رواية حب بالتدريج الفصل السابع 7 - بقلم نيرة عبد الله

ليان بصدمة: سيف!!! سيف ابتسم بخبث وقال: إزيك يا ليان. أدهم بعدم فهم: انتوا تعرفوا بعض؟ سيف بخبث: طبعاً دي معرفة قديمة. سليم والد أدهم: مش وقته يا جماعة، تعالوا نتغدى. ليان كانت مش بتتحرك. أدهم زقها وشد دراعها وخرجوا من المكتب. أدهم بغيظ: تعرفيه منين؟ ليان بشرود: ها. أدهم بشك وحدة: ليان تعرفي سيف منين؟ ليان بتوتر: بعدين بعدين. سابته وجريت.

قعدت على السفرة وهو شك في أمرها. كلهم اتجمعوا على السفرة وكان سيف بيبص على ليان، وأدهم كان غاضب بشدة من نظراته. أدهم بغضب مكتوم: ها ياسيف عامل إيه؟ مكنتش بتسأل يعني. سيف ببرود: مشاغل يا أدهم، إنت صاحب شركة وعارف. سليم: كله بقى من غير كلام كتير. *** بعد وقت. ليان كانت واقفة في الجنينة وشارده. سيف: إزيك ياليان. ليان بغضب: عايز إيه ياسيف تاني؟ وبعدين إيه اللي جابك هنا وتعرف أدهم منين؟ سيف ضحك بخبث: دي كلها أسئلة.

ليان كانت هتمشي، ولسه سيف هيمسكها، كان أدهم مسك إيده وقال: مينفعش تلمس مراتي. سيف ابتسم بمكر وقال: بتغير على مراتك مني؟ أدهم شد ليان وبصله بغضب وخرجوا من الفيلا. سيف بابتسامة: اللعب أحلو أوي. *** في المنزل عند أدهم وليان. أدهم بغضب: عايزة أفهم دلوقتي إيه اللي بينك وبينه؟ ليان بهدوء: مفيش حاجة. أدهم مسك دراعها وقال بغضب: بلاش البرود ده، بقولك هو بيكلمك كده ليه؟ ليان بوجع: إيدي يا أدهم بتوجعني. أدهم بحده: فهميني.

ليان بدموع وانفعال: كان خطيبي يا أدهم، ارتاحت؟ أدهم بصدمة: خطيبك!! ليان قعدت على الكنبة وقالت: أيوه، كان خطيبي وكان مستغل إني شاطرة في دراستي وخطبني عشان ينجح ويكمل، ولما نجح وعدى عرفت إنه ماشي مع واحدة أجنبية من هناك وكان بيستغلني. كرهته وفركشت كل حاجة. للأسف كانت أكبر كسرة ليا لأني كنت قافلة على قلبي وهو اللي خلاني أفتحه تاني. أدهم شاف دموعها، تلقائي قرب منها وحضنها وهي عيطت بشدة. أدهم: احم، آسف إني شكيت فيكي. ليان

بعدت عنه وقالت بسخرية: عادي، اتعودت على كده. أنا داخلة أنام. أدهم كان لسه هيوقفها، دخلت الأوضة وقفلت على نفسها وهو اتنهد بضيق. *** بعد مرور أسبوع. روفان بضيق: وإنت عايز ترجع ليها عشان حني؟ سيف بخبث: لأ طبعاً يا روحي، إنتي اللي في القلب. روفان: اومال إيه؟ عايز تتجوزها وتبعدها عن أدهم؟ سيف ببرود: اكتمال الخطه مش أكتر. روفان: والمفروض أعمل إيه؟ سيف: هتروحي لـ ليان وتعرفيها إنك حامل من أدهم.

روفان بتوتر: بس أنا حامل فعلاً مش تمثيلية. سيف: نعم؟ روفان بدموع: حامل منك.