رواية حب بعد عذاب الفصل العاشر 10 - بقلم زهرة البستان

هشام راح لمكان بعيد. دخل في غرفة داخل المكان وقفل الباب. هشام بحده: الجرح بتاعك عامل إيه؟ : أنا كويسة. هخرج امتى؟ أنا عايزة أرجع بيتي. هشام: لما تخفي ابقي ارجعي. دول هدوم وأكل وكل اللي هتحتاجيه. وأنا هجيلك بكرة. : انت بتساعدني ليه؟ أنا مش محتاجة مساعدتك. أنا عايزة أمشي من هنا. هشام بزعيق: اسكتي بقى. انتي مبتفهميش. أهلك لو شافوكي دلوقتي هيقتلوكي. ولا ناسية هما عملوا إيه؟

بعياط: أكيد كان وقت غضب. وهما مش هيعملوا فيا حاجة. أنا عايزة أرجع. هشام بحده: تعالي. راح بالعربية وهي لبست نقاب عشان محدش يعرفها. دخلوا الحارة اللي هي عايشة فيها. بصت بصدمة لما لقت ستات لابسين أسود ورجالة قاعدة وأهلها واقفين بياخدوا العزاء. بعياط: مين اللي مات؟ قول. وقعدت تضرب فيه. هشام: اهدي. محدش جراله حاجة. هما بس بياخدوا عزا. وسكت. : رد. قول. أوعى تكون تقصد أنا. هشام بص لها ومردش.

هي فضلت تعيط. وهو لف بالعربية ورجع المكان اللي كانوا فيه. عند ملك. الدكتور خيط لها الجرح تاني. وكانت نايمة لسه من التخدير. دخلها محمد وقعد جنبها. ملك بدأت تفوق. ومحمد قرب يعدلها. محمد بزعل: أنا آسف. ملك: آسف على إيه؟ وافتكرت اللي حصل. قعدت تعيط. محمد خدها في حضنه وقال لها: أنا آسف يا حبيبتي. أنا السبب في اللي انتي فيه ده. ملك بعياط وهي مستغربة: السبب إيه؟

محمد: متشغليش دماغك يا حبيبتي. ارتاحي لك شوية. وأنا هعمل شوية حاجات وأجيلك. ملك: خليك جنبي. محمد: مش هتأخر يا بابا. خلي بالك من نفسك. مامتك هتيجي تقعد معاكي. ملك: ماشي. وانت خلي بالك من نفسك. محمد خرج وراح يدور على هشام. لعند لما لقاه رجع القصر. محمد راح ضربه في وشه: انت إيه اللي جابك هنا؟ هشام: بيتي زي ما هو بيتك. وأنا لسه ماخدتش حقي منك. الجاي أقوى يا محمد. محمد: حق إيه اللي بتتكلم عنه؟

انت مبتفهمش. يلا مين اللي عبى دماغك بالأفكار دي؟ أنا عرفتك الحقيقة. حابب تصدق صدق. مش حابب أولع يا هشام. وأنا عايزك تتعرض لملك تاني هزعلك وقتها. وهنسى إنك أخويا. فاهم؟ هشام بسخرية: على أساس إنك يعني منستش إنك أخويا. روح اضحك على حد تاني بالكلمتين دول. محمد بنفاذ صبر: أنا ماشي عشان مكسركش في بعضك يا هشام. آدم: ماشي يا دكتور. متشكرين. خرج الدكتور. ودخلت مريم. مريم: إيه ده؟

خطتك حتى منجحتش. ولو بـ 1%. فين اللي هعمل وهعمل؟ آدم بغضب: انتي شايفة إيه قدامك دلوقتي؟ اسكتي. خطتنا زي ما هي. وقريب أوي محضر لهم مفاجأة. هي بضحك: أيوا وريني. لازم أخلص عليهم. آدم: مقلتليش انتي بتعملي كدا ليه؟ مش كفاية إنك وقعتيهم في بعض. : لا. هما مشافوش حاجة على اللي حصلي ده. أنا هخليهم يخلصوا على بعض. بس لسه بدري. قريب هيعرفوا كل حاجة.