رواية حب بالتدريج الفصل السادس 6 - بقلم نيرة عبد الله

مجهول بإبتسامة: وإنتي كمان وحشتيني أوي ي حبيبتي. روفان: بس أنا زعلانه منك ي سيف. بقي كل دي غيبة؟ سيف: كان لازم أبعد ي روفان عشان أرجع أقوي وأعرف آخد حقي من أدهم. روفان: متقلقش ي حبيبي. كلها كام شهر وكل فلوس أدهم هتبقى ليك. سيف: إزاي كام شهر؟ وهو اتجوز. إحنا كده خطتنا باظت. روفان بضحك: ولا باظت ولا حاجة. وكل حاجة هتمشي زي ما إحنا مخططين ليها. سيف بعدم فهم: إزاي؟

روفان: بص ي سيدي. أولاً كده أدهم بيحبني وميقدرش يستغنى عني لحظة واحدة. واللي متعرفوش إن أدهم أصلاً مغصوب على الجوازة دي. وثانياً بقي خالتي في ضهري. وفي ظرف شهر أدهم هيرجع ليا تاني. وغير كده بقي أنا عندي قنبلة. لو فجرتها كل نص فلوس أدهم هتبقى لينا. وكمان من غير ما أتجوزه. سيف: قنبلة إيه؟ روفان: أنا حامل من أدهم. سيف بغضب: نعم ي أختي؟ قولتي إيه؟ ************************* أدهم بغضب: بتضحك على إيه ي زفت إنت؟

مازن بضحك: على اللي إنت بتقوله. أدهم: هو اللي بيقولوا بيضحك؟ مازن بضحك: بصراحة أه. أدهم بعصبية: أنا غلطان إني جيت ليك. أنا قايم ماشي. مازن: استنى بس ي عم. بصراحة ي أدهم إنت غلطان. أدهم برفعة حاجب: غلطان في إيه بقى؟

مازن: إنت اللي بدأت معاها ي أدهم. من يوم الفرح لما زعقت لها قدام الناس. وغير كده الكلام اللي قولته لها لما روحتوا بيتكم يوجع أي حد ي أدهم. وياريتك اكتفيت بكده. روحت زعقت لها قدام روفان وليان. عارفة إنها خطيبتك صراحة. ومن غير زعل تستاهل اللي هي عملته فيك.

أدهم: أولاً أنا والله ما كنت أعرف إن روفان هتيجي ليا البيت. ولو كنت أعرف كنت منعت إن ده يحصل. أنا أه مش طايق ليان. بس هي مراتي ولازم أحافظ على قيمتها. وثانياً بقي هي اللي استفزتني لما غلطت في روفان. مهما كان روفان بنت خالتي. مازن: وليان بنت عمك ومراتك ي أدهم. فوق ي أدهم. ولو مش طايق ليان كمراتك. هي في الأول والآخر بنت عمك. حط ده في دماغك. وزي ما بتحافظ على كرامة ومشاعر روفان؛ حافظ على كرامة ووضع مراتك ي أدهم.

أدهم بغيظ: بس برضه مش هعدي لها القلم اللي ضربته ليا ده. مازن بضحك: ي عيني عليك ي بني. ده إنت هتشوف أيام لوز. أدهم: ده إنت عيل بارد. أنا ماشي. ومشي تحت ضحكات مازن عليه. *************************** روفان بخوف: إهدي ي سيف. إهدي. سيف مسك دراعها وضغط عليها جامد وقال بغضب: أهدى إزاي وإنتي بتقولي لي إنك حامل من أدهم؟ روفان بألم: سيب دراعي وأنا هفهمك. سيف زقها وقال: انطقي.

روفان: أنا مش حامل من أدهم. أنا قلت كده عشان أعرف أطلب من أدهم مبلغ كبير كنوع من أنواع التعويض. وكمان عشان لما نتجوز ميقدرش يلمسني ولا يجي جنبي عشان أفضل محافظة على نفسي ليك. سيف بتنهيدة وابتسامة: خلاص متزعليش. حقك عليا. روفان بزعل: لا أنا زعلانة منك. إزاي شكيت فيا ي سيف؟ أنا بعمل كل ده عشانك إنت. سيف خدها في حضنه وقال: متزعليش مني ي حبيبتي. حقك عليا. أنا بس اتجننت لما قولتي لي إنك حامل. خوفت تكوني حنيتي لأدهم.

روفان: أنا مستحيل أحب أدهم. أنا بحبك إنت. سيف ابتسم وقربها منه وبـ*ـاس شـ*ـفـ*ـايفها. وبعد لما حس بحاجتها للتنفس؛ وبعد ما بعد شال روفان وحطها على السرير. روفان: سيف مينفعش كده. سيف: للأسف معتش ينفع. وبـ*ـاس شـ*ـفـ*ـايفها. (وخدها لعالمه الخاص) **************************** تاني يوم: أدهم صحى على رنة تليفونه. وكان والده. أدهم رد عليه وقال: أدهم: صباح الخير ي بابا. والده: صباح النور ي أدهم. أخبارك إيه إنت وليان؟

أدهم: الحمد لله ي بابا كويسين. والده: يا رب ديما ي بني. بقولك جيب ليان وتعالى قضي اليوم معانا. أدهم: خير ي بابا؟ فيه حاجة ولا إيه؟ والده: لا متقلقش ي بني. إحنا مرحبناش كويس بليان لما جات. ولازم نرحب بيها. أدهم بتنهيدة: حاضر ي بابا. مسافة السكة. وقفل معاه وراح خبط على باب أوضة ليان. ليان فتحت له وقالت ببرود: أفندم. أدهم بغيظ: بابا عاوزنا نروح نقضي معاه اليوم. ليان: ثواني وهجهز. ولسه هتقفل الباب أدهم مسك إيديها

وشدها ليه وقال بتهديد: أوعى تكوني فاكرة إن اللي عملتيه امبارح أنا نسيته. تبقي غلطانة صدقيني. هحاسبك عليه. وبلاش تعملي وإحنا هناك أي تصرف يضايقني. وإلا والله العظيم لكون مكسر عظمك ساعتها. ليان شدت إيديها منه؛ وقالت ببرود قاتل: لآخر مرة هقولك متقولش كلام أكبر منك ي أدهم. فاهم؟ ولسه متخلقتش اللي يلوي دراع ليان الدمنهوري ويهددها. فوق لنفسك أحسنلك. ودخلت وهبدت الباب تحت غضب أدهم منها. ***********************

روفان بدموع: اللي حصل ده مكنش لازم يحصل ي سيف. مكنش لازم يحصل. سيف مسك إيديها وباسها وقال: ليه مكنش لازم يحصل؟ أنا وإنتي هنتجوز وهنكون لبعض في الآخر. يبقى مفيش مانع إن ده يحصل. روفان: بس ده حرام. لأننا مش متجوزين. سيف: خلاص بسيطة. نتجوز عرفي. بس هتبقى فيه مشكلة. روفان: مشكلة إيه؟ سيف: إنتي بتقولي إنك في ظرف شهر هتتجوزي أدهم. وأنا لو اتجوزتك لازما تتجوزي أدهم بعد 3 شهور. وده هيأخر خطتنا.

روفان: معاك حق. طب خلاص توعدني منعملش كده تاني. سيف بإبتسامة: أوعدك ي قلب سيف. قومي يلا عشان تلبسي وتلحقي تمشي. إنتي اتأخرتي أوي. هتقولي إيه لامك؟ روفان: متقلقش. هحاول أتصرف. أنا هقوم ألبس. وسيف بص لأثرها وابتسم. ************************* ليان وأدهم وصلوا لبيت أدهم. وأول ما دخلوا أم أدهم جريت عليه وحضنته وقالت: وحشتني أوي ي حبيبي. أدهم وهو بيبوس إيديها: وإنتي كمان وحشتيني أوي. كريمة

بصت ناحيتها وقالتها بأرف: أهلاً ي مرات ابني. ليان بإبتسامة باردة: إزيك ي مرات عمي. عاملة إيه؟ وباست إيديها. كريمة اتصدمت من تصرف ليان. فهي مكنتش متصورة إنها هتعمل كده. وأدهم بص لها وابتسم من تصرفها. كريمة بضيق: كويسة. ووجهت كلامها لأدهم وقالت: مالك ي حبيبي نحفان كده ليه؟ شكل مراتك بتطبخ أكل مش عاجبك. ووجهت كلامها لليان وقالت بإستفزاز: ابقي كلمي روفان واسأليها أدهم بيحب يأكل إيه. أصلها عارفة كل حاجة عن أدهم.

ليان بإبتسامة: متقلقيش ي طنط. أدهم شبعان 24 قيراط. أصلي بشبعه بطريقة تانية ي حماتي. وغمزت لها. كريمة اتضايقت من ردها. أما أدهم فبص لليان بصدمة من جرأة ردها. أدهم: بابا فين ي ماما؟ كريمة: في المكتب. أدهم: هنروح نسلم عليه أنا وليان. ************************ أدهم أخد ليان وروحوا عشان يسلموا على والده. أدهم خبط على الباب. ووالد أدهم أذن لهم إنهم يدخلوا. وأول لما دخلوا اتصدموا لما شافوا اللي قاعد مع والد أدهم.

ليان بصدمة: سيف. سيف بص لها وابتسم بخبث.