رواية حب بعد عذاب الفصل السابع 7 - بقلم نورهان

ملك قامت بسرعة على التواليت وقاسي قام يشوف في إيه. ملك حاسة بغثيان وقيء. قاسي وقف يفكر: أكيد ملك حامل. بصيت لقاسي وعيوني كلها حزن. حتى لو ابن قاسي، ما كانش وقته خالص وقاسي مش هيكون فرحان. فضلنا واقفين قصاد بعض نكلم نفسنا لحد ما فوقت على صوت قاسي. قاسي: يلا نروح لدكتورة يا ملك. إيدي بدأت ترتعش وخوفت أوي يطلع مش ابن قاسي. ما كنتش عايزة أتحرك من مكاني، بس قاسي مصمم. قربت من قاسي وحضنته جامد أوي بخوف.

قاسي: إحنا هنتاكد، بس مفيش حاجة هتتغير، ما تخافيش يا بنوتي. كان بيقول عكس اللي جواه. هو كان بيتمناه مش أكون حامل، بس حابب يطمني. لبست ونزلت أنا وقاسي. وصلنا للدكتورة وأنا بدعي: يارب مش أكون حامل. عند تمارا وأصحابه. تمارا: ممكن تقعدي قريب من زينة وتصوري فيديو؟ عايزة أعرف مين ده. ولو أنا قربت منها هتعرفني. صاحبتها: تمام. بعد شوية جات بالفيديو وكانت الصدمة. عند ملك وقاسي. الدكتورة: مبارك، المدام حامل.

دموعي نزلت: حضرتك متأكدة؟ الدكتورة: آه، في الشهر التاني كمان. قاسي سمع الكلمة واتأكد أنه مش ابنه أو بنته. إحنا مش كملنا شهر حتى جواز. قاسي أخدني ومشينا. طول الطريق ساكت ومش قادر يطمني حتى ولا يقولي هنعمل إيه. وصلنا البيت، قاسي دخل الغرفة وبرضه ساكت. أنا تعبت بجد ومش عارفة أعمل إيه. لقيت سكينة قدامي، مسكتها وحاولت أنتحر واغم عليا. عند أسر وتمارا. تمارا: أسر، أسر رد بسرعة. أسر: في إيه؟ في إيه؟

تمارا: الشخص اللي كان مع زينة، بيقول إن العملية لسه ما خلصتش. إحنا هندمرهم خالص. أنا هموت وأعرف هي بتعمل كدا في مين. أسر: يا بنتي بقي فكك منها وخلينا فينا إحنا. إنتي وحشتيني أوي. تمارا: الكلمة بتخطف قلبي أصلاً. أسر: طيب إيه بقي؟ مش هتجوزك؟ هفضل أرخم عليكي وأقوم على ملامحك القمر دي جنبي. تمارا بكسوف: قريب يا قلبي. عند قاسي وملك. قاسي: ملللللللك! وطلب الدكتورة بسرعة. الدكتورة: الجرح سطحي، المدام بخير. قاسي: شكراً جداً.

وطلع مع الدكتورة لحد الباب، وبعدين دخل لملك. قاسي: ينفع اللي عملتي دا يا لوكا؟ ملك بدموع: أنا تعبت أوي يا قاسي وجرحتك كتير. أنا مش أستاهل حبك. طلقني يا قاسي. قاسي شدها لحضنه: أوعي تقولي كدا تاني. هو في أب بيسيب بنته؟ أنا جنبك لحد ما أموت وهعرف مين عمل كدا وهجيب لك حقك وزيادة يا قلبي قاسي. حسيت براحة ودخلت جوه حضنه. قاسي: عارف إنك مش بتطمني غير جوه حضني. ملك: إنت الأمان بالنسبالي. إنت كل حاجة حلوة في حياتي يا قاسي.

قاسي: إنتي الحلوة اللي في حياتي. بنوتي اللي بحبها ومقدرش أعيش من غيرها. حضنته أكتر من كلامه الحلو دا. قاسي: بس اللي في بطنك لازم ينزل. أنا آسف. بس مش هقدر، كل ما أشوفه هفتكر كل حاجة. ملك بصدمة........