رواية حب الطفولة الفصل الثامن 8 - بقلم زهراء السعيد

سيف بغضب. ودينا سمحت لنفسها إزاي تتجوز واحد متجوز ومخلف قبل كده. وغير ده كله إزاي تقبل تتجوز واحد متجوز بنت خالتها. الحديدي: دينا ما كانتش موافقة، وأنا وعمتك اللي خلينا ها توافق بالعافية. هي وفهد، ودي كانت رغبة مريم قبل ما تموت عشان عارفة إن دينا بتحب فهد، وفهد كان بيحب دينا زمان. وعارفة إن دينا بتحب انس وهتهتم بيه بعد ما تموت، وبتحاول تصلح غلطات عملتها زمان. سيف بغضب. أنت إيه يا أخي مش بتحس؟

زمان لما طلقت أمي وخلتني أنا وأخويا وحدين، ودلوقتي بتدمر حياة تلات أشخاص معاك. الحديدي بعصبية. سسسسسسسييييييف. سيف بغضب. بلا سيف بلا قرف. سيف لنهلة بغضب. يلااااا. نهلة اتخضت من صوت سيف، وكانت بتترعش جداً وخايفة منه ومرعوبة. نهلة برعب. حا. في غرفة نهلة وسيف... سيف بغضب. أنا عايزة أفهم بقى إيه حكاية إنك مسكينة وأنا متجوزك بس عشان أحميكي. نهلة بخوف. ما هو أنا ما لقيتش حاجة أقولها غير إن... سيف بغضب. إنتي هتنهنهي؟

اخلصي قولي. نهلة بخوف. إن أنا قرايب ماما عاوزين يجوزوني لابن خالي بالغصب عشان ياخدوا كل ثروتي اللي ورثتها عن ماما. سيف بضحك بجنون وسخرية. وإنتي حيلتك حاجة أساساً؟ كلكم كذابين. نهلة بدموع. أولاً أنا ما كذبتش، أنا فعلاً لي ميراث من ماما. وخالي كان عايز يجوزني لابنه عشان ياخد مني الميراث. سيف باستغراب. وليه أبوك ما طلبش بالميراث ده مدام هو عارف إنك معاكي فلوس؟

نهلة. بابا عارف إن طول ما هو عايش مش هيورث حاجة، لأن أمي قبل ما تموت قايلة في الوصية ما ياخدش الميراث إلا في حالتين اتنين: يتجوز، يا أما أبويا يموت. أو تروح كل حاجة لدور الأيتام، لأن هي كانت عارفة إنه بيشرب. سيف. وعشان كده لما قلتيلك هترجعي الفلوس يا إما توافقي، وعشان كده وافقتي عشان ما تتجوزيش ابن خالك؟ طيب ليه فكرتيش لو حتى خمس دقايق على بعض إن أنا ممكن آخد ورثك ده؟

نهلة بابتسامة. إنت مش زيهم، حتى لو إنت دايماً متعصب ومتضايق، بس إنت قلبك أبيض ومستحيل تيجي على ست. ولو إنت فعلاً زيهم كنت وافقت بعرض أبويا وأخدتني ليلة واحدة ورمتني بعد كده. بس إنت وافقت إنك هتتجوزني. سكت سيف واتجه إلى السرير لينام. هتفضل واقفة هناك كده كتير؟ نهلة بخوف. أمال أعمل إيه؟ سيف بيحاول يهدأ. تيجي تنامي جنبي. نهلة بخوف. إزاي؟ سيف بغضب. إزاي؟ إزاي؟ إنتي هتيجي تتخمدي؟ ولا إنتي عارفة أنا هعمل فيكي إيه؟

نهلة بخوف. لا لا لا خلاص. في صباح جديد..... دينا سمعت صوت خبط على الباب جامد. دينا. حاضر حاضر. إنت... أنا مش عارف أقولك إيه، إنتي كسرتي قلبي بعملتك دي. دينا ببكاء. سيف أنا... سيف بغضب. سسسسسسيف إيه؟ إنتي يا دينا إنتي. فهد من وراء دينا. أهلاً أهلاً بسيف. اتفضل واقف بره ليه؟ دينا حبيبتي روحي اعملي حاجة لسيف، باين إنه تعبان. دينا مصدومة من تصرفات فهد. ها...

فهد بابتسامة صفراء. وبيتك على كلمة حبيبتي. بقولك روحي يااا حبييييبيتي هاتي حاجة لسيف يشربها. دينا مصدومة. اها ماشي. فهد باستفزاز. منور يا سيف والله. سيف باستغراب. إنت مالك يا فهد؟ فهد ببرود. مالي؟ ما أنا حلو اهو. سيف بغضب. إنت عارف مالك؟ إيه اللي خلاك تتجوز دينا بالغصب؟ فهد ببرود. ومين قالك إنه بالغصب؟ مش بالحب. سيف. إنت تقصد إيه؟ فهد بنفس طويل. يعني أنا بحب دينا وتجوزتها عشان كده، وعشان انس ابني.

سيف بغضب. إنت عارف إنت بتقول إيه؟ ومريم؟ فهد بحزن. أم ابني. سيف بغضب. أنا مش عارف أقولك إيه غير إنك مريض نفسي. فهد ببرود. شكراً. أه أنا سمعت إنك اتجوزت برضه. سيف. أه. نهلة مراتي. فهد بابتسامة. ألف مبروك يا سيف، انهارده هسيب الشقة تقعد فيها إنت ومراتك، وأنا ودينا هنقعد في الشقة بتاعتي. جات دينا ومعاها عصير ليمون. دينا بابتسامة. اتفضل يا سيف. فهد بيمسك إيدها وقاعدها جنبه على الكنبة وبياخدها في حضنه.

فهد لدينا. مش تقولي لسيف مبروك عشان اتجوز. دينا بفرح. ألف ألف مبروك يا سيف. ما جبتهاش معاك ليه نتعرف عليها؟ سيف ببرود. هي تعبانة شوية. دينا اضايقت جداً من نبرة كلام سيف معاها، لأنه دايماً كان بيتكلم معاها ويضحك ويهزر، بس المرة دي طريقة كلامه مش زي كل مرة. وفهد حاسس إن دينا زعلت فحب يغير الجو. فهد لدينا. أمال فين انس؟ دينا بابتسامة. بيذاكر. فهد بابتسامة. طب ممكن تروحي تقعدي معاه شوية عشان عايز سيف في كلمتين.

دينا بابتسامة. أكيد طبعاً. نورت يا سيف، والف مبروك للمرة التانية على جوازك. سيف ببرود. الله يبارك فيك. بعد أن ذهبت دينا، جلس فهد بجوار سيف وتكلم بجدية وبعض من الغضب.

فهد. بص يا سيف، أنا مش هضحك عليك وأقولك إن أنا لسه بحب دينا. معرفش صدقني معرفش. هو برضه مقدرش أكذب عليك وأقولك إن أنا حبيت مريم ولا لا. جوازي من دينا كان لسببين. السبب الأول عشان أبوك كان هيرميني في الشارع أنا وابني ومريم. والسبب التاني إنه يمكن مش متأكد إن لسه في شعور جوايا لدينا، بس مش هنسى اللي حصل زمان لما حبيتها وجيت في يوم قالتلي إن هي عمرها في حياتها محبتنيش وقالتلي إن إحنا ما نقدرش نكمل مع بعض قبل فرحنا بيوم.

وافقت إن أنا أتوزج مريم وعشت معاها. مش هنكر إن هي كانت أمي مثاليه، وزوجة مثالية، بس عمري في حياتي ما حسيت بإحساس الحب معاها. وبعدها بأربع شهور دينا اتجوزت وبعدت عني، وفضلت خمس سنين ما أشوفهاش. وأول ما شفتها كانت مراتي وعلى ذمتي، بس صدقني مش قادر أسامحها على اللي عملته زمان.

سيف بحزن. بس إنت ظالم دينا، وفي حاجات كتيرة إنت ما تعرفهاش. أيوه دينا وافقت على جوازها منك، ومقلتليش، بس قالتلي على اللي حصل زمان. فهد باستغراب. وإيه اللي حصل زمان؟ سيف بدأ يحكي.... مريم ببكاء. دينا دينا لو بتحبيني وبتعتبريني زي أختك بجد ابعدي عن فهد. أنا بحبه وماقدرش أبعد عنه. أنا ممكن أعمل في نفسي أي حاجة لو فضلتِ معاه. أرجوكي يا دينا ارجوكي.

دينا بدموع في عينيها. بس أنا بحبه أنا كمان، وهو بيحبني. وماقدرش أبعد عن فهد. فهد ده روحي. مافيش حد يقدر يبعد عن روحه. مريم بجنون. يعني إيه مش هتبعدي عن فهد؟ ماشي. وجرت مريم على طبق الفاكهة ومسكت السكينة بإيديها وحطتها على شرايين إيديها. مريم ببكاء. دينا لو ما بعدتيش عن فهد ها**قتل نفسي وهتشيلي ذنبي مدى حياتك. دينا بزعيق. إنتي اتجننتي يا مريم؟ سيبي القرف اللي في إيدك ده. هتعوري نفسك يا مجنونة.

مريم ببكاء. أنا ممكن أعمل أي حاجة عشان آخد فهد ليا. دينا بخوف وقلق. طيب خلاص خلاص. هعمل اللي إنتي عايزاه، بس حوشي القرف ده بعيد عني. مريم عشان عارفة إن دينا لما بتوعد بحاجة مش بتخلف بيها، صممت إن هي توعدها إن تبعد عن فهد بأي طريقة. دينا بدموع بتحاول تخفيها. فهد أنا عايزة أقولك على حاجة مهمة. فهد باستغراب. قولي يا دينا. دينا بتوتر. فهد أنا مش قادرة أكمل معاك.

فهد حاسس إن قلبه هيقف. دينا ده لو مقلب من بتوعك صدقيني هتزعلي مني قوي. دينا ببكاء. أنا آسفة يا فهد، بس لازم كل واحد فينا يروح لحاله. فهد بجنون وغضب. إنتي اتجننتي؟ بعد إيه؟ بعد عشر سنين حب جاية النهاردة تقوليلي مش هقدر أكمل معاك؟ إحنا فرحنا بكرة يا هانم، ولا إنتي ناسيه؟ دينا ببكاء. أنا آسفة يا فهد، أنا مش بحبك ولا عمري حبيتك. سلام يا فهد. فهد بصدمة. مستحيل مريم تعمل كده.