رواية حب بلا قواعد الفصل السادس عشر 16 - بقلم جيلان محمد

قرب منها سليم وشدها من وسطها وبدأ يبوس رقبتها. كيان كانت بتعيط وبتزقه وقالت برجاء: "روح لأم ابنك... انت جاي ليه؟ سليم حضنها وقال: "صدقيني دي مجرد لعبة من نصار عشان يوقعنا في بعض.. أنا أصلاً معرفهاش." كيان بعياط: "أنا تعبت ومش عارفة مين الصادق ومين كذاب." سليم بعد عنها وحط إيده على بطنها وقال: "وحياة ابني اللي لسه ما جاش الدنيا أنا مش هتخلى عنك بس ارجوكِ متسبنيش.. أنا مستحيل أكذب عليكِ." كيان بتعب من الحمل:

"ماشي يا سليم." سليم: "هو انتِ أكلتي حاجة من الصبح؟ كيان: "مكنش ليا نفس." سليم كشر وقال: "ده كلام برضه.. البسي هدومك وأنا هروح أعمل عشاء وناكل، ماشي؟ كيان ابتسمت بهدوء: "ماشي." سليم خرج وكيان مسكت الفرشة وبدأت تسرح شعرها. عند نصار. نصار قاعد على مقدمة الترابيزة وسيدرا قاعدة قدامه وبتاكل وقالت: "يعني احنا من بكرة هننفذ الخطة؟ نصار: "بالظبط كده، بس عايزين نعرف سليم فين؟ النهاية قربت خلاص وكل شيء هينتهي."

زياد داخل الشقة مخنوق ولقى سليم في وشه فقال: "هي ريتاج فين؟ سليم: "مش عارف، أنا لسه داخل أعتقد إنها في الأوضة." زياد سابه وراح ناحية أوضتها ولقى الباب مفتوح. بيفتحه وبيدخل الأوضة، ريتاج بتكون عاملة نفسها نايمة وضهرها للباب فقالت بضيق: "مسمعتش عن اختراع اسمه خصوصية؟ زياد قفل الباب بالمفتاح وقعد على طرف السرير: "مش بحب أشوفك زعلانة." كمل كلامه وهي لسه مدية ضهرها: "أنا مستعد أقولك الحقيقة." لفت ريتاج

له بلهفة وقالت بلمعة عين: "إيه هي؟ زياد بدموع: "أنا كنت مريض بمرض نادر في القلب وكنت لازم أسافر ولذلك أنا كنت وقتها لازم أقولك كده، لأن أنا لو مت أو جرالي حاجة انتِ ملكيش ذنب." ريتاج: "بس انت جرحتني ودمرتني." زياد: "عارف إن الطريقة كانت غلط بس ارجوكِ استوعبي الموقف." ريتاج: "أستوعب إيه بالظبط؟ أستوعب إن حياتي كلها مدمرة بسبب أنانيتك." زياد بعصبية مسكها من إيدها وباسها بقوة لدرجة إن شفايفها نزفت. ريتاج بعدته عنها

وضربته بالقلم وقالت بصريخ: "اطلع برااااااااااااااااا... براااااااااا بقولك! زياد طلع بره أوضتها وهو متعصب. سليم كان خارج من المطبخ وشاف زياد فقال: "هو في إيه ووشك محمر كده ليه؟ زياد بعصبية: "محدش له دعوة بيا." وسابه ونزل. سليم دخل لريتاج وكان بتعيط. قعد قصادها وقال: "بصي أنا جايز معرفكيش بس نظرتك دي بتقول إن كان فيه قصة حب ما بينكم.. طول عمره زياد إنسان كتوم ومش بيحب يقول لحد حاجة." ريتاج بحزن:

"على فكرة أنا مش وحشة عشان يحصل معايا كل ده." سليم: "ومين قالك إنك وحشة.. أنا مثلاً شايفك أعظم بنت، انتِ قوية وذكية ومثقفة وفيكي صفات كتير حلوة.. إحنا مش ملايكة بس برضه مش شياطين.. وبعدين الناس مش بتشوف غير اللي عايزة تشوفه وبس." ريتاج بصتله شوية، سليم عمال يشاور بس هي سرحت. زعق وقال: "ريتاج! ريتاج اتخضت وقالت: "آسفة سرحت." سليم قام وابتسم وقال: "نامي دلوقتي وبكرة كله هيتحل."

خرج سليم وراح أوضة كيان وفتح الباب لقى كيان واقعة على الأرض وبتنزف.