رواية حب بلا قواعد الفصل الثالث عشر 13 - بقلم جيلان محمد

بعدت كيان ولقيت سكينة في طبق الفواكه. مسكتها وقالت: "لو قربت مني هموتك... أنا مش هسمحلك تأذي ابنك، كفاية." سليم بصدمة: "ابني... أنتِ حامل؟ كيان بدموع: "للأسف... بس ده ابني لوحدي." سليم مسكها من إيدها اللي ماسكة السكينة وبحركة سريعة وقعت منها. إيده التانية حاوطها من وسطها وباسها بحب وشوق. كيان بتعيط. بعد عنها وسند راسه على راسها وقال: "أنا آسف... أنا بحبك." كيان بدموع: "اللي بيحب حد عمره ما هيأذيه."

سليم حضنها وقال: "سامحيني يا كيان أرجوك... مش هزعلك تاني ولا هضايقك تاني." كيان ضربته في بطنه فتألم سليم. وقالت: "أنا هسامحك يا سليم بس مش هنسى." سليم حضنها بقوة وقال: "بس أنا كمان هسامحك عشان قصيتي شعرك... وحشتيني يا كيان." كيان متعلقة في حضنه وبتعيط. بعدت كيان عنه لقيت دم على التيشيرت بتاعه. كيان بصدمة: "إيه ده؟ سليم خلع التيشيرت وكان في لازقة محطوطة على جرح في بطنه. كيان: "إيه اللي حصل؟

سليم: "ربنا عاقبني عشان أتعلم... أنتِ عارفة ليه أنا مش بزعل من زياد عشان بعدك عني؟ هحكيلك موقف من مواقفنا سوا." *** سليم ماسك كوباية الماية ورماها على الأرض بقوة وقال بعصبية للممرضة: "مش عايز آخد الدوا، أنتِ فاهمة؟ خلاص أنا زهقت." الممرضة بتحاول تهديه. سليم زقها وكان عايز يشيل الكانيولا من إيده. دخل زياد على صوت التكسير والزعيق ولقى الممرضة واقعة على الأرض. جرى ناحية سليم

ومسكه من إيده وقال بعصبية: "إيه مالك منفعل كده ليه؟ مش قولنا هنخلص فترة علاج وهنبقى كويسة؟ سليم بتعب: "تعبت يا صاحبي، تعبت." *** سليم: "زياد بالنسبالي صاحبي اللي مش هيتعوض." بص على كيان لقاها نامت على دراعه. قال سليم بضحك: "حد بينام وهو واقف." شالها سليم بتعب ودخل أول أوضة قدامه ونامها على السرير ونام جنبها ودفن وشه في رقبتها ونام.

وصل زياد وريتاج الشقة. فتح زياد الباب بالمفتاح التاني. دخل يدور في الشقة لغاية ما لقى سليم وكيان نايمين وحاضنين بعض. قفل زياد الباب عليهم وقال: "تكسب يا ريتاج." ريتاج: "مش قولتلك." زياد: "طب خشي نامي في الأوضة التانية وأنا هنام هنا عشان بجد تعبان أوي." ريتاج: "طيب تصبح على خير." دخلت ريتاج. فقال زياد في سره: "وأنتِ من أهلي." *** صباح تاني يوم. بتصحى كيان مش بتلاقي سليم جانبها. ولسة هتقوم لقيت سليم داخل وشايل

صينية فيها فطار وقال: "مالك مخضوضة كده ليه يا حبيبتي؟ حط الصينية على الترابيزة وقرب من كيان وباسها بوسة طويلة وقال: "صباح الخير يا كياني." كيان بابتسامة: "صباح النور... كنت فين؟ كيان قعدت وسليم قعد جانبها وقال: "صحيت بدري نزلت أجيب أكل عشان نفطر، وصحيت زياد وقريبته ريتاج، وبعد كده حضرتلك الفطار عشان ابننا يكبر كده." كيان: "أو بنتنا."

سليم: "كل اللي يجيبه ربنا حلو يا حبيبتي. عايزك بقا تخلصي الأكل كله عشان مزعلش منك، ماشي؟ هروح أشوف زياد وجاي." طلع سليم من الأوضة وكان زياد واقف في البلكونة بيتكلم. وقال: "أنا لغاية دلوقتي مقولتش حاجة لسليم يا فندم، بس هو أكيد لازم يعرف... يعني إيه مش دلوقتي." سليم كان واقف وراه وقال: "مخبي عني إيه يا صاحبي؟ زياد بيلف لسليم، بيبص له بصدمة و...