وعند محمد واقف وعما يكسر في الشقة. محمد: عايزة تسافري وتسيبيني يا ماما؟ عايزة تبعدي عني؟ الأم: أومال انت عايزها تعمل إيه يا ابني؟ أنا مش عايزة أفهم حاجة. أنا ربيتك على كده تكسر قلبها بالشكل ده؟ حتى انت خبيت عليا موضوع الاتفاق ليه عملت كده؟ طالما بتحبها روح قولها. محمد: أنا بحبها بس مش قادر. الأم: ليه مش قادر؟ مش كفاية اللي عملته فيها؟ روح اتجوزها تاني ورضيها ليك وعوضها عن اللي عملته. محمد: مش هعرف.
الأم: إيه اللي مانعك؟ تسنيم يا محمد مش زي باقي البنات. عمرك ما هتعرف تعوضها تاني. مش تضيعها يا ابني من إيدك. محمد: أنا مش هعرف. أنا عمري ما هنسى اللي أبوها عمله فينا. الأم: ده كان ماضي يا ابني وهي ملهاش ذنب. محمد: ده أنا كنت بخطط إزاي أنتقم منه عشان كده اتجوزت تسنيم وعملتها بيا وبعد كده طلقتها بس حبيتها. الأم: فوق يا محمد خلاص. ده كان ماضي يا ابني. محمد: خلاص يا ماما. اطلعي انتي أوضتك وهشوف أنا هعمل إيه.
وعند تسنيم بتصحى الصبح وبتجهز شنطتها. تسنيم: رانيا أنا هسافر. رانيا: ليه يا تسنيم؟ خليكي بالله. هنروح أي مدينة وخلاص مش لازم تسافري. تسنيم: لا هسافر. ويلا بقى عشان همشي. وبيسلموا على بعض وبيفضلوا يعيطوا. تسنيم: يلا سلام بقى. رانيا: مع السلامة. متنسيش يا تسنيم. تسنيم: أنا أنساكي؟ دا مستحيل أبداً وهنكون دايماً على اتصال. رانيا: طيب ماشي.
تسنيم بتنزل تركب تاكسي وبتقوله يوديها المطار. وبعد ساعتين بتوصل المطار وبتروح تحجز تذكرة لأي بلد. الموظفة: تمام يا فندم. فيه طيارة طالعة لأمريكا بعد ساعة. تسنيم: طيب ماشي. وبتدفع الفلوس وبتاخد التذكرة وبتروح تستنى. وعند رانيا اتصلت بمحمد تاني. رانيا: الو. أيوا يا محمد. تسنيم سافرت. محمد: إيه؟ رانيا: أيوا يا محمد سافرت. محمد: إزاي طيب؟ رانيا: راحت المطار. وانت الوحيد اللي ممكن تمنعها. محمد: طيب ماشي. ماشي. اقفلي.
وبيقوم يلبس بسرعة وياخد العربية ويمشي. وعند تسنيم بتروح عشان تطلع الطيارة بس بيوقفها الأمن. تسنيم: إيه؟ في إيه؟ محمد: أنا أقولك في إيه؟ ينفع يا محترمة واحدة تسافر من غير ما تاخد إذن جوزها؟ تسنيم: جوزي؟ جوزي مين؟ أنا مش متجوزة. محمد: معلش يا جماعة هي زعلانة مني شوية. تعالي يا حبيبتي يلا. تسنيم: حبيبتك مين؟ محمد بقولك إيه؟ ابعد عني أنا عندي طيارة هتضيع عليا. محمد: مش هتيجي تجري في المطار وتحضنيني والناس تسقف لينا؟
تسنيم: لا. وبعدين إيه المحن ده؟ محمد: والله؟ دلوقتي بقى محن؟ اومال كنتي قرفاني ليه طول النهار؟ قال كلامه وراح شايلها. تسنيم: سيبني يا محمد نزلني. محمد: بس يا حبيبتي. تسنيم: الحقوني. الحقوووني. نزلني بقولك نزلني. محمد: معلش يا جماعة مراتي وزعلانة مني. تسنيم: مش مراتك. بطل كذب. محمد: طب بحبك. تسنيم: إيه؟ محمد: بحبك واسكتي بقى. تسنيم: لا انت مش بتحبني. انت مش بتحب غير نفسك. محمد: يا بنتي اسكتي بقى. اخرسي.
تسنيم: بقولك نزلني. وبيروح يحطها في العربية وبيلف وبيسكت. وتسنيم بتيجي تفتح الباب بتلاقيه مقفول. تسنيم: يوووه. نزلني بقى يا عم إنت. محمد: عم؟ طب اسكتي بقى. وبعد شوية وصلوا الفيلا. بينزلوا وبيشيل تسنيم تاني. تسنيم: يا ناس. يا خلق. الحقوني. الحقوني. الأم: إيه ده؟ في إيه يا محمد؟ محمد: دي تسنيم يا ماما. عادي. الأم: ماشي يا حبيبي. أنا هتصل على المأذون. محمد: ماشي. وبيطلع الأوضة وبيرميها على الأرض. تسنيم: آآه. إيه في إيه؟
محمد: مش عايز أسمع صوت. اسمعيني.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!