راحت دينا المستشفى ووصلت عند الاستقبال. دينا ببكاء: ممكن تقوليلي الأستاذ فهد الحديدي فين؟ البنت: في الأوضة رقم 133 الدور الخامس. دينا ببكاء: شكراً. ركبت دينا أسانسير وسندت ضهرها على الأسانسير وبكت بكاء شديد. يا رب. وقف الأسانسير عند الدور الخامس. ركضت دينا للغرفة وفتحت الباب ودخلت. لقت فهد نايم على السرير ودماغه مربوطة بشاش وذراعه متجبس. جرت دينا عليه. دينا: فهد فهد حبيبي مالك؟ رد عليا. فهد: ...
دينا ببكاء: فهد فهد حبيبي. رن هاتف دينا. دينا باستغراب: نعم؟ عايز إيه؟ محمود بابتسامة: مالك بس يا أميرتي؟ دينا بغضب شديد: ميت مرة قولتلك متقولش أميرتي. محمود بضحك: خلاص متزعليش نفسك. عارفة إنتي بتبقي حلوة أوي وإنتي متعصبة، بتبقي عاملة زي القطة شرسة. دينا بغضب أكتر: محمود لو سمحت أنا تعبانة ومش قادرة أتكلم معاك كتير. قول عايز إيه. محمود بشر: عايز أقولك إيه إيه؟ أممم...
أه، عايز أقولك إن اللي حصل في فهد حبيبك أنا السبب فيه. دينا مصدومة: إنت بتقول إيه؟ محمود بحقد: أنا اللي سبب في حادثة العربية. دينا بجنون: إنت إزاي؟ إنت محمود الإنسان المحترم وأخلاقك عالية جداً إزاي؟ محمود بجنون وعشق: أعمل إيه؟ حاجة عشانك إنت. أنا عرفت إنك استحملتي كتير عشاني أنا، وعرفت إن العيب كان مني أنا. عشان كده لازم ترجعيلي تاني يا أميرتي. دينا مصدومة: إنت... عرفت؟
محمود بابتسامة: أيوه يا دينا، ارجعلي أرجوكي. أنا محتاجك قوي. دينا ببكاء: مش هينفع. محمود باستغراب: ليه؟ ليه مش هينفع يا دينا؟ دينا ببكاء: عشان أنا بحب فهد. محمود بجنون: أنا وأناااا يا دينا؟ دينا: ربنا يسعدك مع واحدة تانية يا محمود. محمود بجنون وغضب: لأء لأء يا دينا. إنتي البنت اللي قلبي هيكون سعيد معاها، بس إنتي بتاعتي يا دينا برضاكي أو غصبن عنك. إنتي ليا وبس. دينا بغضب شديد: إفهم بقى بقولك أنا متجوزة وبحب فهد.
محمود بغضب شديد وحقد: يبقى إنتي اللي اخترتي. آآآه... خلي بالك من فهد اليومين دول عشان هيوحشك قوي. سلام يا أميرتي. دينا بخوف: يعني إيه؟ ممكن يعمل حاجة في فهد؟ دخلت دينا للغرفة تاني وكان فهد استيقظ. ركضت دينا عليه وحضنته قوي وهي بتبكي. دينا ببكاء: فهد حبيبي إنت كويس دلوقتي؟ فهد بابتسامة: متخافيش يا دينا، أنا كويس الحمد لله. دينا ببكاء: أنا آسفة يا فهد، آسفة قوي. فهد بابتسامة: آسفة ليه؟ مش إنتي السبب.
دينا ببكاء: لا، أنا. فهد باستغراب: إزاي؟ دينا ببكاء: إنت عارف إن أنا كنت متجوزة قبل كده. فهد بغيرة: أممم. ليه؟ دينا ببكاء: أصل محمود اتصل بيا وكان عايزني أرجعله تاني، وهو السبب في اللي حصلك. فهد بغضب: يعني ده اللي كنت بتكلميه يوم ما سألتك إنتي كنتي بتكلمي مين، وقلتيلي بيكلم شمس؟ دينا ببكاء: أيوه هوا. بس والله أنا مش عايزة أرجعله. أنا أصلاً مش بحبه، أنا بحبك إنت يا فهد.
فهد بياخد نفس عميق: طيب احكيلي على كل حاجة قالها لك. دينا ببكاء: حاضر. سيف بابتسامة: نهلة، نونو، إنتي فين؟ نهلة من المطبخ: أنا هنا يا سيف. دخل سيف لنهلة المطبخ ولقاها واقفة عند البوتاجاز بتعمل أكل. سيف بمرح: بس تصدقي ريحة حلوة. يا ترى الطعم هيبقى حلو كمان؟ نهلة بغرور: أكيد يا ابني، أنا الشيف نهلة. سيف بضحك: يا سيدي يا سيدي. نهلة: سيدي مين؟ أنا مش اسمي سيدي، أنا اسمي نهلة.
سيف بضحك وبيسخر منها: أنا مش اسمي سيدي، أنا اسمي نهلة. عاملة زي الرجل الآلي. نهلة بغضب: إنت إنسان رخمة. سيف بيغمز لها: بقولك إيه يا نهلة. نهلة: قول يا آخر صبر نهلة. سيف بضحك: متيجي أقولك كلمة سر في بقك. نهلة بكسوف: إنسان قليل الأدب. امشي يا سيف. سيف بضحك: يا لهوي على الطماطم. تعالي بس هاقولك. وشال سيف نهلة. نهلة بضحك: هيهيهيهيهي. سيف بضحك: العب. فهد بغضب: إزاي ابن الـ **** بيقولك كده؟ هو مش عارف إنتي متجوزة مين؟
دينا ببكاء: فهد حبيبي، اهدا بس عشان إنت تعبان. عشان خاطري اهدى. فهد بيغمز لها: خايفة عليا يا دينا؟ دينا ببكاء: لو مخفتش عليك هخاف على مين يعني. فهد بابتسامة: معنى كلامك ده إن إنتي بتحبيني. دينا ببكاء: لاء. فهد بحزن: بجد يا دينا؟ دينا ببكاء: أنا مش بحبك بس، أنا بعشقك. فهد مصدوم: إيه؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!