رواية حب بعد عذاب الفصل السادس 6 - بقلم نورهان

قاسي دخل الغرفة وكنت نايمة على سجادة الصلاة. قاسي بجمود: ملك. قمت بسرعة على صوته ورديت بصوت كله خوف ووجع: نعم. قاسي: أنا هسافر أسبوع وهرجع. خوفت أوي، يعني قاسي سندي دلوقتي هيسافر وأنا هبقى لوحدي في كل اللي بيحصل ده. بس مليش حق أقوله مش تسافر، أكيد هو مش طايقني. قعدت أكلم نفسي كتير وقاسي واقف مستني رد. قاسي: ها، ساكتة ليه؟ ملك: اللي يريحك. قاسي قرب مني ومسكني من شعري: انتي عايزة إني أسافر عشان تقعدي مع حبيب القلب صح؟

أنا بدون فهم: حبيب قلب مين؟ قاسي ساب شعري وخرج الفون من جيبه وقال بعصبية: شوفي. مسكت الفون وأيدي بترتعش من الخوف وأنا بقرأ كل المسجات عني وقد إيه قاسي استحمل كلام وحش كتير علشاني، ومع ذلك ستر عليا ومش قال لأي حد. وجنبي بس. صعب عليه يتعامل معايا عادي، هو برضه راجل. مسحت دموعي وقولت بصوت مرجف: قاسي، واضح أوي إن الشخص ده هو اللي عمل فيا كدا. ده لو حد عمل كدا فعلاً. لأني مش فاكرة ومش عارفة أفتكر. ومسكت دماغي من الوجع.

قاسي: هشوف ي ملك، هشوف. أنا فكرت في طريقة، بس يارب مش يكون الشخص ده ذكي وعامل حسابه. شوفت دموع في عيون قاسي وتعب ووجع، أول مرة أشوف قاسي ضعيف كدا. حسيت من كلامه إنه اتكسر بسببي. قاسي: أنا تعبان أوي ي ملك، تعباااااان.

والدموع بتنزل منه. قلبي وجعني أوي لما شفت أغلى ما ليا مكسور كدا. قمت وقفت بسرعة وحضنته جامد أوي. كنت عايزة أدخله جو ضلوعي، مش عارفة إزاي بس كنت عايزة أخفف عنه. أنا السبب في كل ده. لو افتكر، لو افتكر مين عمل فيا كدا. يربي، أجبر بخاطري أنا وزوجي. إحنا أضعف من كل ده. يارب أنت عالم إني مظلومة. يارب. فضلت أدعي وأنا في حضنه وأعيط وحاسة بوجع قلب قاسي، كل نبضة فيه بتقول قد إيه هو تعبان. قاسي خرجني من حضنه ومسح دموعي.

قاسي: تعالي نامي، أنا عارف إنك تعبانة. أنا مش هسيبك، اطمني. أنا جنبك وهجيب اللي عمل كدا وهشرب من دمه. حسيت براحة أوي من كلامه، حسيت إن ليا سند وحد بيحبني وبيخاف عليا أوي. آه قاسي عذبني في الأول، بس أنا كنت متأكدة إنه حنين وهيرجع قاسي اللي حبيته. ربنا يهدي. فضلت في حضنه لحد ما قاسي نام واطمنت. دفنت راسي في حضنه ونمت أنا كمان. عند أسر وتمارا. تمارا: أنا شوفت حاجة غريبة أوي ي أسر انهارده. أسر: إيه هي ي حبيبي؟

تمارا: شوفت زينة صحبت ملك بتدي لشخص شنطة فيها فلوس. كانت في الكافيه اللي كنت أنا قاعدة فيه مع أصحابي. أسر: أكيد شغل أو حاجة. تمارا: مش عارفة، بس شغل إيه اللي بالفلوس دي كلها؟ أنا حاسة إن في حاجة. أسر: كبرى دماغك. ملك دلوقتي متجوزة وأكيد علاقتها بأصحابها مش هتكون زي زمان. ف مش تقلقي عليها. وزينة دي ملناش دعوة بيها. تمارا: أوكي ي حبيبي. أسر: أنا عندي مشاكل في الشغل أول مرة تحصل.

تمارا: طيب ما تكلم بابا، هو أكيد هيكون عنده حل. أسر: ما انتي عارفة أخوكي لو عرف إني قولت لعمي وهو لا، هيعمل مشكلة. بقي في شخص ورا الموضوع. أنا لازم أعرفه الأول. وأنا مش عايز أزود على عمي. كفاية شغل الشركة التانية اللي مع عمي لوحده. أنا هنا أنا وقاسي ومش قادرين عليها. وفي شخص ورا كل دا. أموت وأعرفه. تمارا: ربنا يعدي الفترة دي على خير. عند قاسي وملك. قاسي فاق وهو سرحان في ملامح ملك البريئة ورجع شعرها

لورا وهو بيقول لنفسه: أنا واثق فيكي. انتي بنوتي وعمرك ما تعملي كدا. وحياتك عندي ل أعرف مين عمل كدا. ملك قامت بسرعة على التواليت. قاسي قام بسرعة يشوف في إيه. ملك حاسة بغثيان وقيء. قاسي وقف مصدوم.