رواية حب بعد عذاب الفصل السادس 6 - بقلم بسمة محمد

عبدالله: يبني دي بنت عمك مش واحدة من الشارع، شوية عاوزها وشوية لأ. أنا مش هسمحلك تأذيها يا فارس، أنت سامع؟ فارس: بس أنا متأكد من قراري، أنا عاوز أكمل باقي حياتي مع مريم يا بابا. سما بفرحة: بتتكلم بجد يا فارس؟ فارس: أيوه يا سما. وعاوزك تكلميها في الموضوع. سما: لا لا، أنا من رأيي تخليها مفاجأة وننزل النهارده عند عمو إبراهيم ونكلمهم في الموضوع. أنا متأكدة إنها هتطير من الفرحة. حنان: متأكدة ليه بقا إن شاء الله؟

سما: لا سوري، دي أسرار مقدرش أقولها. حنان وهي بترفع الشبشب: أسرار يا جذمة! خدي يابت تعالي هنا. سما بجري: لا. حنان: ماشي يا سما. فارس: ها يا بابا بقا قلت إيه؟ عبدالله: والله يبني طالما أنت جد وكلامك ف أنا معاك. فارس: حبيبي يا حج والله. ننزلهم بليل بقا زي ما البت سما قالت. حنان: يبني مستعجل على إيه؟ فارس: خير البر عاجله بقا. إحنا ننزل بعد الغدا. عبدالله: خلاص على بركة الله. ........... (عند مريم)

كانت قاعدة في الكافتيريا بتاعت الكلية. هنا وهي بتقعد: أنتي قاعدة هنا وأنا عمالة أدور عليكي. مريم بخنقة: ونبي سيبيني في حالي، أنا مش ناقصاكي. كفاية عليا الحمار ده. هنا وهي بتبص وراها بخوف: أكيد مش قصدك دكتور زي صح؟ مريم: لا ياختي، هو فيه غيره؟ أنا مش فاهمة هما جابوه منين أصلاً. هنا: بس متقوليش كده. مريم: ده أنا لو عليا أقول أكتر من كده. أنا الحلفوث ده يتكلم معايا بالطريقة دي، أنا مدايقة أوووي يا هنا.

هنا: وهتدايقي أكتر لما تعرفي الواكسة اللي هببتيها ياختي. مريم: وأنا عملت إيه إن شاء الله؟ هنا: ل... دكتور زين وهو واقف ورا مريم: كل خير إن شاء الله. مريم بخضة: لا متقوليش، هو ده؟ هنا بضحكة صفرا: تخيلي. طب يا مريم بقا أنا هروح أجيب فطار. سلام. مريم في سرها: ربنا يستر، شكله هيعمل مني بطاطس محمرة. زين: بقا أنا بقا حمار؟ مريم: لا يا دكتور، مين الحمار اللي قال كده؟ زين برفعة حاجب: والله!

مريم: آه والله. طب ده أنا حتى كنت لسه بشكر فيك للبِت هنا. زين: لا منا عارف. مريم: طب الحمد لله. أستأذن أنا بقا، لأحسن البِت هنا بتنادي عليا. وقادت بسرعة. زين: مااااشي يا مريم، أنا وإنتي والزمن طويل. ........... عند هنا، لاقت حد بيمسكها من قفاها وهي بتجيب الفطار. هنا بخضة: إيه ده؟ هو أنتِ؟ مريم: آه ياختي، أنا بقا تسيبيني مع الدكتور وتمشي يا كلب البحر. هنا ببراءة: لا، ده أنا كنت بجيب فطار. مريم: وحياة أمك.

هنا: وحياة أمك أنتِ، أنا مالي أمي الله. مريم: بقا كده طيب يا هنا. هنا: إيه ده، أنتِ زعلتي يا بيضة؟ مريم بقرف: امشي يابت من هنا. هنا: امشي أنتِ ياختي، أنا لو مفطرتش دلوقتي ممكن أكلك. مريم: مفجوعة. ويا ريته بيبان عليكي. هنا: إيش فهمك أنتِ في العود الفرنساوي. مريم: مش عاوزة أفهم ياختي. هنا: طب يلا بقا نقعد نفطر. مريم: يلا يا زفتة. وبعدين نبقى نخرج شوية، اشطا. هنا: اشطاااات يا مزة. ............ (في شقة إبراهيم)

مروان: مامااا، يا ست الكل يا ناس، أنا جيت. فاطمة: في إيه يواد أنت؟ مروان: جعان. وعاوزك في موضوع خطييير. فاطمة: قول بسرعة، مش فاضية. مروان: لا أكل الأول، مبعرفش أتكلم على معدة فاضية. فاطمة: استنى بقا، الأكل على النار. مروان: أمّال بابا فين؟ فاطمة: نايم، روح صحيه يلا عشان الأكل قرب يخلص. مروان: حااضر، مهو مفيش غيري في البيت ده. ......... (في المساء) جرس شقة إبراهيم رن، وكان عبدالله وعيلته.

إبراهيم: أهلاً أهلاً، اتفضلوا. عبدالله: عامل إيه يا حبيبي؟ إبراهيم: الحمد لله في نعمة، أذيك أنت؟ عاملين إيه يا ولاد؟ عبدالله: الحمد لله بخير. سما وفارس: الحمد لله كويسين يا عمو. فاطمة: أقوم أعمل لكم شاي بقا، وبعدين أجيب الحلو. حنان: استني، خديني معاكي. فارس: احممم، بابا مش كنت عاوز تكلم عمي إبراهيم في موضوع مهم؟ عبدالله بضحك: ياواد استنى أما نقعد شوية. إبراهيم: خير يا عبدالله، قول.

عبدالله: إحنا كنا جايين النهارده عشان عاوزين ناخد مريم بنتك لفارس ابني. إبراهيم: طبعاً يا حج، ده يشرفني ومش هلاقي أحسن من فارس. بس بردو لازم آخد رأي مريم. عبدالله: أكيد طبعاً، وإن شاء الله ربنا يعمل اللي فيه الخير. سما: أمّال فين مريم؟ عبدالله: كان عندها جامعة وخرجت مع صحبتها، وزمنها جاية. إبراهيم: تيجي بالسلامة إن شاء الله. عبدالله: إن شاء الله. فاطمة: اتفضلوا الشاي. حنان: وادي الكيك كمان، بالف هنا.

الجميع: الله يهنيكي. (بعد شوية مريم دخلت) مريم: السلام عليكم. الجميع: وعليكم السلام ورحمة الله وبركاته. إبراهيم: تعالي يحبيبتي، عاوزينك في موضوع. مريم وهي بتخطف نظرة لـ فارس: خير يا بابا؟ إبراهيم: عمك عبدالله جاي يطلب إيدك لفارس، إيه رأيك؟ مريم وهي بتبص لـ فارس قالت: .............