رواية حب بعد عذاب الفصل الثاني 2 - بقلم نورهان

قاسي:افتحي ي ملك. ملك مش بترد. قاسي كان قلقان وفضل يخبط كتير وبقوة. كسر الباب وكانت ملك على الأرض. قاسي شالها وحطها على السرير بسرعة. ملك درجة حرارتها كانت مرتفعة جداً وكانت بتهلوس. ملك: قاسي أنا بحبك. انت ليه بتعمل كدا؟ ليه بتعذبني؟ قاسي انت بتحبني صح؟ يعني هنجيب عيال؟ هيكون عندنا بنوتة واسمها مليكة زي ما كنت بتقول. قاسي قعد يسمع ودموعه بتنزل لوحدها. كان بيعمل كمادات وفضل جنبها. وأخدها في حضنه وفضل صاحي.

وبعد شوية وقت ملك بتفوق. قاسي بعد عنها بسرعة علشان مش تعرف إنها كانت في حضنه. ملك بانهيار: ابعد عني ي قاسي. أنا بكرهك. الكلمة وجعت قاسي أوي. يعني خلاص ملك مبقتش تحبه. ولكن حاول يبان إنه عادي. قاسي: أنا هسيب الأوضة أصلاً، بس كنت بطمن عليكي علشان انتي في بيتي. ملك بتمسح دموعها: لا، كتر ألف خيرك ي قاسي بيه. عند أسر وتمارا. تمارا: أسر تعال خدني ونخرج. أسر: أخوكي سايب الشغل على دماغي. والله ما فاضي ثانية.

تمارا: يعني قاسي يتجوز ويفرح وأنا قاعدة في البيت كدا. أسر: قريب هنتجوز وهو هيطلع عينه. وهنروح شهر عسل في أي مكان انتي تقولي عليه يا نور عيني. تمارا: أنا هخرج مع أصحابي. أسر: لا. تمارا: ألبس إيه يا ترى؟ أسر: أنا قولت لا على فكرة. تمارا: يوووه بقى. سلام. أسر: عنيدة. وقفت. أنا همشي من الشركة ساعة. أعملها مفاجأة. ما هي بنتي مش حبيبتي بس. عند قاسي. الباب خبط. قاسي فتح الباب: اتفضلي ي طنط. مامت ملك: عاملين إيه؟

قاسي: بخير ي طنط. نرمين مامت ملك: أومال فين ملك؟ قاسي: مل... قطعت خروج ملك. ملك: وحشتوني أوي. نرمين حضنتها: انتي أكتر ي عيون مامي. اتكلموا شوية. ملك أخدت دينا ودخلت المطبخ. دينا: في إيه؟ شكلك متغير. ملك: انتي حاسة بأختك. دينا: في إيه؟ قاسي مزعلك؟ ملك: لا. قاسي دا أحسن راجل في الدنيا بجد. دينا: أومال في إيه؟ ملك: مش واخدة لسه على المسؤولية يمكن. قاسي كان سمع كلامها عنه وكان فرحان أوي بكلام ملك.

وبعد شوية من الكلام مامت ملك وأختها مشوا. قاسي: شكراً. ملك: على إيه. قاسي: على كلامك عني. ملك: اممم. أنا داخلة أنام. ودخلت الغرفة وفضلت على السرير تفكر إزاي قاسي بقى بيكرهها كدا بعد ما كانوا أكتر اتنين بيحبوا بعض في فترة الخطوبة. عند عز وخالد. عز: الشركة محتاجة مليون جنيه وهاردهم في أقرب وقت. (واضح إن عز داخل على طمع) خالد: عيب عليك. انت تاخد كل اللي عايزه. بقينا أهل يا راجل. عز: ربنا يخليك. عند تمارا وفرح.

فرح: يعني كان لازم قاسي يتجوز اللي اسمها ملك دي؟ ما أنا عنده أهو وبنت عمه. تمارا: في إيه يا فرح؟ هو الجواز بقى بالعافية ولا إيه؟ فرح: أصل اللي اسمها ملك دي شايفة نفسها شوية. تمارا: دي طيبة جداً. وسيبك البنت في حالها. عند قاسي. قاسي قام ودخل ياخد شاور ولبس. ملك: إيه دا؟ انت نازل؟ قاسي: أنا وانتي. ماما كلمتني دلوقتي وهننزل نقعد معاها. البسي. ملك: تمام. ملك لبست وحطت ميكب هادئ جداً. وكانت ملاك بجد. قاسي: اتفضلي.

إنعام: العرسان القمر عاملين إيه؟ فرح بغيره: أهلاً ي ملك. ملك: عاملة إيه ي فرح. فرح: كويسة. تمارا: قاسي حبيبي وحشتني. وانتي كمان ي ملك وحشتيني جداً. ملك: حبيبتي ي تمارا. انتي أكتر. إنعام: بطلي رغي ي تمارا وتعالي انتي وفرح علشان نشوف الأكل. عقبال ما عز يوصل. ملك: هساعدك ي ماما. إنعام: لا. انتي تقعدي هنا مع جوزك. انتي لسه عروسة. قاسي قاعد ساكت. ملك: على فكرة لو فضلت كدا هيعرفوا إن في حاجة. قاسي: أعمل إيه يعني؟

وبعدين إحنا لوحدنا. مفيش حد دلوقتي. تمارا: تمام ي قاسي. فرح: قاسي بينادي ي تمارا. شوفي علشان طنط مش عارفة راحت فين. تمارا خرجت تشوف قاسي. تمارا: نعم ي قاسي. قاسي: أنا مش ناديت. تمارا: يبقى فرح بتضحك عليا. دا أنا هموتها. قاسي ضحك على طفولتها في الكلام. وملك بتبص لقاسي بسرحان. قاسي: هتفضلي تبصي كدا كتير؟ ملك: ها؟ لا. عز وصل. عز: انتوا هنا؟ وأنا أقول القصر منور ليه. ملك بابتسامة: منور بوجودك ي عمو.

إنعام: يلا الأكل جاهز. الكل قعد على السفرة. فرح: دا طبق العروسة. أنا جهزته بإيدي. ملك: تسلمي ي حبيبتي. بس ملك تعبت جداً وراحت المستشفى. يا ترى إيه السبب؟ هنعرف في بارت جديد.