رواية حب بعد عذاب الفصل الثالث 3 - بقلم نور ياسر

فتحت عيوني لاقيتني في حضنه. بعدت إيده عني وقمت وأنا مقروفة من نفسي. إزاي كنت قريبة منه بالشكل ده. دخلت أخدت شاور واتوضيت وصليت. بعدين لبست بجامة مريحة وعملت شعرها كحكة لفوق ونزلت خصلات شعرها الذهبي مما زادها جمالا. خلصت ونزلت جهزت الفطار وفطرت. عملت فنجان قهوة ودخلت البلكونة. سارة لنفسها: أنا لازم أبقى قوية أكتر من كده. مش هخلي حد يأذيني أو يزعلني تاني. أنا مستاهلش كل ده. وعلشان أندمهم لازم أبقى قوية.

قطع حبل أفكارها دخول زين عليها. زين: انتِ إزاي تقفي في البلكونة كده؟ انتي نسيتي نفسك ولا إيه؟ مسكها من شعرها ودخلها جوه. سارة: ابعد إيدك دي عني. وبعدين ملكش دعوة بيا. اعتبرني مش موجودة معاك. كفاية قرف بقى. مش هيبقى هما وأنت عليا. بصوت باكي: أنا تعبت. كفاية كده. مبقتش قادرة أستحمل. أنا إنسانة وبحس زيكم. ومستاهلش اللي بيحصلي منكم ده. ذنبي إيه؟

أتجوز غصب. وأتجوز واحد مبحبوش ولا هو بيحبني. وكل يوم ضرب وإهانة. ذنبي إيه أنا في كل ده؟ وسابته ودخلت أوضتها. صعبت على زين. زين لنفسه: هي فعلاً ملهاش ذنب في كل ده. مكنش لازم أهينها وأتعامل معاها بالطريقة دي. زين قام وخبط عليها. مفيش رد. خبط تاني. مفيش رد. وصوت عياطها مش طالع. قلق عليها وكسر الباب. لقاها مرمية على الأرض واغمى عليها. شالها بقلق وحطها على السرير. لبسها اسدال وطلب ليها الدكتور. زين: خير يا دكتور مالها؟

الدكتور: جالها انهيار عصبي. أنا كتبت لها العلاج ده وادتها حقنة مهدئ. ولازم تبعد عن أي ضغط وتوتر. زين: شكراً يا دكتور. اتفضل. زين: هات العلاج ده وتعالى بسرعة. البودي جارد: حاضر يا زين باشا. عند أهل سارة. إسراء: مش هنروح نشوف البيت يا محمد؟ محمد: هنروح بكرة إن شاء الله. إسراء: ماشي يا حاج. محمد: شكلنا جينا عليها أوي. شكل عياطها وكلامها مش بيروح من دماغي. قالت إنها بتكرهنا. إسراء:

متشغلش بالك. إحنا اللي دلعناها أوي. يلا هقوم أحضرلك الفطار. محمد: وأنا هقوم أصلي الصبح على ما تخلصي. نرجع لسارة وزين. زين: طلع تاني لسارة وقعد جنبها. وفضل يبص لملامحها وقد إيه الحزن باين عليها. وشفايفها اللي عمالة ترتعش وخدودها الحمرا. حب يقرب منها. لاكن سارة فتحت عيونها. زين بعد عنها بسرعة. زين: حمد الله على سلامتك. سارة بجمود: الله يسلمك. زين: سارة أنا آسف. مكنش ينفع أزعلك وأضربك بالطريقة دي. بس انتي اللي عصبتيني.

سارة مردتش عليه وسكتت. ولفت وشها الناحية التانية. زين: شايفها طريقتك لما أكلمك بصيلي. سارة: مش شايف إني تعبانة دلوقتي؟ ممكن بقا تسيبني أرتاح شوية. زين: حاضر يا سارة. تليفون زين رن. زين: أيوه. البودي جارد: جبت العلاج يا باشا. زين: تمام. خليك وأنا هنزل أخده منك. زين نزل جاب العلاج وطلع علشان يديه لسارة. زين: يلا علشان تاخدي علاجك. سارة: مش عاوزة. زين: لا مش هينفع. لازم تاخدي علاجك. سارة:

رمت العلاج من إيده بعصبية. قولتلك مش عاوزة. إيه مبتفهمش؟ زين بعصبية: مسكها من شعرها. تصدقي إني غلطان إني عبرتك؟ أنا ساكتلك من الصبح. ولما صبري ينفذ هتشوفي مني وش متمناش إنك تشوفي. ياله خدي العلاج ده زي الشاطرة كده علشان مقلبش عليكي. بصوت عالي: ياله. سارة: بكرهك يا زين. زين: حط الدوا في بوقها ومردش. سارة: أخدت الدوا ونامت. لأنه فيه نسبة منوم. زين:

نزل لبس وراح الشركة بتاعته. نسيت أعرفكم يا شباب. زين ليه شركة استيراد وتصدير. زين عنده 32 سنة. طويل وجسمه عريض. وبشرته قمحية وعيونه عسلي. وليه دقن خفيف وشعره أسود. يعني سكرة كده من الآخر 😎😂. سارة بقا خريجة كلية فنون. قصيرة مش أوي وبشرتها بيضة مش أوي برضه. وعيونها زيتوني وشعرها دهبي وطويل. عسولة برضو بس من وهي صغيرة وحظها قليل 🙂. بليل.

صحت سارة لاقته مش موجود. غيرت هدومها ولبست هوت شورت وتوب بينك قصير. وسابت شعرها ونزلت قعدت قدام التلفزيون. دخل زين وشافها كدا. زين بصدمة: أومال مخبية الحلاوة دي كلها عليا؟ سارة: اتكسفت جدا بس اتصنعت البرود. وبصت ومردتش عليه. زين راح قعد جنبها وقال: ممكن أقعد أتكلم معاكي شوية؟ سارة: عاوز إيه؟ زين:

أنا آسف إني ضربتك. وخليكي عارفة إن دي تاني مرة أقولها. وأسف على أسلوبي معاكي فوق. بس انتي اللي بتعصبيني. وبعدين انتي لو تعرفي إيه اللي حصل معايا علشان كده ضربتك وبقسى عليك وبخرج مع بنات. وكل ده. سارة:

مهما كان مكنش ينفع تمد إيدك عليا أصلاً. آه انت ابن عمي. بس أنا عمري ما قعدت معاك. ولا أعرف حاجة عنك غير الكلام اللي بسمعه بس. وبسبب الكلام ده كرهتك. وانت كمان متعرفش حاجة عني. ومع ذالك ضربتني. شكلك فكرتني من البنات اللي بتسهر معاهم. هو علشان أبويا وافق إن كل حاجة تبقى على حسابه. حتى شبكتي؟ تفكر إني رخيصة؟ لا تبقى غلطان. أنا مش زي الرخاص اللي تعرفهم. ولا عمري هبقى زيهم. زين:

طب ما انتي كمان حكمتي عليا وكرهتيني بسبب كلام بيتقال. وبعدين أبوكي مدفعش حاجة من معاه. أنا مقبلش إن مراتي أبوها اللي يصرف عليها. سارة: اومال انت قلت هناك إنك مش هتجيب شبكة وبابا وافق؟ زين: مش هينفع أقولك حاجة دلوقتي. سارة: بس أنا عاوزة أعرف. علشان خاطري. زين: بعدين هتعرفي كل حاجة. وبعدين يلا أنا جبت أكل معايا علشان ناكل وتاخدي علاجك وتنامي. كفاية أوي عليكي أحداث النهاردة. سارة: بس أنا مش جعانة ومش عاوزة أنام. زين:

لا يلا علشان متتعبيش. سارة: لا. وبعدين إيه اللي غيرك معايا كده؟ ليكون صعبت عليك؟ زين: آه. وبعدين أنا حاسس إنك مش زيهم. فحاولت أتغير معاكي. ده السبب. سارة: كتر خيرك. زين: هو فيه إيه يا سارة؟ يعني أنا بعمل كل ده علشان أراضيكي. ومفيش فايدة فيكي برضه. سارة: بس مش هعرف أسامحك بسهولة كده. لا انت ولا أي حد جه عليا. حتى أهلي. زين: يااااه لدرجة دي. سارة:

وأكتر. اللي حصلي منكم مش شوية. وبعدين أنا مش بحبك علشان أسامحك كده علطول. خليك فاكر إن قبل ما تعمل كدا كنت بكرهك. وبعد اللي عملته كرهي زاد ليك. ف مش من أول ما تقول كلمتين حلوين أسامحك. عمايلكم فيا غيرتني أوي. بس للأحسن. زين: ........ ....