رواية حب في عمليات خاصه الفصل الرابع 4 - بقلم ملك ايمن

قعدت على المكتب والاتنين قعدوا. فيروز: انت أهبل ياض انت وهو؟ كام مرة قلت محدش منكم يدخل إلا لما يداري سلاحه. اسلام: آه، أيوه صح. يونس: وأنا كمان، معلش بقا. فيروز: طيب جايين لي بقا؟ اسلام: عشان نتكلم بخصوص عملية الدرويش. يونس: عملية كبيرة جداً ومحتاجة تركيز عالي، ده أكبر تاجر سلاح في الشرق الأوسط. فيروز: سيادة الظابط علاء كان عامل اجتماع معاكم، حصل فيه إيه؟ يونس: احم، قولها يا اسلام. اسلام: وأنا مالي، قولها انت.

فيروز: انتوا هتتخانقوا على بعض؟ اخلصوا، حصل إيه؟ اسلام: احم، خطته يعني، دي خطته هو يعني. فيروز: عاوز يستخدم أني ست هنا يعني؟ فيروز: يعني أستخدم أنوثتي عشان أوقعه، مش كده؟ يونس: هو كده. فيروز: نتكلم في الموضوع ده بكرة. اسلام، جهز نفسك عشان الفرقة اللي جاية بكرة. اسلام: تمام، يلا أنا هخلع. يونس: وأنا كمان، يلا. خرجوا وهي حاطة إيديها على دماغها، وبعد كده مسكت ورق تراجعه. دق دق دق. فيروز: ادخل. دخلت ندي. ندي: فاضية؟

فيروز: افضالك، تعالي ادخلي. دخلت وقعدت وتفرك إيديها بتوتر. فيروز: مالك، في حاجة؟ ندي: اتخانقت مع محمد. فيروز: خناقة بس ولا مد إيديه؟ ندي والدموع اتجمعت في عينيها: شتمني وفرج عليا الناس. فيروز: تحبي أطلقك منه؟ ندي: والعيال دي؟ فيروز: مالهم العيال، هيتربوا، هنربيهم. ندي: مش عارفة والله، معرفة. فيروز: طيب، اهدي انتي بس وأنا هتصرف معاه. ندي: ماشي. قامت خرجت وقامت فيروز تطلع أوضتها. فيروز: مريم، رايحة فين؟

مريم: خارجة أقابل زميلتي. فيروز: متتأخريش. مريم: حاضر. خرجت مريم وفيروز عملت مكالمة. فيروز: جهزوا يلا. عُدّت الأيام بدون أحداث تُذكر. أشرقت شمس صباح جديد على فيلا موسي. صحيت بطلتنا الساعة السادسة صباحاً، دخلت الحمام، أخدت دش، لبست بنطلون أسود وتيشيرت أسود وجاكيت رياضي أبيض، شعرها ديل حصان، ساعة سوداء، ونزلت متوجهة نحو مقر عملها. دخلت مكتبها واستدعت اسلام، اتكلموا في القضية شوية وخرجوا، راحوا مكان التدريب التقني.

دخلت، كان فيه 12 شاب وبنت. فيروز: صباح الخير يا شباب. الكل: صباح النور يا فندم. كانت هتتكلم لولا دخول شاب، أُقل ما يُقال عنه شاب رياضي. فيروز: مين حضرتك؟ الشاب: أسر المحمدي، رائد. اسلام: آه، ده اللواء عاصم قالي إنه هيكون معانا هنا. فيروز: يعني جاي يتدرب وهو رائد؟ اسلام: تعالي معايا. أخدها على جنب. فيروز: خيراً؟ اسلام: ده رائد شاطر جداً، لكن بسبب غلطة في عملية أخد جزاء ونزل رتبة تاني. فيروز: تمام.

وبصوت عالي: بصوا يا شباب، أنا مبحبش اللعب، كلامي يتنفذ. مجموعة معايا ومجموعة مع حضرت الظابط اسلام، الي أول مرة تدريب مع اسلام، والي كان له تجربة معايا. مفهوم؟ الكل: مفهوم يا فندم.