رواية حب بعد عذاب الفصل الثالث 3 - بقلم بسمة محمد

فارس: أنا قررت أتجوز شاهي. لم يلاحظ احط هذه المسكينة التي كسر قلبها منذ قليل وعيونها امتلأت بالدموع وكأن أحداً غرز سكيناً بارداً في قلبها. حنان: شاهي مين يا ابني؟ فارس: هي اسمها شاهي مهران السيوفي. عبدالله بصدمة: أنت قلت أبوها اسمه إيه؟ فارس: مهران السيوفي. أنت تعرفه يا بابا، ولا إيه؟ عبدالله بجمود: أنا مش موافق. إبراهيم: طيب جماعة، احنا هننزل ونسيبكم تتكلموا براحتكم. عبدالله: إيه الكلام ده يا إبراهيم؟ أنت مش غريب.

إبراهيم: لا، مهما كان برضه. يلا يا ولاد، متنشّفش دماغك أنت بس وسيب الواد يعمل اللي يريحه. عبدالله: إن شاء الله. مريم بقهر: ألف مبروك يا ابن عمي. فارس: الله يبارك فيكي يا مريم، عقبالك. سما: أنا هنزل أنا كمان تحت. بعد ما نزلوا كلهم. فارس: ممكن أفهم سبب رفض حضرتك؟ عبدالله: أنا حر. أنت مش هتحقق معايا يا ولد، جواز من البت دي مستحيل. حنان: اسمع كلامي يا فارس، بلاش يا ابني الجوازة دي.

فارس بعصبية: وأنا مش عاوز غيرها، أنا مش صغير عشان تقولولي أعمل إيه وماعملش إيه. عبدالله بغضب: أنت اتجننت يا ولد؟ إزاي تعلي صوتك بالطريقة دي! فارس: أنا آسف لحضرتك، بس أنا من حقي أفهم سبب رفضك وساعتها أقرر أعمل إيه. عبدالله: يعني إيه الكلام ده؟ فارس ببرود: يعني زي ما حضرتك سمعت، أنا مش هتخلي عن شاهي. عبدالله بغضب: اسمع يا ولد، الجوازة دي مستحيل تتم. فارس بتحدي: تمام. وأنا مستحيل أستغنى عنها وهتجوزها غصب عن الدنيا كلها.

حنان: يبني متتعبش قلبنا معاك. فارس: هتجوزها يا أمي. وبعدين أنا مش فاهم إيه سبب رفضكم. حنان: يا ابني اسمع كلام أبوك وخلاص، بلاش عشان خاطري الجوازة دي. ما البنات كتير قدامك، اشمعنى دي؟ فارس: بحبها يا أمي، وهي كمان بتحبني. عبدالله: اسمع يا ابني، ده آخر كلام عندي. أنت مينفعش تتجوزها. فارس: طب فهمني لييه؟ إيه المشكلة في إني أتجوزها؟ عبدالله: سيبنا لوحدنا دلوقتي يا حنان. حنان: حاضر يا حج.

عبدالله بحزن وندم: اسمع يا فارس، أنا زمان... مريم: شفتي يا سما، هيخطب واحدة تانية. سما بحزن: معلش يا قلبي، مهو مكنش ينفع برضه تتعلقي بيه أوي كده. مريم: أعمل إيه؟ مهو مش بإيدي، غصب عني حبيته، بقيت مبشوفش غيره قدامي. هو الوحيد اللي تمنيت أحقق معاه كل أحلامي، كان حلم نفسي يتحقق، بس خلاص ضاع. سما: خلاص بقى، وحياتي عندك، كفاية عياط. والله الواد أخويا ده أهبل ولا يستاهل. مريم: مش قادرة يا سما، قلبي واجعني أوي.

سما: طب يا حبيبتي نامي شوية وبطلي عياط، نبي. مريم: خليكي جنبي. سما: أنا معاكي أهو لحد ما تنامي. بعد فترة خرجت سما من عند مريم بعد ما نامت. سما وهي خارجة: طب يا طنط، أنا هطلع بقى، محتاجة حاجة؟ فاطمة: تسلميلي يا حبيبتي. زياد: إيه يا أوزعة، رايحة فين؟ سما: يا عم بقى! مش كل ما أشوف وشي تقولي الكلمة دي، بتعصبني. زياد: هههههه، ماشي يا أوزعة. رايحة فين؟ سما: هكون رايحة فين يعني؟ طالعة شقتنا.

زياد: ممكن ننزل نتمشى شوية لو معندكيش مانع. سما: بس الوقت اتأخر، وبابا عارف إني عند عمي إبراهيم. زياد: مش هنتأخر، أو حتى تعالي نقعد هنا. سما بتعجب: عالسلم؟ زياد: أيوه، اقعدي اقعدي. هو فيه أحلى من قعدة السلم؟ سما قعدت: أنت كويس؟ زياد: آه، أنا زي الفل. بس كنت عاوز أرغي معاكي شوية. سما: طب ارغي بقى يا أبو الصحاب. زياد بقرف: أبو الصحاب؟ هو أنا بكلم واحد صاحبي؟ سما: هتنجز ولا أطلع؟

زياد: لا ياختي، هنجز وربنا يسامحني بقى على اللي هعمله في نفسي. سما بشهقة: أوعى تكون هتنتحر! لا يا زياد، حرام عليك. زياد: يا بنتي اتهدي بقى! أنت بتجيبي الأفكار دي منين؟ سما: طب متتنيل تتكلم بدل ما أنت سايبني بخمّن كده، الله! زياد: هتتنيل. هو أنت مديني فرصة أصلاً؟ سما: أهو سكت أهو. زياد: احم... يعني كنت عاوز أقول إني بحبك وعاوز أتزوجك. سما بصدمة: أنت بتقول إيه؟ زياد: أنت طلعتي طرشة ولا إيه؟

لا بقولك إيه، هنخم من أولها، مش لاعب. سما وهي لسه تحت تأثير الصدمة: أنت قولت بتحبني صح؟ زياد: صح الصح. سما: وعاوز تتجوزني؟ زياد بجدية: أيوه يا سما، أنا عاوزك تاخديلي معاد مع عمي. سما: يلهوي! بجد؟ زياد بخفة: في إيه يا ولية؟ سما بضحك: مش مصدقة، هههههه. مطلعتش حلوف زي ما قلت عليك، ههههه. زياد بصدمة: أنتِ قولتي عليا كده؟ آه يا أوزعة الكلب. سما: خلاص بقى، سماح المرادي. أنت ابن عمي برضه. زياد: وجوزك إن شاء الله.

سما: لو وافقت بقى. أنا لسه هفكر في الموضوع. زياد بنظرة شر: وحياة أمك، سمعيني كده تاني، قولتي إيه؟ سما بخوف: أنا... أنا بقول يعني إني لازم أطلع دلوقتي. يلا بقى باي. وطلعت بسرعة. زياد: ههههه، مجنونة والله. وطلع شقته هو كمان. قرأتكم ممتعة.