رواية حب في عمليات خاصه الفصل الثالث 3 - بقلم ملك ايمن

فيروز بغضب راحت نحيته ومسكته من ياقة قميصه. فيروز: للأسف إني مابدربش نسوان، ياحيلة أمك. وزقته، كان هيقع لولا أمه. ليلي: يرضيكي كده يا أميرة؟ فيروز بصوت عالي: مشوفش وشكم هنا، مفهوم؟ ليلي أخدت ابنها وخرجت بسرعة. التفت فيروز لأمها وأخواتها اللي نزلوا على صوتها. فيروز: أنا قلتها مرة ومش هكررها تاني، دخول الأوساخ دول هنا لأ. أميرة: بس... فيروز: ماما، لو سمحتي، أنا مش عاوزة أعمل تصرف مايعجبكيش. وطلعت على أوضتها.

ندي: أنا مش هقولها على مشكلتي دي، شايطة. أميرة: شوية وكلميها، روحي شوفي العيال، يلا. طلعت ندي، وأميرة دخلت أوضتها. ومريم واقفة في النص. مريم: أوووف، لما تهدى هكلمه. في ممر الغرف. فيروز: أم سعيد، هدخل آخد دش، جهزيلي القهوة بتاعتي. أم سعيد (الخدامة) : حاضر. ونزلت ودخلت فيروز أوضتها. طلعت بنطلون جينز وتيشيرت جملي وجزمة سودة، ودخلت الحمام. دق دق دقفيروز: في إيه؟ أم سعيد: أستاذ إسلام وأستاذ يونس تحت وعايزينك يا هانم.

فيروز: أوووف، طيب. خلصت ولبست ونزلتلهم. وهي نازلة على السلم. فيروز: ع المكتب يابهايم. وزقتهم، دخلتهم المكتب. في غرفة مريم. مريم: يا حبيبي، أنت هتتقدملي امتى بقا؟ مريم: متقلقش، بس مينفعش نتقابل في الخفا كده. ماشي يا بيبي، هحاول أخرج وأجيلك. في غرفة ندي. ندي: مالك يا آدم؟ آدم: ماما، لي بابا بيزعقلك كده؟ ندي: دي حاجات كبار ياحبيبي. آدم: أنا مش بحبه أبداً. ندي: آدم، عيب، ده بابا. آدم: أوووف. وسابها ونزل.

قاعدة على المكتب والاتنين قعدوا.