رواية حب بعد عذاب الفصل الأول 1 - بقلم نور ياسر

أنا ساره عندي 23 سنه ليا اختين، منال متزوجه 25 سنه، ويارا متزوجه 22. عايشه مع بابا وماما. -وأنا ذنبي إيه إن مفيش حد بيجي لي؟ ذنبي إيه إن مفيش حد عاوزني؟ ارحموني بقى، أنا ذنبي إيه؟ يارا: -إحنا لازم نروح لشيخ، يمكن معمول لها عمل. منال: -شيخ إيه وخرافات إيه؟ انتي بتصدقي الحاجات دي إزاي؟ انتي بتصلي وعارفه ربنا. لا، شوفوا حل تاني. سمعوا خبطات على الباب، فتحت يارا. دخل الوالد محمد. محمد: -فيه إيه؟ بتزعقوا ليه؟

صوتكم جايب آخر الشارع. يارا: -كنا بنقول نودي ساره لشيخ يا ببا الحج. منال: -لا يا ببا حرام، إحنا مسلمين ودي خرافات. محمد: -بس خلاص، جه عريس لساره، مفيش داعي لكل دا كله. مامتها إسراء: -لولولولولوي! مين يا حج؟ محمد: -زين ابن عمها. ساره: -بس أنا مش موافقه، مش عاوزاه. محمد ضربها بالقلم: -اسكتي، مسمعش صوتك نهائي. إسراء: -عاوزة ترفضي وتوافقي براحتك، ليه؟ من كتر العرسان؟ يارا:

-انتي فقيرة يابت، قال مش عاوزاه قال. احمدي ربك إنه وافق عليكي. عاوزة الناس يأكلوا وش أبوكي أكتر من كدا؟ دا إحنا مش بنعرف نمشي في الشارع من كلام الناس. ساره: -حاضر، اللي تشوفوه يا ببا. ودخلت أوضتها وعيطت جامد من ظلم أهلها ليها وكلام الناس عليها. تاني يوم. إسراء: -انتي يا مخفية يا اللي اسمك ساره، قومي يا اللي تنشكي عشان تروقي البيت. ليكي نفس تنامي امتى بقى؟ هيخف حملك من علينا؟ ساره:

-قمت لقيت جسمي مكسر من قلة نومي وعياطي طول الليل. اتحملت على نفسي وتوضيت وصليت وعيطت واشتكيت لربي من الظلم اللي أنا فيه. إسراء: -اخلصي يا أختي وجهزي الفطار وروقي البيت، وهيرن على أختك يارا تجيب لك هدوم تلبسيها. ساره:

-سبتها وقمت جهزت الفطار وروقت البيت. ويارا جت واديتني دريس أبيض وعليه ورد أحمر. لبسته ولبست عليه خمار أحمر. واستنيت لحد ما وصل زين ابن عمي اللي أنا بكرهه ومش بحبه لأنه بيمشي ورا شهواته وبيحب السهر والشرب وأسلوبه مستفز. طلعت عشان أقدم الضيافة واتصدمت من اللي سمعته.