رواية حب الطفولة الفصل الرابع 4 - بقلم ميادة خاطر

الدكتور: للأسف غلط. اللي في سنه ينام وهو زعلان، هي في حاجة حصلت أثرت فيها جداً. عيطت لحد ما نامت واغمى عليها، برضو. احنا ركبنالها محاليل وهتكون كويسة، بس بنتكم من النوع اللي لما بتحزن بتتعب. فـ بلاش تزعلوها، خصوصاً في سنها ده، لأنه ممكن يأثر في المستقبل. وفاء: والله ما حد زعلها ولا عملها حاجة. هي بس عروسة اللي شعرها انقطع. الدكتور:

الأطفال بيتعلقوا بلعبهم جداً. وهي، بما إنها بنت وزي ما بتقولي عروسة، فأكيد كانت متعلقة بيها أوي. ولما شافتـها من غير شعر، حزنت عليها. محمود: يعني هي كويسة؟ الدكتور: الحمد لله. بس خلوا بالكم منها وبلاش حد ييجي جنب حاجاتها المفضلة. وفاء: شكراً لحضرتك. ينفع أدخلها؟ الدكتور: أيوا طبعاً. ومشي، وكلهم دخلوا. وفاء: مالك يا روووحي؟ أنا آسفة والله. متزعليش. نبض: انتي مس عملتي حاجة يا مامي. مس زعلانة منك. وفاء:

طب زعلتي ليه عشان العروسة؟ نبض بصت لملك وبعدين بصت لأمها: مس زعلانة. وفاء: هجبلك واحدة تانية. نبض: لأ. أنا بحب عروسة. مس عاوزة. خيرها. صلحيهـا بس. وفاء: حاضر يا نور عيني. فوقي يلا بقا عشان نصلحها سوي. أميرة: بس مين اللي قطعلك شعرها؟ نبض: لأ. رد مالك: يا عمتو. أنا ومازن وأونكل حسام وبابي وعمو محمود طلعنا فوق نعمل المرجيحة. وإنتي وططـا وفاء كنتوا قاعدين. هي ملك اللي كانت مع نبض. أميرة: ملك؟ وبصت لملك. ملك:

والله يا مامي كنت بسرحلها. وشعرها اللي وقع. هي أصلاً عروسة مس حلوة. وسهلـها بيقع بسرعة. نبض: عروسة مس وحشة. انتي اللي وحشة. عشان انتي سرحتيلها كامـد. ملك: كـدابة. عشان مس سرحت كامـد. أميرة بزعيق: ملك! بس انتي اللي غلطتي. اعتذري منها. وعقاباً ليكي مش هتركبي المرجيحة وهتقعدي لوحدك. ملك: مس هعتذر. مس عملت حاجة. أميرة: ملك اسمعي الكلام. اعتذري فوراً. ملك بغضب: آسفة. ولوت بوزها. أميرة: حقك عليا يا نبض. متزعليش. نبض:

مس زعلانة يا عمتو. مامي هتصلحها. أميرة: ربنا يحميكي يا حبيبتي. محمود: طب هروح أشوف الدكتور. ينفع ناخدها أو لأ. مالك: نبض. أنا خفت عليكي كتير أوي. انتي كويسة؟ نبض: كويسة يا ألك. متزعلش. مالك عيط واعد جنبها عالسرير وحضنها: أنا خفت أوي. انتي صاحبتي وأختي. ومس بعمل حاجة إلا معاكي. نبض: متعيطش بقا. هعيط أنا كمان وربنا. وفعلاً عيطت.

كله بقا يبصلهم وعيونه هتدمع. أن رغم عمرهم الصغير قريبين من بعض كده ومشاعرهم واحدة. بجد توأم فعلاً. إلا ملك، اللي كان نفسها تضرب نبض عشان اتهزقت بسببها. مازن: نبض. نبض: نعم. مازن: هو يعني انتي زعلانة مني؟ نبض: لأ. هـزعل ليه؟ مازن: بسبب ملك. نبض: لأ. انت مس ليك دعوة. مس هزعل منك. مازن: بكدة يعني. إحنا أصحاب لسه. نبض: أكيد. مازن راح حضنها هو كمان. وملك اتغاظت أكتر. محمود: يلا يجماعة. نقدر نخرج بيها.

وروحوا كلهم. وطول الطريق بيضحكوا ويهزروا ويهيصوا. واشتروا حاجات حلوة كتير فالطريق. بس ملك كانت هي الوحيدة اللي زعلانة ومضايقة. ووصلوا لقوا أمينة. أمينة: كنتوا فين كلكم كده؟ محمد: نبض تعبت شوية ودناها المستشفى. أمينة: وكنتم كلكم معاها ليه؟ مدام تعبت شوية. محمد: هدي يومك واتلمي. أمينة: أنا معملتش حاجة. أنا بسأل بس. ألف سلامة يا ست نبض. نبض: الله يسلمك يا ططـا. أمينة: مش هتيجي عشان تاكل؟ محمد:

شاريين أكل فالطريق وهناكل سوي. أمينة: طب عامل حسابي ولا نسيت؟ محمد: جايبين بزيادة. متقلقيش. محمود: يلا أه يجماعة. وطلعوا كلهم واعدوا فالصالون. وأميرة ووفاء دخلوا يغرفوا الأكل. أمينة قاعدة جنب ملك. أمينة: مالك يا ملك؟ ملك بغضب مكتوم: مفيش. أمينة: هو حصل إيه؟ ملك حكت كل حاجة. وطبعاً بصوت واطي. أمينة استغلت الفرصة: هي أصلاً نبض كده. بتحب الكل حواليها. ودائماً تطلع نفسها البريئة. ملك: انتي مش بتحبيها زيي؟ أمينة:

أيوا. أومال ده كان بسببها هطلق؟ ملك: يعني إيه تطلقي؟ أمينة: جوزي هيسيبني ومش هبقى مراته. ملك: آآآه. أمينة: إيه رأيك نعمل مقلب فيها؟ مقلب صغير كده. بس هناخد حقنا. ملك: بجد؟ أمينة: أيوا. بس لازم تساعديني. يا لوكا. ملك: موافقة. أمينة ابتسمت ابتسامة خبيثة. وحطوا الأكل وكله كل. وطلعوا فوق قاعدين فالهوا. والعيال يركبوا مراجيح. أمينة: ملك هاتي مقص. ملك: ليه؟ أمينة: بصي. هنقطع الحبل شوية عشان هي تقع. ملك: بس هتتعور. أمينة:

متخفيش. ملك: طيب. وجابت المقص. أمينة: عاوزاكي تعملي نفسك بطنك بتوجعك عشان يتلموا عليكي. وأعرف أقص. ملك: طيب. واعدت شوية. وبعدين مسكت بطنها: آآآه. بطني. آآآآآآه يا ماما. بطني. آآآآآآه. بموت. كلهم جريوا عليها يشوفوا مالها. وأمينة جريت قصت حتة كبيرة مالحبل. وعملت فيها حاجة عشان متبانش. أميرة: مالك يا يا ملك؟ فيكي إيه؟ ملك: خلاص يماما. كويسة. قالت كده بعد ما أمينة غمزتلها. الكل استغرب. أميرة:

أومال فضحانا وماما بطني آآآه. في إيه؟ ملك: كانت بتوجعني بس خفيت. أميرة باستغراب: بسرعة كده؟ ملك: أيوا. يلا نلعب. كله قام. بس كله مستغرب جداً. حتى أمها. ملك: مين اللي عليه الدور يركب؟ نبض: انتي. ملك برعب: آآآنا! لاء. أنا لاء. لاء. مش عاوزة. بخاف. أميرة: بتخافي؟ ملك: أيوا يماما. مش فاكرة آخر مرة وقعت. أميرة: انتي موقعتيش. ملك: انتي مش فاكرة. أنا مش هركب. مازن: خلاص هركب أنا. ملك: لأ. لاء. انت لاء. أميرة:

في إيه يا بت انتي؟ إيه اللي جرالك؟ مش مظبوطة ليه؟ ملك: مفيش. بقول إن المفروض نبض اللي عليها الدور. وكده. نبض: أنا لسه نازلة؟ مازن: أنا هركب. مليش دعوة. ملك: لأ. متركبش. مازن: ليه؟ ملك: عـ عشان. أميرة: مانتيش عجباني. وراكي حاجة؟ قولي حصل إيه. ملك: مـ مـ مفيش. مازن: أنا هركب. هه. مليش دعوة. ملك جريت ووقفت قدام المرجيحة: قلت لاء. مازن: ليه؟ ملك: عشان حبلـها مقطوع. ولو ركبت هتتعور. أميرة: أنا كنت متأكدة إن في حاجة.

ملك بعياط: أنا مليش دعوة. ططـا أمينة هي اللي قالتلي. أميرة: أمينة قالتلك إيه؟ ملك: هي اللي قالتلي أعملي نفسك بطنك بتوجعك عشان تتلموا عليكي. وهي تقص حبل المرجيحة. ونبض تركب وتقع. كله بص لامينة بصدمة. أمينة: إيه! إيه! البت دي بتكدب! أميرة: بنتي مبتكدبش. إلا إذا حد علمها. أمينة: إيه! إيه! محمد: إيه! إيه! انتي إيه يا ولية! عاوزة تأذي طفلة صغيرة؟ عملتلك إيه نبض؟ لاء! وبتحرضي بنت عمتها عليها بدل ما تخليهم صحاب.

أمينة قصة فالأرض ومش بتتكلم. محمد: أنا وقرفت منك ومن عمايلك. ومبقتيش تلزميني. انتي طالق. الكل😳😳. محمود: محمد! انت اتجننت؟ محمد: أيوا عشان زهقت منها. أميرة: مش للدرجادي يا محمد. محمد: بس خلاص. أنا طلقتها. متلزمنيش. يا قطة. يلا ارجعي لامك. أمينة: مش راحة لامي. محمد: وده ليه إن شاء الله؟ أمينة: عشان يا حلو. أخواتك الشقة بتاعتي. محمد: إيه؟ أمينة: زي ما سمعت. محمد: انتي انهبلتي يا ولية! أمينة:

انهبلت ههه. انت حر. بس الشقة بتاعتي. يلا روح انت بقا عند امك. محمد.