رواية حب بالصدفة الفصل الرابع والعشرون 24 - بقلم ملك ناصر ناصر

صقر ومشي. قعدت دارين تحاول تفتكر أي حاجة ولكن بلا فائدة. *** كنان كان قاعد على مكتبه وحاطط راسه بين إيديه الاتنين. دخل عليه فهد. فهد: فينك يا كنان؟ الدكاترة بتسألوا عليك. كنان: مش قادر أدخل عمليات النهارده يا فهد. فهد قعد على كرسي قدامه. فهد: وبعدين يا كنان؟ هتفضل كده لحد إمتى؟ اللوا اتصل و... كنان بمقاطعة: فهد اقفل على الموضوع ده. فهد: لحد إمتى يا كنان؟ ليه سبت شغلك في المخابرات؟

كنان: مش قادر أكمل. مش قادر أسامح نفسي على اللي حصل بسببي. فهد: أنت ملكش ذنب في أي حاجة حصلت. ده قدرها وربنا كاتِب إنها تموت. كنان: دارين ممتتش. فهد: إيه؟! كنان: صدقني أنا حاسس إنها عايشة. حاسس إني هشوفها تاني. فهد اتنهد بحزن على أخوه. *** عند دارين، كانت واقفة في المطبخ بتعمل نسكافيه. فجأة وقعت منها الكوباية على الأرض واتكسرت لقطع كتير. بصتلها.

وفجأة افتكرت حاجات كتير حصلت ورا بعض بصورة مشوشة وحست بدوخة. سندت على رخامة المطبخ وحطت إيديها على راسها وغمضت عينيها تحاول تفتكر أي حاجة تانية ولكن مقدرتش من الألم الشديد اللي حست بيه. نزلت تلم الإزاز اللي اتكسر. *** عند لميس، كانت بتحضر محاضرة. لميس: بسبسسها بتركيز: اممممم. لميس: بت حجابي مظبوط؟ سبسها كانت هتتكلم، فجأة وقفها صوت الدكتور. الدكتور: الآنسة اللي قاعدة بتتكلم مع البنت اللي جمبها ورا.

لميس بصت حواليها، وبعدين رجعت بصت قدامها تاني. لقت الدكتور بيبصلها. لميس شاور على نفسها بمعنى أنا. الدكتور: أيوه أنتِ. قومي اقفي. وقفت لميس. اتكلم الدكتور بغضب. الدكتور: كنتي بتتكلمي معاها ليه؟ لميس: كنت بسألها عن حاجة. الدكتور: متسأليهاش. اسأليني أنا. لميس: طب الطرحة مظبوطة؟ الكل ضحك عليها. والشباب كلهم اتفتوا يشوفوها. الدكتور بغضب وخبط على المكتب. الدكتور: كل واحد يبص قدامه. وأنتِ يا آنسة اقعدي ومتتكلميش تاني.

لميس قعدت وسبسها جنبها بتضحك بصوت واطي. خلصت المحاضرة وهما خارجين فجأة.