رواية حب الطفولة الفصل الأول 1 - بقلم مديحه وائل

في صباح يوم جديد في بيت بطلتنا رهف. كانت نائمة وبتحلم. رهف بخوف: علشان خاطري ما تسبنيش، انت رايح فين؟ مش انت وعدتني انك مش هتسبني؟ هو: أنا آسف يا رهف، بس لازم أسافر. رهف: طب ليه؟ مش انت قولت لو إيه حصل مش هتسبني، وانك بتحبني؟ وقولت أول ما أخلص ثانوي ها تيجي تطلب إيدي من أهلي. هو: عارف إني قولت كل ده، بس والله وعد أول ما أرجع هنفذ كل ده وهتبقي ليا. بس والله لازم أسافر. رهف: علشان خاطري متسبنيش، يوسف نبي متسبنيش.

يوسف: علشان خاطري لازم أمشي، متصعبيش عليا الموضوع. رهف فاقت من الحلم مخضوضة وبتردد: يوسف سابني ليه؟ عملت كده؟ دخلت مامتها. ماما رهف: مالك يا رهف؟ بتعيطي ليه يا حبيبتي؟ رهف وهي تمسح دموعها وتبتسم: مفيش يا ماما، حلمت حلم وحش. مامت رهف: معلش يا حبيبتي، أكيد من الإرهاق. قومي يله علشان تروحي درسك. رهف: حاضر يا ماما. خرجت الأم. ورهف لبست وجهزت. خرجت رهف: ماما أنا نازلة. الأم: مش هتفطري؟

رهف وهي تفتح الباب: لا، أنا وروان صحبتي هانفطر قبل ما نروح الدرس. الأم: تمام، بس ما تتأخريش. رهف: تمام، عايزة حاجة؟ الأم: عايزة سلامتك. نزلت رهف وكانت روان مستنياها تحت البيت. روان: إيه يا بنتي كل ده تأخير كده؟ مش هنلحق نفطر. رهف: يله، مش وقت رغي علشان نلحق ناكل قبل الدرس، لأن المدرس بيقعد يشرح بالساعات ودماغي بتصدع. روان: معاكي حق، أكتر مادة رخمة التاريخ. إحنا مالنا بتاريخ محمد علي وولاده؟ يا ريته كان عقيم.

رهف: هو أنا بحب التاريخ، بس معاكي حق، ياريته كان عقيم مكنش صدعنا لولاده. روان: أكتر حاجة بتضحكني ابنه سعيد مكرونة. رهف: بلا مكرونة بلا نيلة، يله علشان هانتاخر. وراحوا الدرس. رهف: المدرس دخل، شيلي يا روان الأكل علشان مش يزعق. روان: متخافيش، مش هيزعق. المدرس: طب هو يا آنسة؟ انتي مفيش احترام، المفروض إن لما تشوفي المدرس دخل تشيلي اللي انتي بتعمليه، صح؟ روان: أنا آسفة يا مستر.

المدرس: تمام، اقعدي بس ما تتكررش تاني وإلا هردك. وبعد تلت ساعات من الشرح المدرس خلص. المدرس: أنا كده خلصت الفصل التالت في مادة التاريخ. الأسبوع الجاي في امتحان شامل على رحلة. أنا عامل الرحلة للي جايب درجة عالية، اللي بيذاكر بجد مش اللي أخد السنة هزار. عامل الرحلة علشان إنتوا تالتة ثانوي وعايز أدعكم. أتمنى تذاكروا وتجيبوا درجات عالية وفي آخر السنة تحققوا حلمكوا. انتهت الحصة. رهف: بقولك إيه؟ تيجي نروح ناكل حواوشي؟

روان: من عند هوهو؟ اللي بيبيع الواحد بـ ٥ جنيه؟ رهف: أيوه من عند هوهو، ها تيجي؟ روان: أكيد جايه، انتي بتهزري؟ ده نقطة ضعفي. وراحوا علشان يأكلوا هوهو. رهف: يله علشان نروح. روان: يله، لأن جالي تلبك معوي من حواوشي هو. رهف: وحياتك وأنا كمان. أنا هروح أذاكر علشان أبدأ آلم الفصل التالت من المادة. روان: آه، علشان بجد عايزة أطلع الرحلة، أنا زهقت كل يوم دروس. رهف: معاكي حق، وأنا كمان عايزة أطلع الرحلة. وكل واحد راح على البيت.

رهف وهي تدخل من البيت: ماما، انتي فين؟ الأم: تعالي، أنا في الصالون. راحت رهف الصالون، ولكن عندما دخلت اتصدمت.