رواية حب بالتدريج الفصل الأول 1 - بقلم نيرة عبد الله

أدهم بغضب: مستحيل يابابا اتجوزها. والده بهدوء: وانت مش هتتجوز غيرها يا أدهم، وده أخر كلام عندي. أدهم: انت عارف كويس أني بحب روڤان ومستحيل أحب غيرها. سليم والده: وأنا قولتلك روڤان لو آخر واحدة في الدنيا مش هتجوزها. أدهم بتحدي: هتجوزها يابابا. سليم ببرود: براحتك، بس قبل ما تتجوزها تسيب مفتاح عربيتك وكل حاجة تخصك هنا. أدهم بغضب: حضرتك بتذلني. سليم: كلامي مش هيتكرر. أدهم بص له بعصبية وخرج من البيت بأكمله.

كريمه: مالها روڤان يعني ياسليم؟ سليم بعصبية: بقولك إيه، مش عشان بنت أختك تقف قصادي، خلصنا. كريمه بعند: واشمعنى عايز تجوزه بنت أخوك؟ سليم: حاجة متخصش حد. كريمه بصت له بقلة حيلة ومشيت من قدامه. -أدهم بغضب: بيذلني عشان أتجوز بنت أخوه. مازن: طيب ماتجرب. أدهم بعصبية: إنت غبي، بقولك بحب روڤان. مازن: اممم طيب هتعمل إيه؟ أدهم: معرفش، معرفش، بس كل اللي أعرفه إن مستحيل أتجوز بنت عمي. -ليان بعصبية: بقا عايزني أتجوز أدهم؟

ده إحنا مش بنطيق بعض. والدها: يا حبيبتي عمك كلمني وأنا مقدرش أرفض له طلب أبداً. ليان: طيب وأنا مفكرتش فيا؟ والدها: أدهم كويس وهيصونك يا ليان. ليان بتحدي: وأنا مستحيل أوافق على الجواز منه، مستحيل. -"بارك الله لكما وبارك عليكما وجمع بينكما في خير." جملة قالها المأذون والجميع كان سعيد. ليان بقرف: معرفش إيه الجوازة دي. أدهم بغيظ: مسمعش صوتك عشان والله مش طايقك. ليان بسخرية: القلوب عند بعضها وحياتك.

أدهم لسه هيرد تليفونه رن برقم روڤان، قفل عليها بتوتر. ليان بصت له بشك ومتكلمتش. شاب دخل وقال بمرح: مبروك يا جماعة. ليان بصدمة وفرح: إيااااد! جريت عليه وحضنته وسكت الجميع. أدهم بغضب جحيمي: لياااااان!