رواية حب بعد عذاب الفصل السابع 7 - بقلم زهرة البستان

ادم راح لملك وكان متعصب أوي وصمم إنه يدخلها. حاول محمد إنه يمنعه، بس ادم جن جنونه وبدأ يكسر كل حاجة تقابله. ادم: أنا قلت لكوا ابعدوا. أنا هدخلها. ملك جوه كان سامعة صوته وسامعة كل حاجة. حاولت تقوم تشوف فيه إيه. وصلت للباب وبتفتحه، لقيته قدامها. ملك: عايز إيه؟ ادم حاول يقرب منها، ثم قال: عايزك يا ملك. أرجوكي مترفضييش. أنا بحبك. ملك: إنت مريض نفسي. روح اتعالج يا ادم.

ادم رفع إيده وخبطها في الحيطة. ملك غمضت عيونها وقتها. ومحمد قرب عشان يضربه. ملك شاورتله يبعد. ملك: قلت لك يا ادم، إحنا مبقاش بينا حاجة. سبني أعيش حياتي وانت شوف حياتك. ادم: مش هسيبك يا ملك. تعالي معايا. شدها بسرعة. وخلاص محمد بقى على آخره. راح ليه ومسكه وقعد يضرب فيه. الكل حاول يبعد محمد عن ادم. وملك كانت واقفة بتعيط وبس. ادم وشه مبقاش فيه حتة سليمة، وبرضه كان مصمم ياخد ملك. ملك

صرخت في وشه وقالت بانهيار: قلت لك مش عايزاك. إنت ليه مبتفهمشي؟ أنا بكرهك. ابعد بقى عني. ادم بص لها بغضب وسابها ومشي. وهي أغمي عليها. حملها محمد ودخلها الغرفة. والدكتور دخل وكشف عليها. خرج بعد شوية وقال لهم إنها لازم ترتاح ومش تعاني من أي زعل. محمد خرج وراح شركته وشاف الشغل اللي اتراكم. وماكنش قادر يعمل حاجة. كل تفكيره في ملك. جاله اتصال من شخص. الشخص: الو. إنت نسيتني ولا إيه؟

أنا اديتك مهلة أسبوع تنهي الصفقة دي. بس إنت مش حابب كدا. استحمل اللي هعمله بقى. سلام. محمد بغضب: يبن... قام وراح لغرفة علي وحكاله اللي بيحصل. علي: محمد لازم تتصرف. لياذوك دول مش سهلين. محمد: ميقدروش يعملوا حاجة. متنساش إني ماسك عليهم دليل. علي: بس يا محمد. محمد: خلاص يا علي. خلصت. أنا عارف هعمل إيه. خرج من الشركة وراح مكان كده. دخل الأوضة وقرب من واحدة. المرأة: يا محمد، إنت مش بتيجي ليه؟

محمد: معلشي يا حبيبتي. مكنتش فاضي. بس هجيلك كل يوم. وعد. المرأة: ماشي. هستناك. جبتلي إيه؟ محمد طلع شوكولاتة من جيبه. المرأة: شكراً يا محمد. أنا عايزة كمان طلب. ممكن تاخدني الملاهي؟ مخرجتش من زمان. محمد: مش دلوقتي يا حبيبي. أوعدك قريب هاخدك. يلا أنا همشي. اسمع كلام الدادة، ماشي. الطفل: ماشي. محمد: مش تتأخر. محمد بسها من راسها وخرج. راح المستشفى تاني. كان ملك صحيت وقاعدة. حد دخل الغرفة وقفل من جوه. ملك بخوف: إنت مين؟

وقَفلت الباب ليه؟ هو بص لها بضحكة خبيثة وكان بيقرب منها و...