رواية حب في عمليات خاصه الفصل السابع عشر 17 - بقلم ملك ايمن

وقف أسر ونزلها، ومسكها من ياقة القميص. أسر بغضب: بتقول إيه ياروح أمك؟ سائر وهو بينزل: إيه مالك يا نجم؟ من أول القعدة وانت مش طايق نفسك ولا طايق حد. أسر: الصراحة مش طايقك انت. إسلام: إيه يارجالة، استهدوا بالله. ماتتكلم ياجمال. جمال بصوت واطي: والله ما أنا قايم، يستاهل عشان يبقى يقول نودي تاني. ندي: يا جماعة... جمال: هششش، مسمعش نفس. ندي: طيب. وقعدت. يونس: مالك يا أسر؟ في إيه؟ أسر: مفيش، بس ما ينفعش يشيلها كده ويقوم.

سائر: وهي كانت تخصك؟ اشمعنى انت اللي اتكلمت يعني؟ انت الدكر اللي فيهم. فيروز: سائر، خلصنا بقى لو سمحت. اقعدوا وانت تعالا معايا. وشدت أسر ودخلت جوه. وسائر قعد. إسلام: إيه ياباشا؟ متهدي كده. سائر بابتسامة: بيحبها. الكل: نعمة. سائر: يلا تصبحوا على خير. ودخل. الكل ضحك عليه وهو طلع أوضته المخصصة له. جمال: الواد ده مسخرة وربنا. يونس: سائر ده قنبلة هزار متنقلة. إسلام: آه، بس لما يقلب بيبقى أعوذ بالله.

مريم وهي بتتاوب: أنا عاوزة أنام. يونس: فيروز قالت هتباتوا معاها. مريم بتردد: أكيد مش قصدها عليا. ندي بابتسامة: لا عليكي ياقلبي. يونس: تعالي أوصلك أوضتكم. مريم: حاضر. وقامت معاه. إسلام: وأنا ألحق أروح، يلا مشوفش وشكم تاني إن شاء الله. سلام. ومشى. ندي: طيبين جدا. جمال: والله ما في أطيب مني أنا. ندي بخجل: احم، وانت مش هتروح؟ جمال: تؤ، مستني أسر. تفتكري قتلوا بعض؟ ندي: يا سلام، وليه ميبقاش أخوك اللي قتل أختي؟

جمال بغزل: اللي الجميل عاوزه هيكون. ندي بخجل: احم، أنا هطلع أنام. مسك إيديها. قعدت. جمال: ليه بتهربي مني كده؟ ندي: خايفة. جمال: منين؟ ندي: منك، ومن التجربة. خايفة أفشل، وخايفة من رد فعل عيالي، وخايفة محمد ياخدهم مني. جمال: أوعدك هكون أب ليهم زيهم زي عدي. ولو على خوفك مني، فأنا مفيش أكتر مني هيخاف عليكي. ولو على التجربة، وعد مني ليكي قدام ربنا إني هنسيكي أي حاجة حصلت معاكي. ندي: الرد هيوصلك بكرة مع ماما.

جمال: طب ليه أمي وأمك؟ ما أنا أهو، الجثة كلها أهي. ندي ضحكت. جمال: ضحكت، يبقى قلبها مال. ندي: كنت بتحب مراتك؟ جمال والحزن خيم عليه: غرام كانت ونعمة الزوجة. غرام حب الطفولة والشباب. كنا متربيين مع بعض، وطلعنا دراسة سوا، وجامعة سوا، اتجوزنا، خلفت عدي، وتوفت. ندي وظاهر عليها الحزن والغيرة: ا... أنا هطلع أنام. تصبح على خير.

جمال: ندي، أرجوكي. أنا حبيت أبدأ معاكي على صفحة بيضا. آه لحد دلوقتي بحبها، لكن دي ست متوفية. عايزك تعرفي إني قلبي مدقش غير ليكي انتي بس، وإلا ما كنتش اتقدمتلك. ندي، أنا بجد بحبك. ندي بدموع: وأنا... جمال: وانتي... ندي: وأنا كمان ب... بحبك. جمال بفرحة: حيث كده، تعالي لما أقولك سر. *** عند أسر وفيروز. أسر: عايز إيه؟ فيروز: ممكن أفهم إيه اللي حضرتك بتعمله ده؟ أسر بعصبية: هو إزاي يشيلك كده؟ ولا أساساً إزاي يلمسك؟

أنا شوية وكنت فصلت راسه عن جسمه، بني آدم حيوان، وواخد عليكي زيادة عن اللزوم. فيروز: سائر أخويا في الرضاعة. أسر بصدمة: نعم؟ آآآه، أسف، مكنتش أعرف. بس بردو ميلمسكيش. فيروز: انت عاوز إيه بالظبط؟ أسر: عاوزك، عاوز قلبك. عاوز أقول للدنيا كلها إنك ملكي أنا. فيروز: وأنا موافقة. أسر: نعم؟ فيروز: بقولك موافقة. جري فتح الشباك وقال بصوت عالي: يا جماااال! قالتلي موافقة. ودخلها. أسر: ما تيجي مكتب الكتاب دلوقتي.

فيروز: بس يامجنون أنت. وبعدين لما تكلم ماما الأول. أسر وهو بيقرب: طب تصبيرة طيب. فيروز بتحذير: وربنا أندمك على ماضيك ومستقبلك، وأخليك زي زيك دلوقتي. أسر: احم، أنا رجعت في كلامي. مش عاوز اتجوزك. فيروز: هههه. أسر: عيونه، قلبه، حياته، عمره. فيروز: يابني أنت اتهد بقى. أسر: اتهد هي شكلها علاقة مقرفة. فيروز: على إيه ياعني؟ امشي اطلع بره. أسر: تؤتؤ، أنا خلاص مضيت إقامة هنا. ضحكت فيروز على كلامه.

أسر: اعملي حسابك، كتب كتابنا بكرة، والفرح بعدين. فيروز: ليه السرعة دي؟ أسر: وليه منتسرعش يعني؟ عشان أبقى بحريتي معاكي. فيروز: امممم، حاضر. أسر: يلهوي على حبيبي وهو بيقول حاضر ياناس. فيروز: ملزق أوي يعني. أسر: بس بحبك. فيروز: اممم. أسر: لا اممم إيه؟ انطقي. فيروز: و... وأنا كمان ب... بحبك. أسر: هتفضلي تبح بحي كتير ها؟ هاجي الرزعم بو*سة تتكلمي على طول. فيروز: سرسجي أوي ياض. أسر: يلا انطقيها بقاف.

فيروز: احم، في موضوع الأول. أسر: في إيه؟ تعالي. أخدها، قعدها على الكنبة وقعد جنبها بيستمع لها بكل تركيز. فيروز بتردد: شوف، أنا دايما مطلوب مني الانضباط، يعني مش هقدر ألبس فساتين ولا أحط ميكاب، يعني وحادة بعض الشيء، يعني هتلاقي صعوبة في التعامل معايا. أسر: هششش، وأنا مش طالب منك أي حاجة من دول. أنا حبيت فوز اللي شايفها دي. وبمشاكسة بس ميمنعش من شوية دلع هنا في الأوضة. هه. وغمز لها. فيروز وشها أحمر: أنت قليل الأدب.

أسر: يالهوي عليا، ما يجي يابنتي نكتب دلوقتي أحسن. فيروز: بس بقى الله، يلا امشي عايزة أنام. أسر: طيب طيب، بس تعرفي شكلك حلو وانتي مكسوفة. وقام باس جبينها وخرج. فيروز: قليل الأدب أوي. واترمت على السرير وهي بتدندن: ياما عيون شغلوني، لكن ولا شغلوني إلا عيونك انت دول بس اللي خدوني، وبحبك أمروني، أمروني أحب، لقيتني بحب وادوب في الحب. واتنهدت وقالت: بحبك يابن أنعام، والله. ونامت بعمق. ***

ندي طلعت، وجمال أخد أسر وركبوا العربية. وأسر شغل الكاسيت على أغنية الست. "يا حبيبي يا حبيبي الليل وسماه ونجومه وقمرو قمرو وسهرو، وانت وانا ياحبيبي أنا ياحبيبي أنا ياحياتي أنا، كلنا كلنا في الحب سوا والهوا، آه منه الهوا، آه سهران الهوا، يسقينا الهنا ويقول بالهنا، ياحبيبي يلا نعيش في عيون الليل، ونقول للشمس تعالي تعالي بعد سنة مش قبل سنة، في ليلة حب حلوة بألف ليلة وليلة". "الله عليكي يا ست".