رواية حب بلا قواعد الفصل الرابع عشر 14 - بقلم جيلان محمد

بتصحى كيان مش بتلاقي سليم جنبها. لسة هتقوم، لقيت سليم داخل وشايل صينية فطار. قال: مالك مخضوضة كده ليه يا حبيبتي؟ حط الصينية على الترابيزة وقرب من كيان وباسها بوسة طويلة. قال: صباح الخير يا كياني. كيان بابتسامة: صباح النور. كنت فين؟ كيان قعدت وسليم قعد جنبها. قال: صحيت بدري، نزلت أجيب أكل عشان نفطر. وصحيت زياد وقريبته ريتاج، وبعد كده حضرت لك الفطار عشان ابننا يكبر كده. كيان: أو بنتنا.

سليم: كل اللي يجيبه ربنا حلو يا حبيبتي. عايزك بقى تخلصي الأكل كله عشان مزعلش منك، ماشي؟ هروح أشوف زياد وأنا جاي. طلع سليم من الأوضة. كان زياد واقف في البلكونة بيتكلم. قال: أنا لغاية دلوقتي مقلتش حاجة لسليم يا فندم، بس هو أكيد لازم يعرف. يعني إيه مش دلوقتي؟ سليم كان واقف وراه. قال: مخبي عني إيه يا صاحبي؟ زياد بيلف لسليم وبييبص له بصدمة وبيقفّل المكالمة. قال: بص، أنا عايزك تبقى هادي. هحكيلك كل حاجة. سليم ربّع

إيده وقال بهدوء: اتكلم. *** **فلاش باك** زياد قاعد بيشتغل على اللاب توب وجرس الباب بيرن. قام يشوف مين. لقى راجل قدامه بيقول: أنت زياد ممدوح؟ زياد باستغراب: أيوه أنا، خير؟ دخل الراجل بقلة ذوق. قال زياد: هي وكالة من غير بواب، أنت مين يا جدع أنت؟ الراجل طلع كارت من جيبه. قال: معاك المقدم رائد شوكت، أمن دولة. زياد: أهلاً وسهلاً، خير. رائد: من غير مقدمات عشان مضيعش وقت حضرتك. كنا عايزين حضرتك تساعدنا نقبض على عيلة صفوان.

زياد بخضة: عيلة صفوان؟ إزاي يا فندم؟ ده سليم صفوان يبقى صاحبي، وبعدين سليم شغله كله تمام. رائد: بس أنا مش قصدي على سليم، أنا قصدي على عمه نصار. زياد: نصار! رائد: أيوه، هو شغال في الممنوعات وغسيل الأموال. زياد: معقولة! إذا كان كده فأنا أكيد أساعدكم. بس سليم لازم ياخد خبر بالموضوع. رائد: سليم بالذات ميِعرفش، لأن من الممكن ميصدقكش. *** **انتهى الفلاش باك**

زياد: كنت أكيد هقولك، بس الوقت المناسب. وكمان حوارك مع كيان خلاني مقدرش أكلمك. سليم بعصبية: هو أنت شايفني مجنون قدامك ومحتاج الشفقة منك؟ كيان بتخرج من الأوضة على صوت زعق سليم. ريتاج واقفة خايفة وبتقول: لحّق جوزك يا كيان. كيان راحت ناحية سليم وقالت: مهما كان زياد عمله معاك هيفضل صاحبك عشرة عمرك، مش ده كلامك؟ اهدى بقى وتعالى معايا. سليم مشى معاها، ولكن كيان حست إنها هتتقيأ وجريت على الحمام. فقال سليم: إيه اللي حصل؟

ريتاج جات وراه وقالت: دي أعراض طبيعية من الحمل. بس يا ريت توديها لدكتور تطمئن. سليم: ده أكيد هيحصل. *** عند سيدرا. سيدرا قاعدة بتعب واضح لأنها مش بتاكل ولا بتشرب من أيام. وفي ضوء خفيف متسلط على عينها بيدخل عليها حد، ولكنها مش بتشوفه. وقالت بتعب: أنت مين؟ -مش مهم يا سيدرا، بس اللي عايزك تعرفيه إن سليم صفوان هو اللي قتل أبوكي. سيدرا بزعيق: مستحييييييل، مستحييييييل.

-أكيد مش هتصدقيني عشان حبيب القلب، بس دي الحقيقة المرة. سيدرا بعياط: طب أنت عايز مني إيه؟ -اللي يقولك على طريقة تجيبي بيها حق أبوكي؟ سيدرا: أكيد هوافق. *** عند كيان وسليم. سليم قاعد مكان السواق وكيان جنبه. قال: حبيبي تعبان وهنروح نطمن عليه. كيان ابتسمت وسكتت. وصلوا عند عيادة دكتورة نسا وتوليد. وحطت كيان إيديها على بطنها بسعادة. ونزلت من العربية وسندت على سليم وطلعوا للعيادة. وراحوا عند السكرتيرة.

وقال سليم: صباح الخير، كنت عايز أكشف لمراتي. السكرتيرة: أهلاً وسهلاً. اسم المدام، وهنستريح شوية لغاية ما ييجي دوركم. سليم: تمام، هي اسمها كيان. سليم قعد وكيان قعدت جنبه. وسليم مسك إيدها لحد ما السكرتيرة نادت على كيان. مددت كيان على الشيزلونج اللي جنبه شاشة. حطت الدكتورة سائل على بطنها وفضلت تمشي الجهاز يمين وشمال.

الدكتورة بابتسامة: ألف مبروك يا مدام. حضرتك حامل في الأسابيع الأولى، بس لازم نهتم بالغذا في أول الشهور وعدم الحركة بشكل كبير. مش لازم يعني نغسل سجاجيد، ونبعد تمامًا عن شرب القهوة والقرفة. ووجهت الدكتورة كلامها لسليم. وقالت: أنا آسفة يعني يا أستاذ، ممنوع العلاقة الزوجية أول تلات شهور لغاية ما الجنين يثبت. سليم بإحراج: آه، طبعًا أكيد. الدكتورة: تمام، هكتبلك على شوية فيتامينات ومواعيد الاستشارة. وألف مبروك مرة تانية.

كيان ابتسمت وقامت تلبس هدومها. سليم وكيان نازلين من العيادة. فقال سليم بفرحة: أنا مش مصدق إني هبقى أب يا كيان. لسة كيان هترد عليه، بتلاقي بنت جاية ناحية سليم وبتحضنه بقوة. وقالت: كده يا سولي يا خاين، متسألش عني ولا عن ابنك. وطفل واقف جنبها وقال: بابا بابا! كيان واقفة مصدومة. وقالت: بابا!!!