رواية حب بعد عذاب الفصل الثالث 3 - بقلم نورهان

فرح: دا طبق ملك أنا مجهزاه بإيدي. ملك بابتسامة: تسلمي. واعدنا ع السفر كلنا ناكل. ملك: ااااااه بطني بطني ي قاسي، مش قادرة. قاسي: بص لفرح نظرة كلها شر وطلب الدكتور بسرعة. عز: في إيه؟ في الأكل؟ مين اللي عمل الأكل ده؟ أنعام: والله أنا عملته بإيدي وكنت واخدة بالي كويس. تمارا بشك: بس أنا وفرح ي بابا كنا في المطبخ. الدكتور وصل وداخل الغرفة وكان معاها قاسي. فرح برا بتوتر باين

عليها وبتفرك في إيدها: من نظرة قاسي دي شكلها فرفورة أوي. تمارا: ويمكن حد حط حاجة في الأكل. وسبتها ودخلت تطمن ع ملك. قاسي: طمنّي ي دكتور، في إيه؟ الدكتور: واضح إنها أكلت حاجة فاسدة، لازم تاخد العلاج. قاسي: تمام، شكراً جداً ي دكتور. عند تمارا وأسر. أسر: إزيك ي طنط؟ فين تمارا؟ أنعام: قاعدة مع ملك. أسر: إيه دا؟ هو قاسي وملك هنا؟ ربنا يستر وقاسي ما يطردنيش من الشركة بقي. أنعام: هو يقدر، إنت صاحب الشركة أصلاً، يلا ادخل.

أسر: احم احم. تمارا: إيه دا؟ إنت مش قلت عندك شغل؟ أسر: مالك ي لوكة؟ قاسي: تعبانة شوية، إنت بقي سايب الشركة ليه؟ أسر بضحك: في إيه ي جماعة؟ براحة شوية عليا. اعد طيب، وألف سلامة عليكي ي ملك. ملك: الله يسلمك. قاسي: اتفضل ي أخويا. أسر: سوري يعني ي قاسي، حبيبتي زعلانة، قولت أجي أصلحها. وطلع علبة فيها خاتم جميل أوي. واعد ع رجله: دي هدية صغننة عشانك، ياريت ما تزعليش مني. تمارا بفرحة: أحلى أسر في الدنيا، جميل أووووي، تسلم لي.

أسر: طيب، والله ما عايز من الدنيا غير ضحكتك دي. قاسي: أنا قاعد على فكرة. أسر: يعم إنت اتجوزت ومحدش قدك، اسكت بقي. قاسي بص ع ملك اللي عيونها كلها حزن بسببه وقال لنفسه: أسف ي ملك، بس الشك هيموتني ومش قادر أقربلك، خايف الكلام اللي سمعته يكون صح، وساعتها مش عارف هعمل إيه. عند نرمين وخالد (والد ملك ومامتها) خالد: ها؟ ملك عملت إيه؟ نرمين: بصراحة مش عرفت أتكلم معاها في حاجة. خالد بعصبية: إزاي؟ مش تطمنّي ع شرف بنتك؟

أومال أنا سبتك تروحي ليه لوحدك عشان تعرفي تتكلمي معاها؟ نرمين: بنتي مش محتاجة إني أطمن عليها، أنا واثقة فيها. خالد: أكيد وأنا واثق في بنتي، بس دي عادات وتقاليد بلدنا، لازم تروحي تاني وتسأليها وتشوفي كمان بعينك. نرمين: حاضر، حاضر. عند أسر وقاسي وملك وتمارا. أسر: قاسي، أنا هاخد تمارا ساعة واحدة نخرج وأجي أوصلها وأرجع الشركة. قاسي: ماشي، بس يارب ما تيجي بليل غير لما تخلص شغلك كله.

تمارا: والله إنت أحن أخ في الدنيا، هروح البس بقي. أسر: وأنا طالع هسلم ع طنط وعمي وهمشي. قاسي: تمام. ملك: وأنا عايزة أرجع البيت. قاسي: إنتي تعبانة، خليكي هنا. ملك: لا، معلش. قاسي: طيب، نستنى لحد ما العلاج ييجي وهنمشي. أنعام: عاملة إيه دلوقتي ي حبيبتي؟ ملك: الحمد لله، المسكن اللي أخدته خفف الوجع شوية. أنعام: إن شاء الله هتكوني بخير، وأنا شاكة في حاجة، ولو صح هجيب لك حقك. ملك: في إيه؟ أنعام: ما تشغليش بالك إنتي.

عز: اتفضل العلاج ي قاسي، وخلي بالك من مراتك. قاسي: حاضر ي بابا. إحنا هنمشي بقي. قاسي أخد ملك ومشوا. ملك: أنا عايزة أروح عند ماما. قاسي: لا. ملك اتنهدت: يعني إيه لا؟ قاسي: ولما تسألك إيه حصل هتقولي إيه؟ كويس إنها نست وهي عندنا. ملك: أنا نفسي مش فاهمة في إيه. قاسي: مش تستعجلي، هتعرفي كل حاجة. قاسي فتح الباب: اتفضلي ي ملك.

ملك دخلت الغرفة وفضلت تبكي وهي قاعدة ع السرير وحاضنة رجلها، وقاسي قاعد برا يفكر في كل كلمة سمعها عن ملك. قاسي: لا، أنا لازم أقطع الشك ده وأتأكد، أنا تعبت من كتر التفكير، ومستحيل ملك تكون كدا، أكيد كل الكلام ده غلط. قاسي قام ودخل الغرفة وشاف ملك بتبكي. قاسي قرب منها وكان هيحضنها، بس عقله قاله: لا، مش تستاهل حضنك. ولسه هيمشي.

ملك مسكت إيد قاسي وببكا: قاسي، طلقني. أنا آسفة، مش هقدر أستحمل عذاب أكتر من كدا. أنا وقفت قصد أبويا وكل الناس عشانك إنت، وعشان أبقى معك ويجمعنا بيت وأطفال، وجو هادي، مش اللي بيحصل دلوقتي. أنا اخترتك سند ليا، مش سبب وجعي. قاسي قرب منها وباس رأسها: أنا آسف. ملك مستغربة من رد فعله، إزاي بقي هادي كدا؟ بس فرحت واتعلقت في رقبته زي الأطفال، وفضلت في حضن قاسي وحاطة دماغها ع قلبه. قاسي بعدها

رافع وشها براحة وبهدوء: إنتي عارفة أنا بحبك قد إيه صح؟ ملك هزت راسها: أه، بس مش عارفة إيه حصل. قاسي: في حاجة كدا، لو طلعت صح ي ملك، متزعليش من أي حاجة أنا هعملها، عشان هيكون ده حقي. ملك: اعمل أي حاجة في الدنيا غير إنك تكرهني بالشكل ده. وبعدين إيه هي الحاجة دي؟ قاسي: هتعرفي كل حاجة، بس شوية. ملك حضنته تاني بحب. قاسي بهمس: بحبك ي ملاكي. وشالها وحطها ع السرير وهي في حضنته، وبعدين أخدها لعالمه الخاص.

وفجأة قاسي بصوت مرعب: ملك، إنتي مش عذر*اء. ملك ببكاء: قاسي، بتقول إيه؟ ي ترى إيه هيحصل؟ وإيه؟ هنعرف في بارت جديد.