها كويس. وفي أقل من ثانية كان طار عالصالة وهي جريت وراه. نبض: والله ما أنا سيباك.

مالك: آسف آسف والله. نسيت إنك خوافة. نبض: خوافة! الله يرحم اللي عنده فوبيا من الضلمة. مالك: ده كان زمان. أنا دلوقتي راجل وما بخافش. نبض بصت بصه استهزاء: بجد؟ مالك بخوف سيكا: آه بجد. نبض: ماشي يا مالك. ومشيت وهو عرف إنها طالما هديت كده يبقى ناوية على حاجة. (مهما مرت السنين مش هينسوا طباع ونظرات بعض) كل ده ومحمد ومكه قاعدين يضحكوا على منظرهم. الباب خبط ومالك فتح وطلعت مارتينا. نبض وهي ورا الستارة: احم. أونكل محمد.

محمد: نعم يا نبض؟ نبض: احم. هدومي اتوسخت وأنا معيش هدوم. محمد: إحنا معندناش هدوم بناتي هنا. أصل محدش ساكن غيري أنا ومالك. مالك بضحك: ههههههه. أحسن. خشي شوفي التيشرتات بتاعتي هتلاقيها على قدك. مانتي من صغرك وإنتي بتلبسي هدومي. ههههههههه. نبض: مسألتكش يا تنح، بسأل عمي. مالك: تنح بقا كده. طب إيه رأيك إنك مش لابسة؟ خليكي بقا كده من غير هدوم. محمد: بس يا مالك. خشي يا حبيبتي والبسي اللي إنتي عايزاه.

نبض: ربنا يخليك يا حبيبي. مالك: إيه؟ إيه دي هدومي أنا؟ نبض: بس يلا. وكله عمال يضحك عليهم. وبعد شوية طلعت نبض وهي لابسة تيشرت أسمر رسمة جميلة وبنطلون أبيض حلو كده. مالك صفر: أوووو. أول مرة أعرف إن خدودي حلوة كده. نبض: بس يلا اسكت. واعدت جنبهم. مارتينا: إيه؟ إنتي كتير جميلة يا نبض. مكه: جامد يا صاحبي. نبض: تسلمولي يا حبايبي. مالك: والله إشمعنى أنا بتقوليلي بس يلا؟ نبض طلعت له لسانها. مالك: ده إنتي رخمة يابت.

نبض: أنا رخمة يا عمو؟ محمد: لأ إنتي قمر يا قلب عمو. مالك: هو أنا ابنك ولا هي؟ محمد: إنتوا الاتنين ولادي. أنا قايم أنام. مكه مارتينا البيت بيتكم. مكه: ربنا يخليك يا أونكل. مارتينا: تسلم كتير. نبض: تعالوا بقى نلعب لعبة. مكه: أيوا. في لعب إيه هنا؟ مالك: عندي كوتشينه وبنك الحظ. كنت عينهم من ساعة ما جيت. مارتينا: شو يعني كوتشينه وبنك الحظ؟ نبض: دي لعب عندنا في مصر. مارتينا: إيه؟ كيف بتلعبوه؟

نبض: لأ ده إنتي عايزة دماغ رايقة عشان نشرحلك. اركني إنتي على جنب واتفرجي علينا. مارتينا: إيه؟ مو مشكلة. نبض: يلا يا أخويا هات الكوتشينه. مالك: إنتي دكتورة؟ حسني ألفاظك دي. نبض: نينينينينينينينينينيننينينينيني. مالك: تاني يا نبض. نبض: أنجز بقى هات الكوتشينه. مالك: طيب. وراح جابها وبدأوا يلعبوا ومارتينا بصت لهم وبتتعلم وفرحانة وكله بيضحك ويهزر. نسيبهم بقى ونروح لجانب مخيف. شعبان: أيوا يعني إنتي عايزة أخلصلك عليها؟

أمينة: أيوا عشان كفاية بقى. بقالي كتير سايبة البيت. ابني وحشني. شعبان: طب وليه صبرتي كل ده؟ أمينة: على ما كونت نفسي وبقى معايا فلوس عشان أدفعلك. شعبان: امممم. بس ده مش سبب. أمينة: بص دماغك. هتخلصني منها ولا لأ؟ شعبان: تمم. موافق. إمتى؟ أمينة: بكرة الساعة 12. شعبان: تمم. نرجع بقى للحلوين اللي بيلعبوا. نبض: لأ كده ظلم بقى. إنتوا بتسطعبطوا. مكه ومالك خبطوا إيديهم في بعض: اللي مبيعرفش يلعب يقوم.

نبض: بقا كده. اتفقتوا عليه. ماشي. مارتينا: أيوا. نبض: مش إنتي اتعلمتي؟ مارتينا: أي. شوي. نبض: تعالي يلا نلعب. مارتينا: عنجد؟ نبض: أيوا تعالي. مارتينا: أنا كتير مبسوطة. يلا نلعب. وبدأوا يلعبوا ومارتينا بتلعب هي ونبض. ومتألقين وبيكسبوا. مالك: لأ. أنا مش لاعب. نبض: ليه يا قطة خايفة؟ مالك: نبض. نبض: إيه؟ هتقوم ولا تكمل؟ مكه: يلا يا مالك. هنلحق. متقلقش. مالك: طيب يلا. وكملوا لعب. وبعد شوية مالك: مالك: أنا هقوم أجيب عصير.

وراح جاب. ووقع والعصير وقع عليه وقالهم: أنا رايح أغير. نبض: دلوقتي هنشوف مبتخافش من الضلمة ولا لأ. وقالت لهم ميكلموش. وقفلت تيار البيت كله. وكانوا الساعة 12 بليل. مالك: نبض؟ مارتينا؟ مكه؟ هو النور قطع؟ نبض وهي كاتمة ضحكتها: أيوا يا مالك قطع. مالك بخوف: طب طب فوني بره. حد يجيبه. نبض: الجو ضلمة مش شايفين حاجة. اطلع بسرعة. مالك بخوف أكبر: إيه إيه؟ أنا كمان مش شايف. نبض: هو إنت خايف ولا إيه؟ مالك: ها. لأ مش خايف.

نبض: طب تعالي يلا. مالك: ها. طايب. وهما بره التلاتة ميتين من الضحك بس كاتمين صوتهم. ومالك جوه بدأ يهلوس لأنه عنده فوبيا من الضلمة أصلاً. وبدأ يعرق جامد. واعد في ركن وضم ركبه عن رقبته. وهما بره قلقوا عشان اتأخر. حتى محمد صحي وبيخبطوا وهو مش بيرد. نبض راحت فتحت النور وجريت عليه. خبطت بس مبيردش. أبوه فتح الباب وانصدموا أما شافوه.