رواية حب بعد عذاب الفصل الثامن 8 - بقلم زهرة البستان

هش مش عايز صوت. انتي ملك؟ بقي اتصدقي انك حلوة اوي. يخسارة محمد مش هيلحق يتجوزك. لسه هتصرخ راح وحط إيده على بوقها. ملك كانت بتحاول تقاومه وتشيل إيده، مكنتش قادرة. وهو عمل حركة في رقبتها خلتها يغمى عليها. شالها حطها على كرسي متحرك وجاب شال وغطاها وخبي وشها. وخرج من الغرفة وكان متوجه لبرا. كان محمد داخل وقته. محمد حس بنغزة في قلبه بس مكنش شايفها. راح بسرعة على غرفتها. والشخص كان خرج بسرعة من المستشفى وراح على سيارة.

حطها فيها ومشي بعيد. محمد وصل لغرفة ملك ملقهاش. فكرها راحت الحمام. راح يسأل أمها. قالت له إنها مناديتش عليها وراحت تشوفها في الحمام مش لقتها. قعدوا فترة يدوروا عليها يشوفوها راحت فين. مكنوش لاقينها. محمد بغضب: "من المستشفى إزاي مش لاقينها؟ هتكون راحت فين يعني؟ محدش فيكم شافها؟ ولا هي في المستشفى؟ هتكون اختفت راحت فين مثلا؟ "تعالي نشوف كاميرات المراقبة." راحوا كلهم ومحمد استدعى الشرطة.

فتحوا كاميرات اليوم كامل ومكنتش ظاهرة إنها خرجت. عادوا الكاميرات تاني. محمد بسرعة: "استنى وقف، رجع كدا للي على الكرسي المتحرك." رجعوا الفيديو وكبروا الصورة. محمد بصدمة: "دي الأساورة اللي أنا جايبها لملك." وافتكر ساعتها التهديد اللي اتبعت لهم. محمد بغضب: "يولاد الكل*ب، والله لاقت*لكم." خرج بسرعة من المستشفى وكان متوجه للشرطة. أتاه اتصال من رقم مجهول. "إيه رأيك في المفاجأة دي؟

أنت الظاهر كدا مكنتش فهمتني، بس أنا مش هستسلم عن الصفقة دي، وإلا الحلوة دي تنساها، فاهم؟ محمد: "لو مسبتوهاش هيبقى آخر يوم في حياتكم كلكم." المتصل فتح بعت فيديو لمحمد وهو ماسك شعر ملك وهو بيحاول يبوسها. محمد ساعتها جن جنونه وقعد يخبط في العربية وقفل في وشه وراح لعلي. ملك كانت صحيت وكان جسمها لسه ضعيف. مكنتش قادرة تتحرك. والشخص ده كان بيحاول يبوسها عشان يخلي محمد يتجنن وينزل بأسرع وقت على الصفقة عشان يهرب.

صفقة مخدرات فيها. ملك كانت بتحاول تزقه عنها بعيد وهي بتصرخ. "متحوليش، محدش هيسمعك. واللي مفكراه هينجدك مننا ده أنا هقت*له، بس واحدة واحدة." ملك فتفت في وشه. هو مسك شعرها وجرها لأوضة ورماها وقفل الباب. ملك بوجع: "آه." مكان جرح العملية اتفتح وكانت بتنزف وقعدت تعيط وتتوجع. عند محمد كان افتكر إنه كان حاطط في الأساورة جهاز تعقب. فتح تليفونه بسرعة وكان آخر مكان ظهر له بعيد عنه. اتصل على علي يحصله ويجيب الشرطة معاه.

وهو خد مسدسه وخرج. بعد ساعة كان وصل. وكانت ملك نزفت كتير واغمي عليها. دخل براحة ولسه هيفتح الأوضة مسكوه راجلين. محمد بغضب: "ابعدوا! فين ملك؟ وقعد ينادي عليها. وقتها خرج شخص. محمد بصدمة: "انت!!!