رواية حب بعد عذاب الفصل الرابع 4 - بقلم نورهان

قاسي بصوت مرعب: ملك انتي مش عذراء. ملك: بدموع وهي مش فاهمة أي حاجة: بتقول إيه ياقاسي؟ قاسي والدموع في عينه: الحقيقة اللي كنت خايف أتأكد منها. ملك: ببكاء شديد: والله محدش لمسني ياقاسي، انت مصدقني صح؟ قاسي: لا ياملك مش مصدق، لأن هو دا الكلام اللي عرفته يوم فرحنا. ملك: بانهيار وهي مش فاهمة حاجة: والله العظيم محدش لمسني، انت بتعمل فيا كدا ليه؟ وفضلت تكسر كل حاجة موجودة في الغرفة وخرجت من الأوضة بسرعة ودخلت المطبخ.

قاسي خرج وراها وشد من إيدها السكينة واخدها في حضنه. قاسي بهدوء: أنا واثق فيكي، انتي بنتي مش حبيبتي، بس افتكري ياملك كويس، افتكري مين قرب منك. ملك: ببكاء: وحياتك عندي وحيات حبي ليك ما فاكرة. قاسي: صوته بدأ يعلى تاني: اومال إيه ياملك اللي حصل؟ ها؟ ملك: بانهيار: معرفش، معرفش ياقاسي. وفجأة وقعت واغم عليها. قاسي شالها وحطها ع السرير وفوقها وكانت تعبانة أوي وبتعيط.

قاسي شدها لحضنه وهو بيفكر إيه ياترى اللي حصل لملك وتعب أوي من التفكير، بس مرضيش ينام علشان خايف ع ملك وواخدها في حضنه. ملك: يارب انت اللي عالم بيا، أنا عمري ما عملت كدا، أنا معرفش قاسي قال كدا إزاي، أنا تعبت تعبت أوووي. عند تمارا وأسر. تمارا: اليوم كان حلو أوي بجد🥺. أسر: ربنا يقدرني وأفرحك دايماً يانور عيني. تمارا: أنا زعلانة أوي ع ملك. أسر: ليه؟ هي لسه تعبانة؟ تمارا: لا، بس حاسة إنها مش مبسوطة هي وقاسي.

أسر: دا قاسي بيحبها أوي، مستحيل يزعلها. تمارا: عارفة، بس حاسة إن في سر كبير. أسر: خلاص أنا هكلم قاسي بكرة وأشوف الدنيا. يلا ننام بقي علشان في شغل. تمارا: حاضر. صباح يوم جديد ع أبطالنا. قاسي فاق ع صوت جرس الباب وبعد ملك عن حضنه براحة وقام فتح الباب. قاسي: أهلاً ياطنط، اتفضلي. ودخلت نرمين غرفة الصالون. نرمين: اومال فين ملك؟ قاسي: معلش عروسة بقي، لسه نايمة، بس هدخل أصحيها. قاسي دخل الغرفة وكانت ملك لسه نايمة.

ملك: بهرب من الوجع والصدمة بالنوم، مش عايزة أقوم وأشوف قاسي ولا أفتكر كل اللي حصل، عايزة أقوم ألاقي كل اللي كنت فيه دا حلم. قاسي بهدوء: ملك، ملك. وحط إيده ع وشها براحة: يالوكة قومي بقي. قامت وأنا حاسة بكسرة كبيرة أوي والدموع في عيوني. قاسي: حاولي تهدي مامتك برا، ولازم تخرجي ومش تحسي إن في أي حاجة، وأنا جنبك. ملك: بخوف: لا لا مش هخرج، هقولها إيه بس يارب. قاسي: أكيد مش هتسأل ع حاجة ياملك، كانت سألت أول مرة.

ملك بدأت تهدأ ولبست وخرجت، أول ما شافت نرمين جرت ع حضنها. ومقدرتش أمسك نفسي، الدموع كانت بتنزل لوحدها، وملك بتمسحها بسرعة قبل ما تخرج من حضن نرمين وتشوف دموعها. قاسي دخل المطبخ يحضر عصير. نرمين: عاملة إيه حبيبتي؟ ملك: الحمد لله، انتوا عاملين إيه؟ نرمين: الحمد لله بخير، ها طمنيني إيه حصل بعد الفرح؟ ملك مكنتش عارفة أرد، كان صدمة السؤال دا، مش عارفة أكدب، طيب أقول كله تمام وفين الدليل ع كلامي؟ طيب أقول إيه؟

ياربي كلام كتير في دماغي ومش عارفة أتصرف إزاي، أنا أضعف من كل اللي بيحصل دا. فجأة انهارت من العياط. نرمين بدهشة وصوت عالي: ملك، أفهم إيه من العياط دا؟ ردي عليا. قاسي دخل بسرعة وأخد ملك لحضنه وهمس: أنا جنبك، متخافيش. قاسي: يامي، براحة عليها، بنتك أكيد كويسة، بس هي كانت خايفة، فلما حد بيفتح معاها الموضوع دا بتفتكر وبتخاف تاني. وبخرج ملك من حضنه وباس رأسها: متخافيش، ها، ثانية وجاي. دخل غرفة النوم وطلع منديل كان عليه دم.

قاسي: اتفضلي يامي. نرمين: حضنت ملك: أنا آسفة، أنا مش بشك فيكي أبداً، بس كان لازم أطمئن. قاسي: انتي مامتها ودا حقك، ولوكه مش زعلانة صح؟ يالوكا. ملك بتمسح دموعها وتهز راسها: صح. بس جوايا كان بيقول: لا يامي، بنتك مش عارفة حصل إيه وازاي، والله بنتك آسفة جداً. كان جوايا مكسور أوي ومش عارفة قاسي اتصرف كدا إزاي، بس فرحت إنه رجع حنين تاني. بعد شوية أمي مشت. ملك: شكراً جداً ياقاسي.

قاسي اتحول تاني: على فكرة أنا عملت كدا بس علشان أنا اللي أوصل للي عمل كدا، ولو انتي كنتي عارفة وبتكدبي عليا هقتلك انتي وهو، فاهمة؟ ملك: انت لسه عندك شك إن أقدر أكون عملت كدا؟ قاسي ببرود: الأيام هتثبت ياملك. وفجأة مسدج جات ع فون قاسي وتعبيرات وشه بقت كلها شر.