رواية حب بالتدريج الفصل الثاني 2 - بقلم نيرة عبد الله

أدهم بغضب جحيمي: ليااااان شد إيديها بقوة وقالها: إنتي إزاي ي هانم تجري تحضني حد غريب وأنا واقف شكلك متربتيش ولا تعرفي حاجة عن التربية بس ملحوقة هعرف أربيكي ليان فلتت إيديها منه وقالتله بزعيق: إلزم حدك وإنت بتتكلم معايا فاهم وإياك تفكر في يوم انك تتكلم علي تربيتي لأنها بالنسبة ليا خط أحمر فاهم وإياك تكلمني بالاسلوب ده تاني أدهم بسخرية: لا واضح إنك متربية إياد

ضربه بالبوكس وقاله بغضب: إنت زودتها أوي إزاي تتجرأ وتكلم أختي بالاسلوب ده أدهم بصدمة: أختك إزاي يعني والد ليان: إياد إزيك ي بني عامل إي إياد: عمي محمود حضرتك عامل إي محمود: بخير ي بني؛ اعرفكم علي إياد أخو ليان أدهم: أخوها إزاي يعني ي عمي وإنت ووالدتها مخلفتوش غير ليان محمود: والده ليان كانت متجوزه قبلي وخلفت إياد وأنا لما إتجوزتها ربيت إياد كأنه ابني بالضبط أدهم بص ل ليان بزعل أما ليان فبصتله بغضب ومشت

إياد: دلوقتي بقي انا عاوز أعرف مين ده أدهم بهدوء: أنا أبقى إبن عم ليان وفي نفس الوقت جوزها إياد بضيق: أهلا ي إستاذ أدهم أدهم: أسف علي اللي حصل إياد: المفروض تعتذر من ليان مش مني؛ وسابه ومشي أدهم كان بيدور علي ليان لحد ما شافها واقفة في الجنينة قرب منها وقال بهدوء: أسف علي الكلام اللي قولته ليكي ليان: أسفك مرفوض وأوعي تكون فاكر اللي حصل هيعدي بالساهل أدهم بسخرية: والمفروض بقي كده إني أخاف منك مثلا

ليان بتحدي: انا لو منك أه أخاف وأخد بالي كمان أدهم مسك دراعها وقال بعصبية: أنا بخاف بس من اللي خلقني إنما لسه متخلقش الحاجة اللي يخاف منها أدهم الدمنهوري؛ وقرب من ودنها وقال بهمس: بلاش تتحديني ي بنت عمي أحسنلك عشان متندميش وزقها ومشي ليان بصت لاثره وقالت بتحدي: إما وريتك مين هي ليان مبقاش أنا أدهم أخد ليان وروحوا بيتهم وقالها بسخرية: إتفضلي ي عروسة ليان ببرود: ده علي أساس إني مستنيه تقولي إتفضلي أدهم بصلها بغيظ؛ وحب

يضايقها أكتر فقال بحدة: إسمعي ي بت إنتي أوعي تفكري في يوم إنك هتبقي مراتي إحنا جوازنا علي ورق وبس حطي ده في دماغك ليان بإستفزاز: هو فيه حد ضحك عليك وفهمك إني بحبك ولا حاجة؛ فوق يبابا أنا مغص'وبه علي الجوازه دي زي زيك بالضبط وإسمع بقى كلها 6 شهور ونغ'ور من خلقه بعض أدهم: حلو أوي إحنا كده متفقين وياريت مشوفش وشك طول الفتره دي انا هدخل أوضتي وانتي شوفي هتنامي فين ليان بغيظ: وربنا لوريك ي عمود النور أنت

روفان بغضب: يعني إي أدهم إتجوز ي ماما ده بيحبني أنا والدتها: إتجوز بنت عمه أكيد ده كله تخطيط أبوه روفان: أدهم ده بتاعي انا وهيفضل بتاعي انا وبس والدتها: خلاص مبقاش بتاعك وجات واحده وخطفته منك روفان بضحك: انا تأثيري علي أدهم كبير وهتشوفي أدهم كان رايح ينام بس تليفونه رن وكانت روفان؛ إتنهد ورد: روفان حبيبتي روفان بعياط: أنا مش حبيبتك فاهم إنت كداب وخاين

أدهم: ممكن متعيطيش بس والله ي روفان غصب عني؛ بابا هددني لو مجوزتهاش هيسحب مني كل حاجة روفان: انا بتعذب كل ما بتخيل إن فيه شخص مشاركني فيك أدهم: انا محدش يقدر يشاركني فيكي إنتي وبس اللي في قلبي ي روفان انا بحبك انتي وبس؛ ليان بالنسبة ليا مجرد تسليه مش أكتر لمده 6 شهور وبعد كده هطلقها بس قبل ما أطلقها هخليها تكره اليوم اللي شافتني فيه وبعدين دي تتحب دي شبه جعفر

ليان كانت بتسمع كلام أدهم من ورا بعض الباب وكانت مصدومه فيه وراحت أوضتها ووقفت قدام المرايا وقالت بتحدي: إنت اللي بدأت الحرب ي أدهم إستحمل بقي