رواية حب بعد عذاب الفصل الثاني 2 - بقلم بسمة محمد

فاطمه: مين اللي بيرن يا مريم؟ مريم: ده... ده.... فاطمه: أي يبنتي انتي علقتي ولا إيه؟ أنا فارس يا فوفا. فاطمه جت: فارس حبيبي، حمد الله على السلامة، رجعت إمتى؟ فارس: لسه واصل من شوية، عاملين إيه؟ أومال عمي فين؟ فاطمه: جوه يا حبيبي، لسه حاطين الفطار، تعالي افطر معانا وسلم عليه، يلا ادخل. فارس: لا والله مش جعان، أنا بس كنت... فاطمه: والله أبداً، لازم تدخل تفطر معانا. فارس: بس... فاطمه: مفيش بس، ادخل ادخل.

وراحوا على السفرة كلهم. إبراهيم: فارس.. عاش من شافك يا حبيبي، حمد الله على سلامتك. فارس: الله يسلمك يا عمي... إزيك يا مارو؟ واحشني والله. مروان: والله وأنت كمان، اقعد بقى، لأ سلام على طعام، أنا جعان يا عم. فارس بضحك: عمرك ما هتتغير، همك على بطنك على طول. إبراهيم: اقعد اقعد، قبل ما ياكل الأكل كله. (جرس الباب رن تاني، وكل ده وهما مش واخدين بالهم من اللي قاعدة سرحانة معاهم أصلاً) مروان: إيه ده؟

إنت جايب حد معاك ولا إيه يا فارس؟ فارس: لا، هقوم أشوف مين. فاطمه: لا والله عيب، قومي يا مريم شوفي مين يا حبيبتي... مريم... يا بت. مريم: هه، بتقولي حاجة يا ماما؟ فاطمه: بقول حاجة... قومي افتحي الباب، سلامة عقلك يا أختي. مريم: حاضر. فتحت لقت سما. سما: إيه الساعة عشان تفتحي؟ مريم: بقولك إيه، ادخلي وإنتي ساكتة. سما بغمزة: مز، صح؟ قولي قولي، متخافيش، سرك في بير، ههههههه. مريم: يابت ادخلي بقى، إنتي زنانه كده لمين؟

سما: ليكي يا قلبي، مهو من بعض ما عندكم... يلا اقفلي الباب وتعالي ورايا. سما: وحشتوني وحشتوني، يعني مفيهاش كلام. فاطمه: هههههه، يا بكاشة، أومال مين اللي كان هنا من الصبح؟ سما: أنا طبعاً، بس أعمل إيه؟ قلبي بقى بتوحشوني كل خمس دقايق. إبراهيم: ههههه، والله عسل يا بت يا سما. سما: ده كده كده يا عمي معروفة. مريم: متتغريش أوي كده يا حبيبتي، ده عسل أسود. سما: م بلاااش بقى، كلي كلي، ده زي بيتكم بردو، متتكسفيش.

إبراهيم: ربنا يحفظكم يا ولاد ويديم لمتنا. الكل: يا رب. فارس: ولسه الجمهور بتاع بليل بقى... يلا الحمد لله، أنا فطرت، أسيبكم بقى وأطلع أريح شوية. فاطمه: استني بس الشاي. فارس: بليل بقى يا فوفا، لحسن أنا هموت وأنام.... آه صحيح، بابا قالي إن كلنا هنتجمع فوق السطح بليل. مروان: أيوا بقى. إبراهيم: خلاص يا حبيبي، روح أنت، ونتجمع كلنا بليل. فارس: ماشي..... سلام...... (بعد الفطار سما ومريم دخلوا الأوضة)

سما: واقعة واقعة، يعني مفيش كلام. مريم بحزن: وياريتو حاسس. سما: معلش يا حبيبتي، ربنا يجعلكم من نصيب بعض. مريم بتنهيدة: يارب.. أنا بحبه أوي يا سما. سما: عارفة يا أختي، بنحب حلاليف والله. مريم: هههههههه، آه لو سمعوكي هيعملوا منك بطاطس محمرة. سما: والله آه هههههههه....... (بليل) فاطمه: يلا يا ولاد عشان نطلع... تعالوا خدوا الحاجات دي. مروان: الله على حلوياتك يا فوفا. فاطمه: إيدك لو اتمدت هقطعها لك، استنى لما نطلع.

مريم: يلا بينا، هو بابا فين صحيح؟ فاطمه: طلع قبلينا. مريم: اشطااات، يلا نطلع بقى. فاطمه: يابت استني، خدي دول. مريم: حاضر. ............ فاطمه: السلام عليكم. الكل: وعليكم السلام ورحمة الله وبركاته. حنان أم فارس: تعالي يا حبيبتي، لي تعبتي نفسك بس. فاطمه: مفيش تعب ولا حاجة، ده لزوم القعدة بقى والسهره الحلوة. حنان: تسلم إيدك يا حبيبتي.... ادخلوا ادخلوا، كلهم متجمعين جوا. (بعد شوية)

فارس: بما إننا متجمعين كلنا، حابب أقولكم خبر مهم. عبدالله أبو فارس: قول يا حبيبي. فارس: احمم.... أنا قررت أخطب. مريم بفرحة: بجد؟ ومين بقى سعيدة الحظ؟ فارس: دي تبقى............