تحميل رواية «حب بعد عذاب» PDF

لمْ يعُد الودآعْ مُخيفاً بِ الّنسبه لِي ، فمنْ آرآدْ الوداعْ فَ ليودعِني ، فقد ودعتْ منْ هُم آغلي بِ كثير .!💔🖤

في منزل حسام

الام : بس يابني احنا منعرفش الناس دي

حسام : يا ماما يا حبيبتي انا قولتلك ان هي اخت مازن صاحبي ما انتِ عارفاه ومهندسه ومحترمه جدا وشغاله مع مازن في الشركه ومعايا كمان

الام : ومالها بنت خالتك يعني

حسام : هو مش انتِ قولتي عايزه راحتك وتتجوز الي بتحبها

الام : اه منك انا عارفه انك مش هتريحني استني لما اخوك ييجي من السفر

حسام : نعممممممم لي هو عمار رايح يتفسح ولا زياره دا رايح اقامه

الام : لا هو قالي ان هو هينزل شهر كل سنه

حسام : بجد والله يا الف بركه هستني انا بقا الشهر دا مافيش الكلام دا الجمعه الجايه هنروح نتقدم بعد اذنك

ادم : ماما

الام بقله حيله : ماشي يا حسام اعمل الي انت عايزه .. عايز اي يا زفت انت كمان

ادم : عايز اتجوز

الام : امشي يا ادم من قدامي علشان ثواني وهتلاقي الشبشب في وشك

ادم : اي يا ماما اشمعنا انا

الام : امشي يا $$$$$$( شتائم كتير بقا 😂)

في منزل عمر

عمر : يالا يا ليليان ماما وبابا مستنينا في الشارع

ليليان : خلاص طب بص كدا حلو

عمر : لا

ليليان : لي وحش

عمر : لا

ليليان ؛ هو اي دا انت علقت

عمر : لا حلو بس انتِ مش هتنزلي كدا علشان حلو

ليليان : نعاااام هو انت سخن ولا اي

عمر : خشي غيري بسرعه يالا

وقبل ان تعترض ليليان رن هاتف عمر وكانت والدته تستعجله

ليليان : هههههه يالا يالا دي حماتي دي قمر والله

ام عمر : اي كل دا في اي اتاخرنا

ليليان : معلش يا طنط عمر صحي متاخر ومردتش اقلقه

عمر : انا

ليليان بدلع : ايوه يا حبيبي انت

الاب : خلاص خلاص يالا اركب انت ومراتك عربيتك وانا وامك واختك في عربيتي ونمشي ورا بعض علشان محدش يتوه في الطريق

وبالفعل ركبوا عرباتهم

وفي الطريق

ليليان : هو اهلك الي احنا رايحين ليهم دول يقربوا ليك اي

عمر : كل عيلتي اصلا ابويا وامي قرايب

ليليان بخفوت : علشان كدا هو جواز القرايب ينتج عنه سلاله متخلفه

عمر : اي بتقولي اي

ليليان : بقول ربنا يخليهمك .. هما بقا طيبين ولا زي امك

عمر : امك .. لا مش زي امي لا بس جدي أشد منها جدي يبقي ابوها وعم ابويا وفي نفس الوقت حماه وابو ابويا يبقي حمي امي وعمها

ليليان : بس بس انا توهت مش عايزه اعرف انا اول ما هروح هناك مش هقول حاجه غير ربنا يتمم بخير والف الف مبروك

عمر بضحك : هههههههههههه الله يخربيتك لا اعقلي كدا دا جدي هيعلقك

ليليان بخوف : لي هو بيخوف اوي كدا

عمر : لا مش القصد بس هو صارم وشديد محدش يقدر يكسر كلمته مهما كانت وكل حاجه عندهم بنظام ومواعيد مش زي حضرتك بتصحي بمزاجك

ليليان : هي ايام سوده انا عارفه .. والنبي يا سيد لما توصل صحيني

في تركيا وخاصه في عاصمه تركيا" انقره"

في فندق خمس نجوم

عمار بهدوء : اتفضلي

سجود : شكرا

عمار : بصي احنا هنا المفروض بنتفسح وكدا وفي نفس الوقت انا عندي شغل هنا

سجود : شوف شغلك انا مش عايزه منك حاجه ثم اكملت حديثها بفضول .. احم احم ممكن اسال سؤال

عمار : اكيد طبعا اتفضلي

سجود : احم .. يعني انا عارفه انك خريج كليه تجاره اي ممكن يكون ليه علاقه بشغلك

عمار : ما هو انت متعرفيش عني حاجه انا شغال في شركه والدي شركه استيراد وتصدير وفي صفقه بنعملها هنا بس

سجود بلا مبالاه : امم ماشي

عمار : بصي انتِ هنا متعرفيش حاجه وقليل لما هتلاقي مصريين او عرب هنا وتقريبا انتِ متعرفيش تركي فلو عوزتي حاجه قوليلي انا

سجود : مش هعوز

عمار : انا بس بقولك انا نازل شغل وشويه وهاجي لو عوزتي حاجه كلميني سلام

بعد وقت احست سجود بالجوع الشديد

سجود : اعمل اي اكلم بتوع الريسيبشن دول بس انا مش بعرف اتكلم تركي طب هو قالي الرقم كام اه افتكرت

الموظف بالفندق : Ah dostum,neye ihtiacin var

( ايوه يا فندم ماذا تحتجين ؟)

سجود : عايزه اكل

الموظف : Nedediğinizia nlamiyorum hanime fendi

( انني لم افهم ما تقوليه سيدتي )

سجود بالنجليزيه فهي اللغه الوحيده التي تتقنها :

ldon't understand anything اقسم بالله

( انني لم افهم اي شئ )

الموظف : Üzgünümbenanlamadi

( عفوا انني لم افهم )

سجود : اي يا ختي الناس الجاهله دي بقولك l'm hangry .... l need some food اي يا ختي دا

( انني جائعه اريد القليل من الطعام )

الموظف :? Hangidili konuşuyor sun

( اي لغه تتحدثينها ؟)

اغلقت سجود الهاتف فهي لم تفهم ما يقوله ذلك الرجل

سجود لنفسها : يووووووه جعانه يا بشر

في مكان آخر في الصعيد

الجده ؛ حمدلله علي سلامتك يا بتي ادخلي

ازيك يا ولدي اتوحشتك جوي

عمر : معلش يا ستي انتِ عارفه المشاغل بجا .. دي مرتي ليليان يا ستي

الجده : وه وه اي الاسم دا يا ولدي اه من بنات مصر ازيك يا بتي

ليليان بحرج : الحمد لله ازيك انتِ يا ستي

الجده : زينه يا بتي اتفضلوا

الجد : اهلا اهلا

ابو عمر : كيفك ياعمي اتوحشتني جوي

الجد : لو اتوحشتك كيف ماتجول يا ولد اخوي كنت سجلت ( سألت ) عليه

عمر : ازيك يا جدي

وبعد الترحاب والسلام كان الجميع يجلس علي السفره حول الجد

عمة عمر : اي يا بتي مش بتاكلي لي وكل مرتك يا عمر

ليليان : لا باكل يا طنط شكرا

بنت عمة عمر : طنط .. قوليلي بقا انت خريجه اي يا حبيبتي

ليليان : انا في اخر سنه في طب

الجد : كيف أجده بتتحددوا علي الوكل

ام عمر : معلش يا بوي سكتنا اه.

(وسلاما على قلوب گسرت وخذلت وماتت بها مشاعر بريئة ، حتى أصبحت صامته لا تشتهي شيئا 🥥🗞️📎🤍)

في منزل عامر ( والد سجود ) خاصه في غرفه احلام

احلام : الو

سمر ( صديقه احلام ) ايوه يا بنتي فينك

احلام : اهو يا قلبي موجوده عامله اي وحشاني

سمر : الحمد لله صحيح الف مبروك عرفت ان اخواتك اتجوزوا

احلام : حبيبتي الله يبارك فيكي .. بقولك عايزه اخد رايك في موضوع مهم

سمر : خير قولي

احلام : كنت حكيتلك قبل كدا عن اسر صح

سمر : اسر مين دا الي بتكلميه علي للماسنجر باين

احلام : ايوه هو ... هو عايزني اديله رقمي وانا رفضت وهو قالي انه عادي وكدا وكمان عايزني اقابله النهارده في كافيه

سمر : لا ولا تديله رقمك ولا تقابليه واعملي له بلوك

احلام : لا يا سمر مش هينفع

سمر : لي ياعني مش هينفع

احلام : هقولك

f.b

احلام وهي تكتب له : لا مش هاينفع ماليش حجه انزل بيها انا في اجازه نصف السنه يعني مافيش كليه

اسر : والله مش مشكلتي اتصرفي

احلام : لا يا اسر مش هينفع وبعدين بلاش تكلمني انا لما هكون فاضيه هكلمك

اسر : لا يا حلوه مش بمزاجك وبعدين قولتلك مليون مره هاتي رقمك وانتِ مش راضيه مش فاهم خايفه من اي

احلام : لا ماينفعش تاخد رقمي ما احنا بنتكلم هنا

اسر : بقولك اي انا مش بحب الرغي الكتير لو مالقتكيش الساعه ٧ في كافيه ***** هتزعلي مني اوووي سلاام

E.f.b

سمر : يا شيخه الله يخربيتك قولتلك من زمان متكلمهوش

احلام : خلاص يا سمر بقااا انا عايزاكي تيجي معايا

سمر ؛ لا طبعا معلش مش هينفع

احلام بضيق : خلاص براحتك سلام

اغلقت معها احلام الهاتف ثم اخذت تفكر في ماتفعله لكي تخرج من المنزل وكيف لها ان تقابله وحدها

في منزل اهل عمر

نورا ؛ بصي بقا يا ستي انا ابقي بنت خاله عمر

هنا : وانا اختها

داليا : وانا بنت عمته و نها اختي الي انتِ شوفتها تحت

ليليان : اه اهلا وسهلا

هنا : مالك حساكي خايفه

ليليان : لا مش خايفه بس مش متعوده علي الجو هنا

داليا : بكره تتعودي وبعدين اعتبرينا اخواتك وهنبقي أصحاب كمان قوليلي بقا انتِ عندك صحاب في اسكندريه

ليليان : وانتِ عرفتي منين اني من اسكندريه

داليا : ودي محتاجه ذكاء عمر عايش في اسكندريه يبقي انتِ اكيد من هناك

ليليان بغباء : ايوه صح معلش .. ايوه انا عندي صحبتي سجود اتجوزت معايا وسافرت مع جوزها تركيا ومريم اختها كمان صاحبتي بس معنديش صحاب تاني الباقي مجرد زمايل

نورا : خلاص اعتبرينا من بكره صحاب

ليليان باستغراب : اشمعني بكره

نورا بمرح: اصل النهارده مش فاضيين

ليليان بضحك : بتفكريني باحلام اخت سجود .. قولولي بقا انتوا عندكم كام سنه او خريجين اي

نورا : انا يا ستي خريجه كليه اداب

هنا : وانا في ثانويه عامه

ليليان : ياختي صغنن

داليا : وانا خريجه هندسه ونها اختي خريجه تجاره

ليليان : انا كنت واخده فكره غلط عن الصعيد انهم مش متعلمين وكدا

داليا : لا مين قال كدا احنا زينا زي محافظات بحري وغيرها

ليليان باستغراب : بس انتوا بتتكلموا مصري كويس اووي

داليا بتكبر مصطنع : ماهو انا خريجه هندسه جامعه القاهره انا الوحيده الي قدرت اطلع وقدرت اقنع جدو والحمد لله وافق ومن قعدتي هناك اتعلمت اللغه وعلمتهالهم بس طول ما جدي قاعد بنتكلموا صعيدي

سمعوا خبط علي الباب واذنوا للطارق بالدخول

عمر : معلش عايز ليليان

هنا : لا يا ابيه سيبها قاعده معانا

داليا : اه يا عمر والنبي خليها قاعده

عمر : اي هو دا بكره اقعدوا مع بعض وبعدين انا خايف من قاعدتكم دي

ليليان بضحك : لا ما تخفش خلاص يا بنات بكره نقعدوا تصبحوا علي خير

الساعه ٦:٣٠ في منزل احلام

احلام لوالدتها : ماما بعد اذنك انا هنزل مع صحابي شويه مش هتاخر

الام : بقيتي تنزلي كتير يا احلام اليومين دول

احلام : والله مش هتاخر ساعه بالكتير

الام بنفاذ صبر : انزلي يا احلام انزلي

في الكافيه

اسر : اتاخرتي

احلام : انت اسر

اسر : اه انا

احلام : هو انت عرفتني منين

اسر : من الصوره الي انت بعتيهالي مره ليكي

احلام : ايوه انا نسيت

اسر : طب اقعدي تشربي اي

احلام : ولا حاجه مش عايزه اتاخر انا بس وافقت اقابلك علشان اعرف انت عايز اي

اسر : هكون عايز اي يعني .. عايز اشوفك بس عادي يعني

كان هذا يحدث تحت انظار شخص يراقبهم

بعد ساعتين عادت احلام الي منزلها

الام : هي دي الساعه بتاعتك

احلام : معلش يا ماما

الام : طب بس مافيش نزول تاني يكون في علمك

احلام : حاضر يا ماما تصبحي علي خير

دخلت غرفتها واخذت تفكر في هذا الاسر الذي لم تعلم ما الذي يريده منها ولم تفق الا علي صوت رساله من هاتفها

قرأتها وسط ذهولها " مين الشخص الي كنتِ معاه في الكافيه دا "

احلام في نفسها : ياربي هو انا متحاوطه بالمجانين مين دا كمان وعرف منين

في منزل كريم

مريم : ايوه يا عني احنا رايحين فين

كريم : ياله بس علشان مش نتأخر

وبعد مرور ساعات كانوا قد وصلوا للمطار

مريم : اي دا هو احنا رايحين فين

كريم : هخطفك

مريم : اي دا بجد زي الروايات

كريم : لا بس انا روايتي تختلف

مريم : ازاي بقا

كريم : لما نوصل هقولك

مريم بصراخ: اي دا احنا فيييييييين

كريم : مش قولتلك هخطفك

مريم : والنبي قولي احنا فين

كريم : انجلترا

مريم : بتهزررررر .. يعني احنا مش في مصررر

كريم : مصر اي يا متخلفه ما احنا ركبنا الطياره اي الغباء دااااا

في الفندق

موظف الاستقبال : Welcome Mr kareem

كريم : it's all fine

( هل كله علي ما يرام )

موظف الاستقبال : of course ... Have a nice time

كريم : Thank you

في الغرفه

مريم : وااااااوو دي جميله اووي

كريم : دي عيونك الي جميله يا روحي

مريم : انا عايزه اروح الملاهي

كريم : أنتِ فصيله اووووي علي فكره

مريم بضحك : ما انا عارفه علي فكره

في بيت مازن

مازن : ماما بكره حسام جاي هو وأهله علشان يتقدموا لسما

الام : طب يا بني ودا كويس يعني

مازن : ايوه يا ماما دا صاحبي من زمان وانا عارف أخلاقه كويس

الام : طب ياعني مش المفروض نسأل سما الاول

مازن : هنسألها بس انا عارف ردها اساسا يالا هقوم انام انا بقا

الام : ماشي يا حبيبي عقبال مفرح بيك انت كمان

مازن : قريب يا ست الكل قريب اووي كمان

*خذ من الحياة الشي الذي يسعدك واترك الباقِ يأتيك كما كتبه الله لك🖤🍂*

عمار لسجود : احنا هنرجع مصر بعد بكره

سجود بعدم تصديق : قول والله كدا

عمار بضحك : والله كدا

سجود : حبيبي والله .. خواتي وليليان وحشوني اووي

عمار : هو انتِ قولتي اي

سجود : خواتي ولي

عمار بمقاطعه : لا لا الي قبلها

سجود بكسوف : والله

عمار : بتتتت اخلصي الي قبلها

سجود بتوتر : اانا هقوم اشرب علشان جعانه

عمار بضحك : والله مجنونه

ليليان : وماقولتيش لي يا احلام قبل كدا

احلام : مش عارفه .. خوفت

ليليان : والعمل

احلام : انا قولتله ان في عريس متقدم ليا وهو قالي لو مرفضتش هييجي ويقول لبابا علي گل حاجه

ليليان : اممممم مش عارفه هو انا عندي فكره معرفش صح ولا خطأ

احلام : قولي والنبي

ليليان : بصي وافقي علي مازن واحكيله كل حاجه يمكن هو يعرف يتصرف

احلام : لا طبعا مينفعش انا مضمنش رد فعله اصلا

ليليان بخيبه امل : طب هنعمل اي مفيش حل تاني .. طب هو انتِ موافقه علي مازن

احلام : انا اعرفه من قبل كدا

ليليان باستغراب : ازاي

هقولك

flash back

عامر ؛ احلام .. الولد الي جه يتقدم ليكي قاعد بره مش عارف مستعجل علي اي وعايز يقابلك

احلام بزهق : يووووه يا بابا مش انت قولتله هفكر

عامر : مش عارف مصمم يقابلك عايز يتكلم معاكي قومي اجهزي خلينا نخلص

في الصاله

خرجت احلام وجلست ولم تنظر اليه

مازن : طب بصيلي طب

احلام حست ان الصوت مألوف عليها ومش غريب ودعت ربها ان يكذب شكوكها

رفعت رأسها له وقالت : انت

مازن : اه انا اي كنتِ مستنيه حد تاني ولا اي

احلام بتوتر : ااالا انت اي الي جابك هنا يا بني ادم انت

مازن : قال يعني مش عارفه ماشي يا ستي انا طلبت ايدك من والدك وجي النهارده اتكلم معاكي شويه

احلام : انا عارفه عنك كل حاجه

مازن وعلامات الدهشه علي وجه : ازاي مش فاهم

ردت احلام ببرود وبراءه : عارفه انك انسان بارد وعديم الذوق والدم والانسانيه والرحمه والاحترام والتقدير وووعندك عربيه ابوك جايبهالك وعليها اقساط

استمع هو الي كلماتها بزهول وصدمه وحاول كبت ضحكاته علي تلك المجنونه

مازن : ها واي كمان يا مراتي يا محترمه

احلام : هولي شيت اي مراتك انا ابقي مراتك انت يا

مازن بصوت عالي نسبيا : واسكتي اي في اي هو انت لو سكتي هتتخدي غياب يعني ولا اي

احلام بزعيق : ولااااااا صوتك ميعلاش انت عارف انت فين وبتكلم مين

عامر اتي علي صوتهما العالي وقال : اي يا ولاد في اي صوتكم عالي كدا لي

مازن بخبث : لا يعمي مافيش حاجه خالص انا بس بحاول اقنعها اننا نعمل فتره خطوبه الاول هي مصممه نتجوز علي طول

عامر باستغراب : لي يا بنتي خدوا وقتكوا

احلام بصدمه وزهول : لا يا بابا حضرتك مش

مازن بمقاطعه : خلاص يا احلام مافيش مشكله انا موافق الفرح الجمعه الجاي بإذن الله سلام عليكم

وقال كل هذا وخرج تحت صدمه وزهول احلام اهذا يعقل اهذا الشخص مختل عقليا لم يعطيها فرصه لترد عليه وتشرح الامر لوالدها قطع صدمتها تلك صوت والدها

عامر : اي يا احلام في اي خلاص الواد وافق وبعدين كنتِ اقنعتيه بهدوء وبعدين الراجل يقول عليكي اي بس يالا الله يهديكي

احلام : يا حاج اسمعني يا حاج انت رايح فين وسايبني دا واد اهبل والله انا مقولت كدا يا باباااااااا اهئ اهئ

E.f.b

ليليان : ههههه دا مجنون خالص يا عيني بس انتِ موافقه يعني مقتنعه

احلام بكسوف مصطنع : احم احم متكسفنيش بقا وبعدين مش تغيري الموضوع ابت انتِ اعمل اي

ليليان بصياح : لقيتهااااااااااااااااااا

احلام : بس ودني الله يخربيتك اسكتي قولي بالراحه

ليليان : بصي يا كبيره هقولك الواد دا صاحب عمار احنا نحكي لسجود وهي تقول لعمار يقولنا نقول لمازن ولا لاء ربنا يحميني لشبابي والله

... قومي هاتيلي اكل بقا علشان جعانه

نظرت لها احلام باستنكار وقالت : ماتيجي تكليني احسن

ليليان ببراءه : البيبي الي جعان مش انا

احلام : البيبي بردوا .. بقولك اي صحيح كلمتي مريم وسجود وقولتلهم

ليليان بايماء : طبعا دول عارفين قبليكي

عدي يومين لم تحدث فيهم اي احداث تذكر وها وقت عوده سجود وعمار من تركيا

في بيت والد سجود كان الجميع موجود وسمعوا اصوات طرق الباب ذهبت( انهار )والده مريم لتفتح للطارق وجدت سجود تقف امامها

انهار بفرحه : بنتي

تفاجأت سجود من تلك الكلمه ولكنها فرحت بها جدا

سجود : ازيك يا ماما

انهار ؛ الحمدلله يا بنتي انتِ عامله اي وحشتيني اوي ادخلي البنات جوا

مريم : يا سوسو وحشتيني

ليليان : يا روحي مقولتيش لي انك جيا يا بت انتِ

احتضنتهم سجود بشده وفهم قد افتقدوا بعضهم للغايه

بعد حديث طويل بينهم لم يخلوا من مشاغبه احلام بالطبع

ليليان : احم احم سجود انا واحلام عايزين نتكلم معاكي في موضوع ممكن ندخل جوه

سجود بخوف واستغراب : اه يالا

في الغرفه

احلام : بصي يا سجود بصراحه ( وقصت لها كل شئ بدايه من معرفتها بأسر لغايه تهديده لها اذا وافقت بالعريس المتقدم لها )

سجود : انا مش مصدقه انتِ تعملي كدا يا احلام ومن ورانا ... حطيتينا في مشكله كبيره اوي

ليليان : قولي لعمار يقول لمازن يا سجود اسر شكله شراني ومش هيسكت

سجود بتفكير : امممممم لا تيجي منها هي احسن كلميه واطلبي منه انكم تتقابلوا انتوا في حكم المخطوبين يعني واتكلمي معاه وشوفي رد فعله

احلام وخوف ودموع ؛ خايفه يا سجود

سجود : متخافيش هو بيحبك .. امم كلميه دلوقتي وبكره اتقابلوا

وبالفعل اتصلت احلام بمازن لكنه لم يرد في المره الاولي والمره التانيه اتاه صوته

الو

احلام : ايوه يا مازن انا احلام ممكن اتكلم معاك ولا مشغول د

مازن : لا طبعا قولي ولو مشغول افضالك يا جميل

ردت احلام بضيق من ضحك سجود وليليان : كنت عايزاك في موضوع مهم جدا ولازم نتقابل بكره ولو هتوافق كلم انت بابا واستاذنه بس قوله انك انت الي عايزني اخرج معاك وكدا يعني

مازن باستغراب : ماشي مع اني مش فاهم بس مافيش مشكله هستناكي في كافيه **** السااعه ٦ تمام

احلام بموافقه : اه تمام شكرا واسفه لو عطلتك سلام

سجود : خلاص قابليه بكره وقوليلي اي الي حصل يالا انا همشي بقا علشان عمار مستنيني عند اهله باي

ليليان : وانا كمان همشي علشان عمر سلام

جاء صباح يوم جديد يحمل الكثير والكثير من الاحداث ربما سعيده علي البعض والبعض الاخر لا

ليليان : عمر عووووووومرررررررررر

عمر بنوم : اي في اي حد يصحي حد كدا

ليليان : طلقني يا عمر

عمر : نعم ياختي

ليليان : بقولك طلقني

عمر : ايوه ما انا سمعت لي يعني هو انا عملت اي

ليليان بضحك : هههه ولا حاجه يا روحي كان نفسي اقولها زي فيلم عمر وسلمي كدا متاخدش في بالك انت نام نام

عمر بصلها بطرف عينه ومردش علي كلامها ورجع نام تاني

سجووووود

كان هذا صوت عمار

سجود : نحم

عمار بضحك : نحم ! ياختي علي الاخلاق فين القميص الابيض بتاعي

سجود بخوف : بص يا باشا هو انت مؤمن بقضاء ربنا صح

عمار : صح وبعدين فين القميص

سجود وهي بترجع خطوه للخلف : هقولك بس اهدي .. وعارف ان كل شئ قسمه ونصيب

عمار بنفاذ صبر : هااااا

سجود : وطبعا فدايا اي حاجه واهم حاجه ان اكون كويسه

عمار : قووووولي يا بت عملتي اي

سجود اعطت له القميص : اهو

نظر عمار القميص الذي بيده بصدمه شديده : اي داااا

سجود ببراءه : انا مش عارفه اي الي حصله انا حطيته في الغساله وطلعته في امان الله عادي لقيته كدا يا خويا كش اه والله لوحده وفيه الوان كتير اووي ههههههه

عمار بغيظ : لي وبتغسيليه لي اصلا دا جديد وهو ابيض حطاه مع هدوم ملونه يا مفتريه منك لله

سجود : انت بتدعي عليا يا عمار علشان قميص ماشي والله ماانا غسله تاني هااا وريني هتعمل اي بقا يالا عليا وعلي اعدائي

جاءت الساعه ٦ مساءً وكانت ذهبت احلام للكافيه الذي اخبرها به مازن

مازن : خير يا احلام

احلام بتردد : هحكيلك علي حاجه بس اوعدني انك مش هتتعصب ونحلها بهدوء

مازن : انا مش بحب المقدمات خشي في الموضوع علي طول

احلام بخوف ظاهر في صوتها : انا من كام سنه كدا عرفت حد علي النت واتكلمنا كتير علي الماسنجر يعني كنا تقريبا كل يوم بنتكلم واخدنا علي بعض اوي واخذت تحكي له كل شئ وهو يستمع لها بهدوء ولكنها لم تعلم انه هدوء ماقبل العاصفه حتي اخبرته بتهديد اسر لها وتحولت ملامح وجه مازن واصبح لا يبشر بأي خير

- خلاص الاكونت بتاعه اسمه اي

احلام بخوف من القادم : لي

مازن : مش مشكلتك والموضوع دا انسيه اعتبريه محصلش فاهمه

احلام : حاضر بس انت مش زعلان مني صح

مازن : هو المفروض ابقي زعلان ومضايق وكمل بحب باين في عيونه بس

انا بحبك وعارفك هبله ومكنتيش تقصدي اي حاجه وحتي

لو قصدك انا مش هحاسبك علي حاجه عدت وهنسي الموضوع بعد اما احله وكانه محصلش

احلام بارتياح : هيييييييح مرايه الحب عاميه صحيح بس علي فكره انا عمري ماشوفته حبيب كان مجرد صاحب حد بحكي معاه وخلاص

مازن : ماشي اديني بس الاكونت بتاعه واعمليله بلوك من عندك ومحدش يعرف بالموضوع دا خالص انتِ فاهمه

احلام : احم احم سجود وليليان وسمر عارفين

مازن : اااااه يا مجنناني وسمر مين

احلام : صحبتشي بس تفكرنا مختلف شويه يالا اطير انا بقا

مازن : لا استني هوصلك

مازن : ايوه يا علي هديك اكونت واحد تعرفلي عنه كل حاجه اسمه بالكامل

رقمه بيته كل حياته معاك ٣ ساعات بالكتير سلام

واغلق الهاتف دون ان يستمع لرد الطرف الاخر

.بسم الله الرحمن الرحيم

‏جمال المكان بمن رافقك فيه ، وجمال الوقت بمن شاركك فيه.💛

بعد مرور ثلاث اسابيع

الو .. انزلي انا واقف تحت

احلام لمازن : انزل فين يابني انا لسه صاحيه اطلع انت

=.....

احلام : ماااازن

= .....

احلام بشهقه : ايتاااا دا قفل في وشي المشمتربي دا ... مامااااااا

انهار : اي يا بت الصوت دا علي الصبح

احلام : مازن واقف تحت نزلاله

انهار : هو سؤال بس لو مش هيدايق طبعا .. سي مازن دا طالع نازل كل شويه بصفته اي

احلام : ختيبي

انهار : كتك نيله يا ختي انتِ وخطيبك .. دا حتي مخطبكيش دي حياله فاتحه انزلي انزلي متوجعيش دماغي

احلام بخفوت : لما هو في الاخر انزلي عملالي فيها ظابط مخابرات لي وجع القلب دااااا

احلام : بطلي برطمه

نزلت احلام لمازن كان ساند علي عربيته ولابس نظارته الشمسيه

احلام لنفسها : هو في حد يخطف قلب حد كدا استغفر الله .... نعم عايز اي

مازن وهو ينظر لهاتفه : اركبي

احلام : نعم .. لا انا بهدوم البيت

مازن رفع عينيه لتقابل عيناها: مش بقول كلامي مرتين انا هااا

احلام : الباب منين

احلام : ايوه يعني احنا رايحين فين بهدوم البيت دي

مازن : بصي ادامك وانتِ ساكته

احلام بسخرية : وانا ابص ادامي لي انا هو انا الي سايقه .. انا مش هنزل من العربيه

= .....

احلام : مازن

=.....

احلام : هو احنا رايحين فين

=.....

احلام : تعرف انا هبدا دراسه الاسبوع الجاي

اوففف منك

مازن وقف العربيه علي الكورنيش وبصلها

_ ممكن تبطلي رغي وتسمعيني من غير متردي عليا خالص

احلام بخوف من نبره صوته : هحاول

مازن : اي

احلام : بقول حاضر تحت امرك حضرتك يعني

مازن بنبره جاده : الزفت اسر فرمتله الفون بتاعه وقفلت له كل ايمالاته وحساباته مبقاش له وجود

احلام باستغراب وانبهار : ازاااي

مازن بصرامه : مش شغلك .. اياك اسمع مجرد سمع اسمه تاني تنسي حد اسمه اسر فااهمه

كانت هترد ولكن اوقفها .. قولتلك مترديش بكره خطوبتنا وتخلصي دراستك نتجوز مفهوم

تعالوا نروح لعمار وسجود الي علاقتهم ببعض اتحسنت كتير جدا وكل يوم حب سجود في قلب عمار بيزيد وبيتأكد فعلا انه بقا متيم في عشقها وسجود اعترفت لنفسها انها بتحبه وشكرت الظروف الي جمعتهم ببعض وعرفت انه كان اجمل حاجه حصلت في حياتها لكن طبعا هي معترفتلهوش بالحب دا ولكن كل افعالها بتوضحله عشقها

سجود بفرحه : عملتلك اكله انما اي هتاكل صوابعك وراها

عمار بفرحه: بجد عملتي اكل دعوات امي والله

سجود بضحك : غير هدومك هتلاقي الأكل علي السفره

عمار : فين الاكل يا سجود

سجود باستنكار : سلامه النظر يا حبيبي امال دا اي

عمار : ايوه دي الشربه فين بقا الباقي

سجود باستغراب : اهو دا الأكل كله ياله سمي الله

عمار : هو اي دا

سجود : انت مش عارف اي دا دا اندومي بص دا بالفراخ ودا بالجمبري ودا لحمه ودا خضار بس مش هيعجبك اوي يالا دوق من كله وقولي انهي احلي

قالت كل دا وهو واقف بيبص السفره بزهول

عمار ؛ دا الأكل الي هاكل صوابعي وراه اكيد اه هاكلهم من الجوع حرام عليكييي دا تكفير ذنوب اكيد عملت اي وحش بس اكيد عملت بس مش فاكر

عمر بصوت عاالي : ليليااان

ليليان بتعب : اي يا عمر في اي

عمر بخوف : مالك انتِ كويسه ( اومات برأسها بمعني اه ) طب اهلي جايين من البلد دلوقتي امي وابويا

ليليان بضيق : ماشي يا حبيبي ينوروا

بعد ساعات

عمر بترحاب : اهلا يا ست الكل نورتي اتفضلي .. اتفضل يا بابا

ليليان : اهلا وسهلا اتفضلوا

ام عمر بزهق ؛ ازيك يا حبيبتي عامله اي

ليليان : كويسه يا طنط والله

ام عمر : امممم طب بصي بقا انتِ مشيتي من البلد واحنا متكلمناش ومن غير حتي متعرفي حد

عمر: اي يا ماما لازمه الكلام دلوقتي

ام عمر : استني يا عمر لازمته ان انا جايه اقول ان انتوا هترجعوا البلد تاني او علي الاقل ابني يرجع معانا

ليليان : لا بس انا مش عايزه ارجع انا مرتاحه هنا جنب اهلي

ام عمر : لا انتِ فاهمه غلط انا مش جايه اخد رأيك انا بقول معلومه هسيبك تحضري خطوبه اختك وبعد كدا تيجوا يالا ياحج

ليليان بتوهان : انا مش فاهمه حاجه

عمر بحب مسك ايدها : اعتبري نفسك مسمعتيش حاجه متزعليش .. انا لازم انزل دلوقتي ولما اجي نتكلم سلام

يوم الخطوبه

احلام بضيق : بس علي فكره دا جنان يعني اي يقولي الخطوبه بكره

مريم : يختي اسكتي مش احسن متقعدي سنين علي بال متتخطبي

ليليان بتعب وارهاق باين علي ملامحها : احنا عايزين نولعوها النهارده

سجود بسخرية : يا ختي اسكتي انتِ قادره تتحركي اصلا

احلام بضحك : ههههه عندها حق والله

انهار دخلت عليهم الغرفه : يالا انتوا لسه مجهزتوش الناس قربت تيجي

مريم : حاضر يا ماما هنلبس اهو

سجود : بقولك يا ليلي انا عايزاكي تجيبي بنت حلوه شبهي مش ولد

ليليان : حاضر حضرتك تؤمري بس شبهك لي يعني حرام

سجود بشهقه : اييييي دا انا قمر خمستاشر

مريم بتعديل : اسمها قمر اربعتاشر مش خمستاشر مش في مزاد احنا بعدين انت عايزه ولد علشان اكون انا وهو صحاب

ليليان : طب ما اجيب بنت وصحبيها بردوا

مريم بهزار : لا انا بصاحب ولاد بس بدليل اهو مثحباكم

احلام بمرح : قصف جبهه

سجود : اين الكرامه لا اراها

ليليان : بصوا الي عايز حاجه يجيبها هو محدش له دعوه بعيالي

انهار دخلت تاني لقيتهم لسه قاعدين : يالهووووووي هموت مشلوله يا ناس اخلصوا .. خدي يا احلام مازن باعتلك الفستان دا

مريم بتصفير : ايوه يا عم

احلام وهي تنظر للفستان ؛ لي دا يا ماما دا ابيض

سجود : عادي دا سمبل مش منفوش بيتلبس في الخطوبه سواريه يعني

احلام باعتراض : ايوه لي ابيض يعني

( الفستان كان ابيض ضيق من فوق وواسع من اول الوسط وطبقات من التانتل ومرصع بفصوص من الالماس )

مريم : ايوه يا حبببتي عادي يعني علشان احنا كلنا لون واحد فتكوني انتِ باينه انك العروسه

احلام بعدم اقتناع : ماشي

بعد شويه الباب خبط ودخلت انهار

اي يا بنات خلصتوا ولا لسه

سجود : اه يا ماما خلصنا

انهار بصت خارج الاوضه : ادخلوا يا بنات

ليليان بصدمه : اعااااااا وحشتوني

دخلت داليا و نورا وهنا ( فكرنهم ولا لاء )

الثلاثه في صوت واحد : وحشتينااا

ليليان : وانتوا كمان بس زعلانه منكم محدش فيكم فكر يسأل عليا

داليا : والله انشغلنا خالص حقك علينا

هنا بفرحه : خلاص قاعدين علي قلبك انا دخلت كليه هنا في اسكندريه

ليليان : طب كويس اومال فين نُها

نورا : يعني بذمتك عايزاها تيجي

ليليان بحرج : عادي يا بنات يعني

احلام بعدم فهم : فضولي يُحتم عليا اسألك مين دول

ليليان بضحك : دول قرايب كريم في الصعيد

قاعدوا البنات يهزوا ويضحكوا طبعا بعد ما اعترفوا علي بعض ودخلت انهار تبلغهم ان ماذن واهله وصلوا برا

خرجوا البنات كلهم واحلام وشها في الارض بتمثل انها مكسوفه

سجود بهمس : هو في حاجه وقعه منك .. حاطه وشك في الارض لي

احلام بنفس الهمس : مكسوفه

سجود باستنكار : لا وانتِ وش كسوف اوي صراحه

رفعت احلام وشها من الارض و شهقت بصدمه كل الموجودين بصولها بإستغراب

احلام بزهول : اي دا مين بيتجوز

مازن ببسمه استفزاز : انا وانتِ يا روحي .. اقعدي يالا

بدأ المأذون مراسم كتب الكتاب ووجهه حديثه لاحلام : موافقه يا بنتي علي جوازك من مازن

كانت احلام بنفس صدمتها وذهولها : هااا اا اه اه موافقه

بعد مده قال المأذون جملته المشهوره

بارك الله لكما وبارك عليكما وجمع بينكما في خير

وبدات الزغاريط والتهاني للعروسين

مريم لاحلام : مبروك يا قلبي

احلام : انتِ كنتِ عارفه صح

مريم بإيماء : بصراحه كدا اه كلنا كنا عارفين بس مفاجأه حلوه صح

احلام بسعاده: بصراحه كدا اه حلوه اوووي

مازن قرب من احلام وضمها له : مبروك يا احلامي

احلام بخجل ؛ الله يبارك فيكـ

مازن لعامر : عمي بعد اذنك ممكن اخد احلام نخرج شويه

عامر : ماشي يا بني بس متأخرهاش وخلي بالك منها كويس ماشي

في العربيه

مازن ببيسمه هاديه لاحلام : مبسوطه

احلام : مبسوطه ومصدومه

مازن ؛ مصدومه لي

احلام باستنكار : لي بجد بتقول لي انا اتفاجات مكنتش متخيله ابدا بس دا ميمنعش اني مبسوطه

وقفوا عند مكان ومازن طلب منها تنزل

احلام بتبص حوليها : هو احنا فين

مازن بيشدها : تعالي بس

دخلوا المكان اتصدمت احلام من جماله كان عباره عن اوضه كبيره جدا زي قاعه كدا مليانه ورد وبلالين وشاشه كبيره مكتوب عليها " بحبك يا احلامي "

وترابيزه عليها اكل كتير وعلبه مقفوله

احلام بإنبهار : اي الجمال دا

مازن ببسمه : عجبك

احلام بفرحه : جدا جدا جدا

مازن بحب : انا بحبك يا احلام

احلام بكسوف : وانا

مازن : وانتِ اي

احلام : وانا كمان بحبك جدا .. يالا بينا ناكل بقا

مازن بضحك : فصيله يا حبيبتي .. يالا بينا

تعالوا نسرع الاحداث شويه ونقول بعد مرور ٨ شهور

كانت احلام ومازن اتجوزوا وسافروا يقضوا شهر العسل ومريم عرفت انها حامل وفرح الجميع بالخبر السعيد دا

بليل في بيت ليليان وعمر

ليليان بتعب : عمررر

عمر بنوم : اي يا ليلي

ليليان : قوم يا عمر انا تعبانه شكلي هولد

عمر : لا يا حبيبتي كل يوم تصحيني تقولي كدا ونروح المستشفي ويكون تعب عادي نامي بقا

ليليان بتعب باين في صوتها : لا تعبانه بجد

عمر قام بتوتر : طب طب اعمل اي

ليليان : وديني المستشفي وكلم ماما

بالفعل بعد مرور نصف ساعه كانوا في المستشفي والكل حواليهم وليليان في العمليات

عدي ساعه والكل قاعد في توتر وخوف وخصوصا عمر وفجأه سمعوا صوت عياط البيبي

وخرجت لهم الممرضه شايله البيبي وبتطمنهم علي ليليان

الممرضه : بنوته زي القمر اتفضلوا

شالها عمر بخوف وبتردد واتطمن اول ما شلها وضمها لحضنه

ودخلوا اطمنوا علي ليليان

في الغرفه

ليليان : عايزه بنتي يا عمر

عمر : اهي يا حبيبتي بالراحه شليها

كريم : هتسموها اي

عمر : مش عارف بس عايز اسم جديد

مريم : مليكه اسم حلو

ليليان : حلو موافقه

وافق الجميع علي الاسم والباب خبط ودخلت احلام وماذن وسط فرحه الجميع بيهم

عدي اسبوع وكان الجميع في بيت والد عمار بيعمل علي قدم وساق انه يوم فرح حسام علي سما وادم علي نور ( زميلته في الكليه )

الكل جهز والبنات راحوا البيوتي سنتر

وبليل الشباب راحوا يخدوهم علشان يروحوا القاعه

وكان كل واحد مبهور بحوريته

وجاء معاد رقصه السلو وقام كل واحد يرقص مع حبيبته علي اغنيه ( انا كلي ملكك )

عند سجود وعمار

سجود بتبص لعمار بحب : عايزه اعترفلك اعتراف

عمار : اعتراف مره واحده .. ماشي قولي يا ستي

سجود بهمس لكي يسمع هو فقط : انا بحبك

سمعها عمار بذهول ومش عارف يترجم معني الكلمه : انتي قولتي انا بحبك صح دا بجد

اومأت سجود له برأسها بخجل

عمار ضحك وبصوت عالي جدا : بتحبني يا جدعااااااان قالت بتحبني

ضحك الجميع عليه وسط خجل سجود منه

خلصت الرقصه ووقفوا كلهم جنب بعض حسام جنب سما وادم جنب نور وعمار جنب سجود ومريم جنب كريم وليليان جنب

عمر واحلام جنب ماذن واتصوروا صوره عائليه تشع بكل معاني الحب والعشق

لقراة باقي الفصول