رواية حب الطفولة الفصل الأول 1 - بقلم ضحى احمد

قومي يا مايا. النهاردة مفيش وقت ولازم نجهز القصر بسرعة. زمانهم على وصول يا بنتي. مايا بتأفف: سيبيني يا ماما شوية. سميحة: يا بنتي قومي. دول على وصول، والبه الصغير رجع من بلاد بره وجاي معاهم. قامت مايا نطت من على السرير: بجد يا ماما؟ أسر بيه رجع من لندن؟ سميحة: أيوه يا بنتي. الست إلهام اتصلت وقالت إنهم جايين من المطار كلهم على هنا. مايا بكل فرحة: فوريرة هنضف كل حاجة وهساعدك في الأكل كمان. نتعرف بقى على أبطال قصتنا:

مايا: بنت جميلة ذات الشعر البني الرائع في الجمال، والعيون العسلي، والخدود كالتفاح، والشفايف كريز، والبشرة البيضاء، والجسم الممشوق. العمر 19 سنة. والدتها سميحة: ذات البشرة القمحاوية وقصيرة الطول. تبلغ من العمر 45 عامًا. تعمل خادمة منذ 15 عامًا بهذا القصر ولم تخرج منه منذ أن دخلته. زوجها: هنعرف حكايته في الأحداث. عائلة المنشاوي: مراد باشا: صاحب أملاك وأطيان وشركات. دائم الانشغال بأعمالها. أولاده:

أسر: مزز المزز، عيون سوداء، طويل، شعر أسود ناعم، ممشوق القوام. سافر لندن ليكمل دراسته بالهندسة وها هو عائد بشهادته بدرجة امتياز. العمر 24. حاد الطباع. سيف: الأخ الأصغر المدلل. العمر 21. يدرس كمبيوتر ساينس. رفض السفر كأخيه حتى لا يبتعد عن أصدقائه. آمال هانم: زوجة مراد باشا. ست جميلة وطيبة ومتواضعة. نرجع لقصتنا:

مايا قامت بسرعة وبدأت تنضف بسرعة. وطلعت الجناح اللي فوق ودخلت أوضة أسر وبدأت تنضفها بسرعة وتلمع كل حتة فيها. وفجأة شافت صورته متعلقة على الحيطة وهو عنده 12 سنة. قالت: أنا فاكرة اليوم ده كأنه امبارح. ياترى يا أسر فاكرني؟ ويا ترى بقى شكلك إيه؟ كنت كل إجازة أهلك ينزلوا أفرح إني هشوفك وفي الآخر ما تجيش معاهم. ياترى فاكر لعبنا سوا؟ تاهت في دنيا الذكريات. ذكريات الطفولة. وهي على الكرسي ممسكة بصورته في حضنها.

فاقت على صوت عالي أجش: انتي مين وبتعملي إيه هنا؟ انخضت من الصوت المفاجئ وكادت أن تقع إلى أن أمسكها بكلتا قبضتيه فوقعا سويا على الأرض.